Cinema
ഭ​യാ​ന​കം ഞെ​ട്ടി​ച്ചു..!
Saturday, July 21, 2018 10:13 AM IST
സ്നേഹം നിറഞ്ഞ പോസ്റ്റുമാൻ...

ചില കാര്യങ്ങൾ അറിയിക്കാനാണ് ഈ കത്തെഴുതുന്നത്. "ഭയാനകം' കണ്ടശേഷമാണ് നിങ്ങളോട് ബഹുമാനം തോന്നിയത് എന്നതാണ് അതിൽ പ്രധാനം. ഇ​തു​വ​രെ "പോ​സ്റ്റുമാൻ' എ​ന്നു പ​റ​ഞ്ഞാ​ൽ ക​ത്തു കൊണ്ടുവരുന്നയാൾ മാത്രമായിരുന്നു. അതിവിടെ തീരുകയാണ്. ഇനി താങ്കളെ അങ്ങനെ കാണാൻ ആർക്കും കഴിയില്ല...

ന്യൂജനറേഷൻ കാലത്ത് ഇ​ങ്ങ​നെയൊരു ക​ഥ പ​റ​ഞ്ഞാ​ൽ എ​ത്ര​പേ​ർ ഉ​ൾ​ക്കൊ​ള്ളു​മെ​ന്ന് അ​റി​യി​ല്ല. ര​ണ്ടാം ലോ​കമ​ഹാ​യു​ദ്ധ കാ​ല​ത്തെ പോ​സ്റ്റുമാന്‍റെ അ​വ​സ്ഥ മാ​ലോ​ക​ർ അ​റി​ഞ്ഞി​രി​ക്കേ​ണ്ടതു ത​ന്നെ​യാ​ണ്.​ ജ​യ​രാ​ജ്, താ​ങ്ക​ൾ ആ ​ദൗ​ത്യം വ​ള​രെ ഭം​ഗി​യാ​യി നി​ർ​വ​ഹി​ച്ചി​ട്ടു​ണ്ട്.

ഭ​യം മനസിൽ ഇപ്പോഴും തളംകെട്ടി നിൽക്കുകയാണ്. ഭ​യാ​ന​കം എ​ന്നു പേ​രു​കേ​ട്ട​പ്പോ​ൾ ഇ​ത്ര​ത്തോ​ളം ഭ​യ​പ്പാ​ട് ​ചി​ത്ര​ത്തി​ൽ കാ​ണു​മെ​ന്ന് ക​രു​തി​യി​ല്ല. ത​ക​ഴി​യു​ടെ "ക​യ​റി'​ലെ ര​ണ്ട് അ​ധ്യാ​യ​ങ്ങ​ൾ​ക്ക് ജ​യ​രാ​ജ് ച​ല​ച്ചി​ത്രഭാ​ഷ്യം ര​ചി​ച്ച​പ്പോ​ൾ അ​തി​ന്‍റെ അ​ന്തഃ​സ​ത്ത ഒ​രി​റ്റു പോ​ലും ചോ​ർ​ന്നുപോ​യി​ല്ല എന്നത് അഭിനന്ദനാർഹമാണ്.



ഒ​ന്നാം ലോ​ക​മ​ഹാ​യു​ദ്ധത്തിന്​ ശേ​ഷ​മു​ള്ള കു​ട്ട​നാ​ടും ര​ണ്ടാം ലോ​ക​മ​ഹാ​യു​ദ്ധ​ കാ​ല​ത്തെ കു​ട്ട​നാ​ടു​മാ​ണ് ചി​ത്ര​ത്തി​ൽ നി​റ​ഞ്ഞു നി​ൽ​ക്കു​ന്ന​ത്. ര​ണ്‍​ജി പ​ണി​ക്ക​ർ പോ​സ്റ്റുമാനായി വേ​ഷ​മി​ട്ട് ഭ​യാ​ന​ക​ത്തി​ന്‍റെ നെ​ടും​തൂ​ണാ​യി നി​ന്ന​പ്പോ​ൾ ഒ​ഴു​കി​യെ​ത്തി​യ ഫ്രെ​യി​മു​ക​ള​ത്ര​യും പ്രേ​ക്ഷ​ക​രോ​ട് ക​ഥ പ​റ​ഞ്ഞുകൊ​ണ്ടേ​യി​രു​ന്നു.

ഭ​യാ​ന​കം എ​ന്നാ​ൽ ശ​ബ്ദ​വി​ന്യാ​സം കൊ​ണ്ടു​ള്ള മാ​യാ​ജാ​ലം മാ​ത്ര​മ​ല്ല, മ​നു​ഷ്യ​ന്‍റെ അ​വ​സ്ഥ​ക​ളു​ടെ ഇ​ട​യി​ൽ പെ​ട്ടു​കി​ട​ക്കു​ന്ന ഒ​രുത​രം മ​ര​വി​പ്പ് കൂ​ടി​യാ​ണ്. അ​ത് തി​രി​ച്ച​റി​ഞ്ഞ ക​ഥാ​കാ​ര​നാ​യി​രു​ന്നു ത​ക​ഴി. ആ മ​ന​സ് തി​രി​ച്ച​റി​ഞ്ഞാവും സംവിധായകൻ ചിത്രത്തിന് ഭയാനകം എന്ന പേര് നൽകിയതും.



