Cinema
ക​ളി​ചി​രി​യി​ലൊ​തു​ങ്ങു​ന്ന​ത​ല്ല ബി​ടെ​ക്...!
Saturday, May 5, 2018 9:45 PM IST
ഈ ​നാ​ട്ടി​ൽ കൊ​തു​കു​ക​ളേ​ക്കാ​ൾ കൂ​ടു​ത​ൽ എ​ൻ​ജി​നി​യ​റിം​ഗ് ബി​രു​ദ​ധാ​രി​ക​ൾ ഉ​ണ്ടാ​യി​രി​ക്കു​മെ​ന്ന ചി​ന്താ​ഗ​തി​യി​ൽ ഉൗ​ന്നി നി​ന്നുകൊ​ണ്ടാ​ണ് "ബി​ടെ​ക്' എന്ന ചിത്രത്തിന്‍റെ ക​ഥ വി​ക​സി​ക്കു​ന്ന​ത്. ഇക്കാര്യം അ​ക്ഷ​രാ​ർ​ഥ​ത്തി​ൽ ശ​രി​യാ​യി​രി​ക്കു​മെ​ന്ന് ആ​ർ​ക്കാ​യാ​ലും തോ​ന്നി​പ്പോകുകയും ചെയ്യും.​ ബി​ടെ​ക് ക​ഴി​ഞ്ഞ് എ​ട്ടു​വ​ർ​ഷ​മാ​യി ജോ​ലി​കി​ട്ടാ​ത്ത ഒ​രാ​ളെ ചൂ​ണ്ടി​ക്കാട്ടി എ​ൻ​ജി​നി​യ​റിം​ഗ് കോ​ഴ്സി​ന്‍റെ ഇ​ന്ന​ത്തെ സ്ഥി​തി സ​മ​ർ​ഥി​ക്കാ​ൻ സം​വി​ധാ​യ​ക​ൻ ശ്ര​മി​ക്കു​ന്നു​മു​ണ്ട്. ഓ... ​അ​പ്പോ​ൾ അ​ടി​ച്ചു പൊ​ളി​യൊ​ന്നു​മ​ല്ല, ദാ​രി​ദ്യ്രം പ​റ​ച്ചി​ലാ​ണ് സി​നി​മ​യെ​ന്ന് ക​രു​ത​ണ്ട. ആ​ദ്യ​മേ ത​ന്നെ ഇ​ത്ത​ര​ത്തി​ലു​ള്ള സം​ഗ​തി​ക​ളും സി​നി​മ പ​റ​യു​ന്നു​ണ്ടെ​ന്ന് പറഞ്ഞുവെന്നേയുള്ളൂ.

ദാ ​വ​രു​ന്നു, വീ​ണ്ടു​മൊ​രു കാ​ന്പ​സ് ചി​ത്ര​മെ​ന്നു​ള്ള മ​ട്ടി​ൽ ബി​ടെ​ക്കി​നെ സ​മീ​പി​ക്ക​രു​ത്.​ സൗ​ഹൃ​ദ​വും പ്ര​ണ​യ​വും മാ​ത്ര​മ​ല്ല, വ​ള​രെ ഗൗ​ര​വ​മേ​റി​യ മ​റ്റു ചി​ല വി​ഷ​യ​ങ്ങ​ൾ കൂ​ടി സി​നി​മ ച​ർ​ച്ച ചെ​യ്യു​ന്നു​ണ്ട്. ആ​സി​ഫ് അലിയും സം​ഘ​വും ചി​ത്ര​ത്തി​ൽ ചു​ള്ളന്മാരാ​യി എ​ത്തു​ന്പോ​ൾ പി​ന്നെ കൗ​ണ്ട​റു​ക​ൾ​ക്കും ഇ​ടിക്കും കു​റ​വു​ണ്ടാ​കി​ല്ല​ല്ലോ.

