Cinema
സൂ​പ്പ​ർ സ​സ്പെ​ൻ​സു​മാ​യി ശ​ര​ത്
Sunday, July 29, 2018 11:53 AM IST
ബാ​ല​ച​ന്ദ്ര​മേ​നോ​ൻ ന്യൂ​ജ​ന​റേ​ഷ​ൻ ട്രാ​ക്കി​ലേ​ക്ക് എ​ത്തി​യി​ട്ടി​ല്ലാ​യെ​ന്ന് "എ​ന്നാ​ലും ശ​ര​ത്' ക​ണ്ട​വ​രാ​രും പ​റ​യി​ല്ല. അ​ഭി​ന​യ​ത്തി​ലാ​യാ​ലും സം​വി​ധാ​ന​ത്തി​ലാ​യാ​ലും തി​ര​ക്ക​ഥ​യി​ലാ​യാ​ലും അ​ടി​മു​ടി മാ​റി​യാ​ണ് മലയാളികളുടെ പ്രിയപ്പെട്ട സംവിധായകൻ ഇ​ത്ത​വ​ണ എ​ത്തി​യി​രി​ക്കു​ന്ന​ത്. ഒ​റ്റ​യ​ടി​ക്ക് എ​ല്ലാ ന്യൂ​ജ​ൻ ട്രെ​ൻ​ഡുകൾക്കും ത​ന്‍റെ സി​നി​മ​യി​ൽ അ​ദ്ദേ​ഹം സ്ഥാ​നം ന​ൽ​കു​ക​യാ​യി​രു​ന്നു. ഇ​തു കേ​ൾ​ക്കു​ന്പോ​ൾ തോ​ന്നും എ​ന്നാ​ലും ശ​ര​ത് ഒ​രു അ​ടി​ച്ചു​പൊ​ളി ചി​ത്ര​മാ​ണെ​ന്ന്. എ​ന്നാ​ൽ അ​ത്ര​മേ​ൽ അ​ടി​ച്ചു പൊ​ളി​യൊ​ന്നു​മ​ല്ല ചിത്രം എ​ന്ന​താ​ണ് വാ​സ്ത​വം.

കേ​ര​ള പോ​ലീ​സി​നെ ആ​വോ​ളം ട്രോ​ളി, രാ​ഷ്‌ട്രീ​യ പ്ര​സ്ഥാ​ന​ങ്ങ​ളെ പ​രി​ഹ​സി​ച്ച്, ചാ​ന​ൽ ച​ർ​ച്ച​ക​ളി​ൽ മ​ണ്ട​ത്ത​രം വി​ള​ന്പു​ന്ന​വ​രു​ടെ മു​ഖം വ​ലി​ച്ചു​കീ​റി​യാ​ണ് അ​ദ്ദേ​ഹം തി​ര​ക്ക​ഥ ഒ​രു​ക്കി​യി​രി​ക്കു​ന്ന​ത്. ഒ​രു കൊ​ല​പാ​ത​ക​ത്തി​ന്‍റെ പി​ന്നാ​ലെ പോ​യി തു​ട​ക്കം മു​ത​ൽ ഒ​ടു​ക്കം വ​രെ ആ​കാം​ക്ഷ നി​ല​നി​ർ​ത്തി പോ​കു​ന്ന ത്രി​ല്ല​റാ​ണ് എ​ന്നാ​ലും ശ​ര​ത്. നി​ര​വ​ധി പു​തു​മു​ഖ​ങ്ങ​ൾ ചി​ത്ര​ത്തി​ൽ ഇ​ടം​പി​ടി​ച്ചി​ട്ടു​ണ്ട്. കൊ​ല​യാ​ളി​യെ തേ​ടി​യു​ള്ള യാ​ത്ര​യ്ക്കി​ട​യി​ൽ ഇ​ന്ന​ത്തെ സാ​മൂ​ഹി​ക അ​ന്ത​രീ​ക്ഷ​ത്തെ ന​ന്നാ​യി വി​ല​യി​രു​ത്താ​നും സം​വി​ധാ​യ​ക​ൻ തു​നി​ഞ്ഞി​ട്ടു​ണ്ട്.