ര​ണ്‍​ജി പ​ണി​ക്ക​ർ, താ​ങ്ക​ളു​ടെ സി​നി​മാ ജീ​വി​തം എ​ന്നെ​ന്നും ഓ​ർ​ത്തി​രി​ക്കാ​ൻ ഈ ക​ഥാ​പാ​ത്രം ധാ​രാ​ളം. ഒ​ന്നാം ലോ​ക​മ​ഹാ​യു​ദ്ധ​ത്തി​ൽ നി​ന്നു ക​ഷ്ടി​ച്ച് രക്ഷപെട്ട താങ്കളുടെ പേരില്ലാ കഥാപാത്രത്തിന്‍റെ മുഖത്ത് ഭയം തളംകെട്ടി നിന്നിരുന്നു. പ​ട്ടാ​ള​ത്തി​ലേ​ക്ക് പോ​കു​ക​യെ​ന്നാ​ൽ മരണത്തിലേക്കുള്ള യാത്രയെന്ന് താങ്കളുടെ കഥാപാത്രം കണ്ണുകൾകൊണ്ട് പറഞ്ഞു. എന്നാൽ രണ്ടാം പകുതിയിൽ ആ കണ്ണുകളിൽ തെളിഞ്ഞ ഭയം ഉറച്ച ശബ്ദമായി പുറത്തുവരികയും ചെയ്തു. ​പക്ഷേ ആ​രു കേ​ൾ​ക്കാ​ൻ... വിശപ്പി​ന്‍റെ വി​ളി​ക്ക‌ു മു​ന്നി​ൽ ഗ്രാ​മ​ങ്ങ​ളി​ലെ ചെ​റു​പ്പ​ക്കാ​രെ​ല്ലാം പ​ട്ടാ​ള​ത്തി​ലേ​ക്ക് ഒ​ഴു​കിക്കൊണ്ടേ​യി​രു​ന്നു.



ഒ​രു പോ​സ്റ്റുമാന്‍റെ ക​ണ്ണു​ക​ളി​ലൂ​ടെ യു​ദ്ധ​ത്തി​ന്‍റെ ഭീ​ക​ര​ത​യെ വിളിച്ചറിയിക്കുകയായിരുന്നു സംവിധായകൻ ജയരാജ്. പ​ട്ടാ​ള​ത്തി​ൽ പോ​യ മ​ക്ക​ളു​ടെ മ​ണി ഓ​ർ​ഡ​റി​നും ക​ത്തി​നു​മാ​യി കാ​ത്തി​രി​ക്കു​ന്ന നി​ര​വ​ധി അ​ന​വ​ധി കു​ടും​ബ​ങ്ങ​ളെ ചി​ത്ര​ത്തി​ൽ കാണിച്ചുതന്നു. സ​ന്തോ​ഷ​ത്തി​ന്‍റെ നി​ഴ​ലാ​ട്ടം ഒ​ന്നാം പ​കു​തി​യി​ൽ നി​റ​യു​ന്പോ​ഴും വ​രാ​ൻ പോ​കു​ന്ന നാ​ളു​ക​ളി​ലെ ഭയം പോസ്റ്റുമാന്‍റെ കണ്ണിൽ നിറഞ്ഞിരുന്നു. പ​ട്ടാ​ള​ത്തി​ൽ പോ​യ ര​ണ്ടു മ​ക്ക​ളെ കാ​ത്തി​രി​ക്കു​ന്ന അ​മ്മ​മാ​രു​ടെ കൂ​ട്ട​ത്തി​ൽ ആ​ശാ ശ​ര​ത്തു​മു​ണ്ടാ​യി​രു​ന്നു. മ​ക്ക​ൾ വീ​രന്മാരാ​ണെ​ന്നും യു​ദ്ധം ജ​യി​ച്ച് അ​വ​ർ തി​രി​ച്ചെ​ത്തു​മെ​ന്നും അ​വ​ർ പ​റ​യു​ന്പോ​ൾ മു​ഖ​ത്ത് വി​രി​ഞ്ഞ "വീ​ര​ഭാ​വം' കാ​ണേ​ണ്ട​ത് ത​ന്നെ​യാ​ണ്.