ബിടെക്കിൽ അടിയും കോമഡിയും പ്രണയവും എല്ലാം ആവശ്യത്തിന് ചേർത്തിട്ടുണ്ട്. അ​വ​ധി​ക്കാ​ലം ബി​ടെ​ക് പി​ള്ളേ​രു​ടെ കൂ​ടെ ആ​ഘോ​ഷി​ക്കാ​മെ​ന്നു യു​വാ​ക്ക​ൾ തീ​രു​മാ​നി​ച്ചാ​ൽ തെ​റ്റു​പ​റ​യാ​ൻ പ​റ്റി​ല്ല. കാ​ര​ണം അ​വ​ർ​ക്ക് ആ​വ​ശ്യ​ത്തി​നു​ള്ള സം​ഗ​തി​ക​ളെ​ല്ലാം ന​വാ​ഗ​ത സം​വി​ധാ​യ​ക​ൻ മൃ​ദു​ൽ നാ​യ​ർ ചി​ത്ര​ത്തി​ൽ ഉ​ൾ​ക്കൊ​ള്ളി​ച്ചി​ട്ടു​ണ്ട്.



ആ​ദ്യം ഇ​ടി​യും മേ​ളാ​ങ്ക​വും

ബി​ടെ​ക്കി​ന്‍റെ ഗു​ണ​വും ദോ​ഷ​വും പ​റ​ഞ്ഞു​കൊ​ണ്ടാ​ണ് ചി​ത്ര​ത്തി​ന്‍റെ തു​ട​ക്കം. പി​ന്നെ പ​തി​വ് കാ​ന്പ​സ് ചി​ത്ര​ങ്ങ​ളി​ൽ കാ​ണാ​റു​ള്ള പോ​ലെ, ഫ്രെ​ഷേ​ഴ്സ് ഡേ​യും അ​ടി​യും മേ​ളാ​ങ്ക​വു​മെ​ല്ലാം പിന്നാലെ എ​ത്തും. ആ​സി​ഫ് അ​ലി ചി​ത്ര​ത്തി​ൽ ക​ലി​പ്പ​നാ​യ ആ​ന​ന്ദാ​യി എ​ത്തു​ന്പോ​ൾ യു​വാ​ക്ക​ൾ പ്ര​തീ​ക്ഷി​ക്കു​ന്ന​ത് ആക്ഷനായിരിക്കും. പ്ര​തീ​ക്ഷ തെ​റ്റി​ക്കാ​തെ ത​ന്നെ അ​ല​ന്പ് കാ​ണി​ച്ച പി​ള്ളേ​ർ​ക്ക് ര​ണ്ടെ​ണ്ണം കൊ​ടു​ത്തുകൊ​ണ്ടാ​ണ് ആ​സി​ഫ് പ്ര​ത്യ​ക്ഷ​പ്പെ​ടു​ന്ന​ത്. ക​ക്ഷി പ​ക്ഷേ സീ​നി​യ​റാ​ണ്, പ​ഠ​നം ക​ഴി​ഞ്ഞ് നാലുവ​ർ​ഷ​മാ​യി​ട്ടും എ​ൻ​ജി​നി​യ​റിം​ഗ് പാ​സാ​കാ​ത്ത ചു​ള്ള​ൻ. ​മീ​ശ​യും താ​ടി​യും​വച്ച് കി​ടി​ല​ൻ ഗെ​റ്റ​പ്പി​ലാ​ണ് ച​ങ്ങാ​തി​യു​ടെ വ​ര​വ്. ബാംഗളൂർ ലൈ​ഫ് എ​ല്ലാ ​രീ​തി​യി​ലും ആ​സ്വ​ദി​ക്കു​ന്ന ഒ​രു​പ​റ്റം ചു​ള്ളന്മാ​രു​ടെ ഗ്യാംഗ് ലീ​ഡ​റാ​ണ് ആ​ന​ന്ദ്.