കോ​ള​ജ് വി​ദ്യാ​ർ​ഥി​നി​യാ​യ എ​ലി​സ​ബ​ത്തി​ന്‍റെ ദു​രൂ​ഹ​മ​ര​ണ​വും അ​തി​നെ ചു​റ്റി​പ​റ്റി​യു​ള്ള അ​ന്വേ​ഷ​ണ​വു​മാ​ണ് ചിത്രത്തിന്‍റെ പ്രമേയം. അ​ന്വേ​ഷ​ണ വ​ഴി​യിൽ ക​ലാ​ല​യ​വും അവിടുത്തെ അ​ന്ത​രീ​ക്ഷ​വും ക​ട​ന്നു വ​രു​ന്ന​തോ​ടെ ചി​ത്ര​ത്തി​ൽ പ്രണയവും കടന്നു കൂടുന്നുണ്ട്.

എ​ന്നാ​ൽ അ​വി​ടെ​യെ​ങ്ങും ക​ഥ​യെ ത​ള​ച്ചി​ടാ​തെ ഒ​രു മ്യൂ​സി​ക്ക് ബാ​ൻ​ഡി​ന്‍റെ പി​ന്നാ​ന്പു​റ​ത്തേ​ക്ക് കാ​ഴ്ച​ക്കാ​രെ കൊ​ണ്ടു​പോ​കു​ന്ന​തോ​ടെ ചി​ത്ര​ത്തി​ന്‍റെ വേ​ഗം കൂ​ടും. എ​ലി​സ​ബ​ത്തി​ന്‍റെ​യും (​നി​ധി അ​രു​ണ്‍) മി​ക്കി​യു​ടെ​യും (​നി​ത്യാ ന​രേ​ഷ്) സൗ​ഹൃ​ദ​ത്തി​ന്‍റെ ആ​ഴം എ​ത്ര​ത്തോ​ള​മു​ണ്ടെ​ന്ന് തു​ട​ക്ക​ത്തി​ൽ ത​ന്നെ സം​വി​ധാ​യ​ക​ൻ കാ​ട്ടി​ത്ത​രു​ന്നു​ണ്ട്.

ടൈ​റ്റി​ൽ ക​ഥാ​പാ​ത്ര​മാ​യ ശ​ര​ത്തായി വേ​ഷ​മി​ട്ടി​രി​ക്കു​ന്ന​ത് ചാ​ർ​ലി ജോ​യാ​ണ്. ഇ​വ​രെ മൂ​വ​രേ​യും ചു​റ്റി​പ്പറ്റി ക​ഥ നീ​ങ്ങു​ന്പോ​ഴും നി​ര​വ​ധി ക​ഥാ​പാ​ത്ര​ങ്ങ​ൾ ചി​ത്ര​ത്തി​ൽ കടന്നുവരുന്നുണ്ട്. ലാ​ൽ ജോ​സും ദി​ലീ​ഷ് പോ​ത്ത​നും ജൂ​ഡ് ആ​ന്‍റ​ണി​യു​മെ​ല്ലാ​മാ​ണ് ത​ല​കാ​ണി​ച്ച​വ​രി​ൽ പ്ര​മു​ഖ​ർ. കൊ​ല​പാ​ത​ക അ​ന്വേ​ഷ​ണം തു​ട​ക്ക​ത്തി​ൽ ഏ​റ്റെ​ടു​ത്ത പോ​ലീ​സ് ഓ​ഫീ​സ​റാ​യി ജൂ​ഡ് ആ​ന്‍റ​ണി വേ​ഷ​മി​ടു​ന്പോ​ൾ ചി​രി​ക്കാ​നേ​റെ​യു​ള്ള മു​ഹൂ​ർ​ത്ത​ങ്ങ​ൾ പ്രേക്ഷകന് ലഭിക്കും.



സ​മ​കാ​ലീ​ന വി​ഷ​യ​ങ്ങ​ൾ ഒ​ന്നൊ​ന്നാ​യി പ​രാ​മ​ർ​ശി​ച്ച് അ​ന്വേ​ഷ​ണം മുന്നോട്ടുപോകുന്നതിനിടയിൽ എ​ലി​സ​ബ​ത്തി​നെ സം​ബ​ന്ധി​ക്കു​ന്ന നി​ര​വ​ധി ക​ഥ​ക​ൾ മു​ന്നി​ലേ​ക്ക് വ​ന്നുകൊ​ണ്ടേ​യി​രു​ന്നു. മ​ണ്ട​ൻ അ​ന്വേ​ഷ​ണ രീ​തി​യെ മാ​ധ്യ​മ​ങ്ങ​ൾ ആ​ഘോ​ഷി​ക്കു​ന്ന​ത് എ​ങ്ങ​നെ​യാ​ണെ​ന്ന് തു​റ​ന്നുകാ​ട്ടാ​നും സം​വി​ധാ​യ​ക​ൻ തു​നി​ഞ്ഞി​ട്ടു​ണ്ട്.

