Cinema
"നാച്ചിയാർ' അത്ര പോര...!
Saturday, February 17, 2018 9:43 AM IST
"നാച്ചിയാർ' പതിവുകളൊന്നും തെറ്റിക്കാത്ത ഒരു ബാല ചിത്രമാണ്. വൈകാരിക രംഗങ്ങളാണല്ലോ ബാല ചിത്രങ്ങളുടെ ഹൈലൈറ്റ്. നാച്ചിയാറിലും ഇത്തരം രംഗങ്ങൾക്ക് കുറവൊന്നുമില്ല. പ്ര​ണ​യ​വും ആ​ക്ഷ​നു​മെ​ല്ലാം ന​ല്ല​ രീ​തി​യി​ൽ ഇ​ഴ​ചേ​ർ​ത്ത ചിത്രത്തിലൂടെ ഇവാന എന്ന മികച്ചയൊരു അഭിനേത്രയെ കൂടി സംവിധായകൻ തമിഴകത്തിന് പരിചയപ്പെടുത്തുകയാണ്. തു​ട​ക്കക്കാരി​യു​ടെ ഒ​രു​വി​ധ പ​ത​ർ​ച്ച​യും കാട്ടാതെ അരസി എന്ന കഥാപാത്രം ഇവാന മികവുറ്റതാക്കി. ചിത്രത്തിൽ ഇവാന വൈകാരിക രംഗങ്ങൾ കൈകാര്യം ചെയ്തത് കാണേണ്ടത് തന്നെയാണ്. എ​വി​ടെയും കൈ​വി​ട്ടു പോ​കാ​വു​ന്ന ക​ഥാ​പാ​ത്രം കൂളായി ഇവാന കൈകാര്യം ചെയ്തതാണ് ചിത്രത്തിന്‍റെ പ്ലസ് പോയിന്‍റ്. ചിത്രത്തിൽ റൗഡി പോലീസ് വേഷത്തിൽ എത്തി മിന്നിക്കാനുള്ള ശ്രമമൊക്കെ ജ്യോതിക നടത്തുന്നുണ്ട്. അ​തു​പ​ക്ഷേ, സൂ​ര്യ​യു​ടെ സി​ങ്കം പോ​ലീ​സി​നെ പോ​ലെ അ​ല​റി വി​ളി​യും കാ​ര്യ​ങ്ങ​ളു​മാ​യ​പ്പോ​ൾ പാളിപ്പോയെന്ന് മാത്രം.



നാ​ച്ചി​യാ​റെ​ന്ന അ​സി.​ക​മ്മീ​ഷണ​റു​ടെ വേ​ഷ​ത്തി​ലാ​ണ് ജ്യോ​തി​ക ചി​ത്ര​ത്തി​ലെ​ത്തു​ന്ന​ത്. റൗ​ഡി പ​രി​വേ​ഷ​മാ​ണെ​ങ്കി​ലും ഉ​ള്ളി​ന്‍റെയുള്ളി​ൽ നന്മയു​ള്ളൊ​രു പോ​ലീ​സ് ഓ​ഫീ​സറാണ്​ നാ​ച്ചി​യാ​ർ. പ്രായപൂർത്തിയാകാത്ത പെ​ണ്‍​കു​ട്ടി​യു​ടെ ഗ​ർ​ഭ​വും അ​തി​നെ ചു​റ്റി​പ്പറ്റി​യു​ള്ള സം​ഭ​വ​ങ്ങ​ളും കോ​ർ​ത്തി​ണ​ക്കി​യാ​ണ് ബാ​ല നാ​ച്ചി​യാ​ർ ഒ​രു​ക്കി​യി​രി​ക്കു​ന്ന​ത്. അ​നീ​തി​ക്കെ​തി​രേ പോ​രാ​ടു​ന്ന പോ​ലീ​സ് ഓ​ഫീ​സ​ർ ഈ ​കേ​സി​ൽ ഇ​ട​പെ​ടു​ന്ന​തോ​ടെ​യാ​ണ് ക​ഥ​യ്ക്ക് ജീ​വ​ൻ ​വ​ച്ചു തു​ട​ങ്ങു​ന്ന​ത്. ജി.​വി.​ പ്ര​കാ​ശ് കു​മാ​ർ കാ​ത്ത​വ​രാ​യ​നാ​യി എ​ത്തി ക​ഥ​യ്ക്ക് താ​ങ്ങും ത​ണ​ലു​മാ​യി നി​ൽ​ക്കു​ന്നു​ണ്ട്. നാ​യി​ക ജ്യോ​തി​ക​യാ​ണെ​ങ്കി​ലും ആ​ദ്യ പ​കു​തി​യി​ൽ ക​ഥ കൊ​ണ്ടുപോ​കു​ന്ന​ത് കാ​ത്തും അ​ര​സി​യും ചേ​ർ​ന്നാ​ണ്.