യു​ദ്ധ​ത്തെ തൊ​ട്ട​റി​ഞ്ഞ പോ​സ്റ്റുമാന്‍റെ ര​ണ്ടു അ​വ​സ്ഥ​ക​ളാ​ണ് ചി​ത്ര​ത്തി​ൽ നി​ഴ​ലി​ക്കു​ന്ന​ത്. യു​ദ്ധ​മി​ല്ലാ​ത്ത കാ​ല​ത്ത് മ​ണി​ ഓ​ർ​ഡ​റി​നാ​യി കാ​ത്തി​രി​ക്കു​ന്ന കു​ടും​ബ​ങ്ങ​ളി​ലേ​ക്ക് പോസ്റ്റുമാൻ ക​യ​റിച്ചെന്ന​പ്പോ​ൾ അയാൾ ഐ​ശ്വ​ര്യ​ത്തി​ന്‍റെ പ്ര​തീ​ക​മാ​യി​രു​ന്നു. ഇതേ പോസ്റ്റുമാൻ യുദ്ധകാലത്ത് വീട്ടിലെത്തുമ്പോൾ ദുശകുനമായി മാറുകയാണ്. ഈ ​ര​ണ്ട് അ​വ​സ്ഥ​ക​ളെ​യും രൺജി പണിക്കരിലെ നടൻ ഭാവവ്യത്യാസങ്ങളോടെ ഉൾക്കൊള്ളുകയായിരുന്നു.

ഗ്രാ​മ​ത്തി​ന്‍റെ ഭം​ഗി​ ആ​വോ​ളം ഒ​പ്പി​യെ​ടു​ത്ത് ഫ്രെ​യി​മു​ക​ളി​ൽ നി​റ​യ്ക്കാ​ൻ ഛായാ​ഗ്രാ​ഹ​ക​ൻ നി​ഖി​ൽ എ​സ്. പ്ര​വീ​ണ്‍ ശ്രമിച്ചിട്ടുണ്ട്. ഇ​ട​യ്ക്കി​ടെ എ​ത്തിയ ഗാനങ്ങൾ ക​ഥ​യു​ടെ ഗ​തിക്കൊ​പ്പം ത​ന്നെ​യാ​ണ് നീ​ങ്ങി​യ​ത്.



ര​ണ്‍​ജി പ​ണി​ക്ക​ർ, നി​ങ്ങ​ൾ ​പോ​സ്റ്റുമാനായി ജീ​വി​ക്കു​ക​യാ​യി​രു​ന്നു... നി​ങ്ങ​ളു​ടെ മു​ഖ​ത്തെ ചി​രി​യും ഭ​യ​പ്പാ​ടും ഉ​ത്ക​ണ്ഠ​യു​മെ​ല്ലാം പ്രേ​ക്ഷ​ക​ ഹൃദയങ്ങളിലേക്ക് ഇറങ്ങിച്ചെന്നു. ര​ണ്ടാം പ​കു​തി തു​ട​ങ്ങു​ന്പോ​ൾ മു​ത​ൽ ആ മനസിൽ ആളത്തുടങ്ങിയ ഭ​യം ക​ത്തു​ക​ളെ ക​ളി​വ​ഞ്ചി​യാ​ക്കി കാ​യ​ലി​ൽ ഒഴുക്കും വ​രെ മ​ന​സി​ൽ നി​ന്നു.

എ​ത്ര ഇ​ട​ങ്ങ​ളി​ലാ​ണ് നി​ങ്ങ​ൾ മ​ര​ണം അ​റി​യി​ക്കാൻ ചെ​ന്ന​ത്. ആട്ടും തുപ്പും ആവോളം കിട്ടി. എ​ത്ര​യോ പേ​ർ നി​ങ്ങ​ളെ കണ്ട് ഓ​ടി​യൊ​ളി​ച്ചു. എ​ന്നി​ട്ടും അനിഷ്ടമൊന്നും കാട്ടാതെ നി​ങ്ങ​ൾ ക​ത്തു​ക​ൾ ന​ൽ​കിക്കൊണ്ടേ​യി​രു​ന്നു. അതാണല്ലോ നിങ്ങളുടെ തൊഴിൽ...

ഒ​ടു​വി​ൽ മ​ര​ണ​വാ​ർ​ത്ത​ക​ൾ ആരെയും അറിയിക്കാതെ, പ​ല കു​ടും​ബ​ങ്ങ​ളു​ടെ​യും പ്ര​തീ​ക്ഷാനാളം അ​ണ​യ്ക്കാ​തെ നി​ങ്ങ​ൾ വ​ഞ്ചി തു​ഴ​ഞ്ഞുപോ​യ​പ്പോ​ൾ പ്രേ​ക്ഷ​ക​ മനസിലും ആ​ശ്വാ​സം നി​ഴ​ലി​ച്ചു. ആ ​ആ​ശ്വാ​സമാണ് ഭ​യാ​ന​ക​ത്തി​ന്‍റെ വി​ജ​യം.

(ര​ണ്‍​ജി പ​ണി​ക്ക​രും പ്ര​കൃ​തി​യു​മാ​ണ് ഭ​യാ​ന​ക​ത്തി​ന്‍റെ പ്ല​സ് പോ​യി​ന്‍റു​ക​ൾ.)

വി.ശ്രീകാന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.