എ​ന്തി​നും പോ​കു​ന്ന സു​ഹൃ​ത്തു​ക്ക​ൾ

സൗ​ഹൃ​ദ​ത്തി​ന്‍റെ ക​ഥ​ കൂ​ടി​യാ​ണ് ബി​ടെ​ക്. എ​ത്ര പ​ഠി​ച്ചി​ട്ടും പാ​സാ​കാ​ത്ത എ​ൻ​ജി​നി​യ​റിം​ഗി​നെ വ​രു​തി​യി​ലാ​ക്കാ​ൻ ദീ​പ​ക്ക് പ​റ​ന്പോ​ളും ശ്രീ​നാ​ഥ് ഭാ​സി​യു​മെ​ല്ലാം ചി​ത്ര​ത്തി​ൽ ആ​ന​ന്ദി​ന് കൂ​ട്ടു​ണ്ട്. കൂ​ട്ട​ത്തി​ൽ ക​ലി​പ്പ് അ​ല്പം കൂ​ടു​ത​ലാ​യ​ത് കൊ​ണ്ടുത​ന്നെ ആ​ന​ന്ദ് വീ​ട്ടി​ലും പോ​കാ​റി​ല്ല. ഇ​വ​രു​ടെ ലോ​ക്ക​ൽ ഗാ​ർ​ഡി​യ​നാ​യി അ​ല​ൻ​സി​യ​ർ എ​ത്തി​യ​പ്പോ​ൾ രം​ഗം വീ​ണ്ടും ഉ​ഷാ​റാ​യി.

ചെ​റു​പ്പ​ത്തി​ന്‍റെ ആ​ഘോ​ഷങ്ങൾ പൊടിപൊടിക്കുന്പോഴാണ് ആസാദ് (​അ​ർ​ജു​ൻ) കാ​ന്പ​സി​ൽ എ​ത്തു​ന്ന​ത്. പിന്നീടാണ് ചി​ത്രം കൂ​ടു​ത​ൽ ആ​സ്വാ​ദ്യ​ക​ര​മാ​കു​ന്ന​ത്. ആ​സാ​ദ് ഉ​ഴ​പ്പന്മാ​രി​ൽ വ​രു​ത്തു​ന്ന മാ​റ്റ​ങ്ങ​ളും പി​ന്നെ അ​ല്ല​റ ചി​ല്ല​റ അ​ടി​യും ഇ​ടി​യു​മാ​യി ഒ​ന്നാം പ​കു​തി ക​ട​ന്നുപോ​കും. ചി​ത്ര​ത്തി​ൽ അ​സി​ഫി​നൊ​പ്പം പ്രാ​ധാ​ന്യ​മു​ള്ള വേ​ഷം കൈ​കാ​ര്യം ചെ​യ്ത അ​ർ​ജു​ൻ മി​ക​വു​റ്റ പ്ര​ക​ട​ന​മാ​ണ് പു​റ​ത്തെ​ടു​ത്ത​ത്. ബംഗളൂരുവിലെ ന​ഗ​ര​കാ​ഴ്ച​ക​ൾ ക​ള​ർ​ഫു​ള്ളാ​യി ഒ​പ്പി​യെ​ടു​ക്കാ​ൻ മ​നോ​ജ് കു​മാ​ർ ഖാ​ട്ടോ​യി​ക്ക് കൂ​ളാ​യി സാ​ധി​ച്ച​പ്പോ​ൾ ഫ്രെ​യി​മു​ക​ളി​ലെ​ല്ലാം "യോ ​യോ ട​ച്ച്’ ത​നി​യെ ക​ട​ന്നുകൂ​ടി.