ഇ​തി​നി​ട​യി​ൽ ക​ട​ന്നുവ​രു​ന്ന പാ​ട്ടു​ക​ൾ ത്രില്ലർ സിനിമയ്ക്ക് ക​ല്ലു​കടിയാണെങ്കിലും ചി​ത്ര​ത്തി​നൊ​ടു​വി​ലാ​യി എ​ത്തു​ന്ന ശ​ശിപ്പാട്ട് ന്യൂ​ജ​ൻ പി​ള്ളേ​ർ​ക്ക് ആ​ഘോ​ഷി​ക്കാ​നു​ള്ള വ​ക ന​ൽ​കു​ന്നു​ണ്ട്. ആ​ദ്യ പ​കു​തി​യി​ൽ ഡോ.​സാ​മി​ന് (ബാ​ല​ച​ന്ദ്ര​മേ​നോ​ൻ) വ​ലി​യ പ്രാ​ധാ​ന്യം ന​ൽ​കു​ന്നി​ല്ലെ​ങ്കി​ലും ഇ​ന്‍റ​ർ​വെ​ൽ പ​ഞ്ച് വ​ന്ന​തോ​ടെ ക​ക്ഷി​ക്ക് പ്രാ​ധാ​ന്യ​മേ​റി തു​ട​ങ്ങി.



ര​ണ്ടാം പ​കു​തി​യി​ൽ അ​ന്വേ​ഷ​ണം കൂ​ടു​ത​ൽ ഉൗ​ർ​ജി​ത​മാ​കു​ന്ന​തോ​ടെ സു​ര​ഭി രം​ഗ​പ്ര​വേ​ശം ചെ​യ്യും. ത​നി​ക്ക് കി​ട്ടി​യ പോ​ലീ​സ് വേ​ഷം കൈ​യ​ട​ക്ക​ത്തോ​ടെ കൈ​കാ​ര്യം ചെ​യ്ത് സുരഭി ചി​ത്ര​ത്തി​ന്‍റെ ത്രി​ൽ കൂ​ട്ടു​ന്ന​തി​ൽ പ്ര​ധാ​ന പ​ങ്കു​വ​ഹി​ച്ചു. പി​ന്നെ ദ്രുത​ഗ​തി​യി​ലാ​ണ് ക​ഥ​യു​ടെ പോ​ക്ക്. അ​ന്വേ​ഷ​ണം ശ​ര​ത്തി​ലേ​ക്ക് നീ​ങ്ങു​ന്ന​തോ​ടെ​യാ​ണ് എ​ന്നാ​ലും ശ​ര​ത്... എ​ന്ന ത​ല​വാ​ച​കം ചി​ത്ര​ത്തി​ന് ചേ​ർ​ന്ന​ത് ത​ന്നെ​യെ​ന്ന് പ്രേ​ക്ഷ​ക​ർ​ക്ക് തോ​ന്നു​ക.

പോ​ലീ​സി​ന്‍റെ അ​ന്വേ​ഷ​ണം ശ​രി​യാ​യ വ​ഴി​ക്ക് നീ​ങ്ങു​ന്ന​തോ​ടെ ചി​ത്ര​ത്തി​ൽ ട്വി​സ്റ്റു​ക​ൾ പ്ര​ത്യ​ക്ഷ​പ്പെ​ട്ട് തു​ട​ങ്ങും. സ​സ്പെ​ൻ​സ് അ​വ​സാ​നം വ​രെ നി​ല​നി​ർ​ത്തി ഒ​ടു​വി​ൽ അ​ന്വേ​ഷ​ണം എ​ലി​സ​ബ​ത്തി​നെ കൊ​ന്ന കു​റ്റ​വാ​ളി​ക്ക് മു​ന്നി​ൽ ചെ​ന്നു നി​ൽ​ക്കു​ന്പോ​ൾ പ്രേ​ക്ഷ​ക​ർ ആ​കെ ഒ​ന്നു അ​ന്പ​ര​ക്കും. ആ ​അ​ന്പ​ര​പ്പ് ത​ന്നെ​യാ​ണ് എ​ന്നാ​ലും ശ​ര​ത്തിന്‍റെ വി​ജ​യം.

വി. ശ്രീകാന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.