അ​പ​ർ​ണ​യേ​ക്കാ​ൾ ഭേ​ദം നി​ര​ഞ്ജ​ന

ആ​ന​ന്ദി​നെ എ​പ്പോ​ൾ ക​ണ്ടാ​ലും ചൂ​ടാ​കു​ന്ന പ്രി​യ (അ​പ​ർ​ണ ബാ​ല​മു​ര​ളി) ചി​ത്ര​ത്തി​ൽ ബോ​റ​ൻ പ്ര​ക​ട​ന​മാ​ണ് കാ​ഴ്ച​വ​ച്ച​ത്. എന്നാൽ ആ​ന​ന്ദി​ന്‍റെ​യും സം​ഘ​ത്തി​ന്‍റെ​യും കൂ​ടെ​യു​ള്ള നി​ര​ഞ്ജ​ന ചു​റു​ചു​റു​ക്കു​ള്ള പ്ര​ക​ട​ന​ത്തിലൂടെ പ്രേക്ഷകമനം കവരുകയും ചെയ്തു. ആ​ദ്യ പ​കു​തി ഒ​ഴു​ക്ക​ൻ മട്ടി​ലാ​ണ് പോ​കു​ന്ന​തെ​ങ്കി​ൽ ര​ണ്ടാം പ​കു​തിയെ സീ​രി​യ​സ് മൂ​ഡി​ലേ​ക്ക് സം​വി​ധാ​യ​ക​ൻ എത്തിക്കുന്നുണ്ട്. ഒ​ട്ടും പ്ര​തീ​ക്ഷി​ക്കാ​ത്ത ദു​ര​ന്തം ആ​സി​ഫി​നും കൂ​ട്ട​ർ​ക്കും നേ​രി​ടേ​ണ്ടി വ​രു​ന്നി​ട​ത്താ​ണ് സി​നി​മ​യു​ടെ മൂ​ഡ് മൊ​ത്ത​ത്തി​ൽ മാ​റു​ന്ന​ത്. പി​ന്നീ​ട് അ​ങ്ങോ​ട്ട് പോ​രാ​ട്ട​മാ​ണ്, സ​ത്യം തെ​ളി​യി​ക്കാ​നു​ള്ള പോ​രാ​ട്ടം. രാ​ഹു​ൽ രാ​ജ് ഒ​രു​ക്കി​യ പാ​ട്ടും പ​ശ്ചാ​ത്ത​ല സം​ഗീ​ത​വും പ്രേ​ക്ഷ​കപ്രീ​തി നേ​ടു​ന്നു​ണ്ട്. മാ​ത്ര​മ​ല്ല, ഇ​ട​യ്ക്കി​ടെ താ​ളം തെ​റ്റു​ന്ന ചി​ത്ര​ത്തെ പി​ടി​ച്ചുനി​ർ​ത്താ​നും സ​ഹാ​യി​ക്കു​ന്നു​ണ്ട്.



ലോ​ജി​ക്കി​ല്ലാ​യ്മ​ക​ൾ ആ​വോ​ള​മു​ണ്ട്

സൈ​ജു കു​റു​പ്പി​ന്‍റെ​യും ജാ​ഫ​ർ ഇ​ടു​ക്കി​യു​ടെ​യും ചി​രിയു​ണ​ർ​ത്തു​ന്ന സം​ഭാ​ഷ​ണ​ങ്ങ​ൾ ചി​ത്ര​ത്തി​ന്‍റെ ഹൈ​ലൈ​റ്റാ​ണ്. ര​ണ്ടാം പ​കു​തി ചി​ത്രം കോ​ട​തി​യും കേ​സു​മാ​യി പോ​കു​ന്ന​തോ​ടെ ലോ​ജി​ക്കി​ല്ലാ​യ്മ​ക​ൾ പ​തി​യെ ത​ല​പൊ​ക്കി തു​ട​ങ്ങും. പി​ന്നീ​ട് അ​ങ്ങോ​ട്ടു​ള്ള കാ​ഴ്ച​ക​ൾ സം​വി​ധാ​യ​ക​ന്‍റെ കൈ​വി​ട്ട ക​ളി​യാ​ണ്. ഇ​പ്പോ​ൾ പാ​ളി​പ്പോ​കു​മെ​ന്ന് തോ​ന്ന​ൽ ഉ​ള​വാ​ക്കി എ​ങ്ങ​നെ​യൊ​ക്ക​യോ ചി​ത്രം ക​ര​ക​യ​റു​ക​യാ​ണ്. അ​നൂ​പ് മേ​നോ​നും പ്ര​ധാ​ന​പ്പെ​ട്ടൊ​രു വേ​ഷ​ത്തി​ൽ ചി​ത്ര​ത്തി​ലെ​ത്തു​ന്നു​ണ്ട്. ഇ​പ്പോ​ഴും സ​മൂ​ഹ​ത്തി​ൽ നി​ല​നി​ൽ​ക്കു​ന്ന ചി​ല തെ​റ്റി​ദ്ധാ​ര​ണ​ക​ൾ മാ​റ്റാ​ൻ സം​വി​ധാ​യ​ക​ൻ ഇ​വി​ടെ ശ്ര​മി​ക്കു​ന്നു​ണ്ട്. പേ​രി​ൽ അ​ല്ല, പ്ര​വ​ർ​ത്തി​യി​ലാ​ണ് കാ​ര്യം എ​ന്ന് ഓ​ർ​മി​പ്പി​ച്ച് കൊ​ണ്ടാ​ണ് ചി​ത്രം അ​വ​സാ​നി​ക്കു​ന്ന​ത്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.