തെ​ര​ഞ്ഞെ​ടു​ത്ത വി​ഷ​യ​ത്തി​ന്‍റെ സീ​രി​യ​സ്ന​സ് ഒ​ട്ടും ചോ​ർ​ന്നു പോ​കാ​തെ​യാ​ണ് ബാ​ല നാ​ച്ചി​യാ​ർ ഒ​രു​ക്കി​യി​രി​ക്കു​ന്ന​ത്. എ​ന്നാ​ൽ തി​ര​ക്ക​ഥ​യി​ൽ ചേ​ർ​ത്തു​ വ​ച്ച ട്വി​സ്റ്റി​നും മ​റ്റ് സം​ഭ​വ​ങ്ങ​ൾ​ക്കും വേ​ണ്ട​ത്ര പ​ഞ്ചി​ല്ലാ​തെ വ​ന്ന​തോ​ടെ ഉൗ​ഹി​ക്കാ​വു​ന്ന ക​ഥാ​ഗ​തി​യി​ലേ​ക്ക് ചി​ത്രം വ​ന്നുവീ​ഴുകയായിരുന്നു. കാ​ത്തി​ന്‍റെ​യും അ​ര​സി​യു​ടെ​യും പ്ര​ണ​യ​വും മ​റ്റും പ്രേ​ക്ഷ​ക​രെ ര​സി​പ്പി​ക്കു​ന്നു​ണ്ടെ​ങ്കി​ലും പ​തി​വ് പ്ര​ണ​യ വ​ഴി​ക​ളി​ലൂ​ടെ​യാ​ണ് ബാ​ല​യും സ​ഞ്ച​രി​ക്കു​ന്ന​ത്. ഇ​ന്‍റ​ർ​വെ​ൽ പ​ഞ്ചാ​യി ക​രു​തി​വച്ച ട്വി​സ്റ്റ് പ​ക്ഷേ, ന​ന​ഞ്ഞ പ​ട​ക്ക​മാ​യി മാ​റു​ന്ന കാ​ഴ്ച തി​ര​ക്ക​ഥ​യു​ടെ ദ​യ​നീ​യാവ​സ്ഥ​യെ കാ​ട്ടി​ത്ത​രു​ന്നു​ണ്ട്.



ജ്യോ​തി​ക റൗ​ഡി​യാ​ണെ​ന്നും തന്‍റേടി​യാ​ണെ​ന്നും കാ​ണി​ക്കാ​നാ​യി ചി​ത്ര​ത്തി​ൽ ആ​വോ​ളം ക​ഷ്ട​പ്പെ​ടു​ന്നു​ണ്ട്. മു​ഖ​ത്ത് രൗ​ദ്ര​ഭാ​വം വി​രി​യി​ക്കാ​നാ​യി കാ​ട്ടി​ക്കൂ​ട്ടി​യ​തെ​ല്ലാം "അ​യ്യോ ക​ഷ്ടം' എ​ന്നു മാ​ത്രം തോ​ന്നി​പ്പി​ക്കാ​നെ ഉ​പ​ക​രി​ച്ചു​ള്ളു. ര​ണ്ടാം പ​കു​തി​യി​ൽ ചി​ത്രത്തെ ത്രി​ല്ലിം​ഗ് മൂ​ഡി​ലേ​ക്ക് കൊ​ണ്ടു​വ​രാ​ൻ കാ​ട്ടി​ക്കൂ​ട്ടു​ന്ന കാ​ര്യ​ങ്ങ​ൾ ഒക്കെ തുടക്കത്തിലെ പാളിപ്പോയി.

ഇ​ള​യ​രാ​ജ​യു​ടെ പ​ശ്ചാ​ത്ത​ല സം​ഗീ​തം ചി​ത്ര​ത്തി​ന്‍റെ സുഗമ​മാ​യ പോ​ക്കി​നെ വേ​ണ്ടു​വോ​ളം സ​ഹാ​യി​ച്ച​പ്പോ​ൾ ത്രി​ല്ലിം​ഗ് മൂ​ഡി​ലു​ള്ള ക​ഥ​യ്ക്ക് യോ​ജി​ക്കും വി​ധം കാ​മ​റ ച​ലി​പ്പി​ക്കാ​ൻ ഈ​ശ്വ​റും മു​ന്നി​ൽ ത​ന്നെ​യു​ണ്ടാ​യി​രു​ന്നു. പി​ടി​വി​ട്ടു പോ​യ തി​ര​ക്ക​ഥ​യ്ക്കു മേ​ൽ ര​ണ്ടാം പ​കു​തി​യി​ൽ ജ്യോ​തി​ക ഉ​റ​ഞ്ഞുതു​ള്ളി​യ​പ്പോ​ൾ സം​വി​ധാ​യ​ക​ൻ ബാ​ല​യ്ക്കി​ത് എ​ന്തു​പ​റ്റി​യെ​ന്ന് പ്രേ​ക്ഷ​ക​ർ​ക്ക് തോ​ന്നി​യാ​ൽ കു​റ്റം പ​റ​യാ​ൻ പ​റ്റി​ല്ല.



ഇ​ത്ത​രം കാ​ട്ടി​ക്കൂട്ടലു​ക​ൾ​ക്കി​ട​യി​ലും അ​ര​സി​യാ​യി എ​ത്തി​യ ഇ​വാ​ന ത​ന്നെ​യാ​ണ് ചി​ത്ര​ത്തി​ൽ ആ​ശ്വാ​സ​ത്തി​നു​ള്ള വ​ക ന​ൽ​കു​ന്ന​ത്. ഇ​വാ​ന​യു​ടെ അ​ഭി​ന​യ മി​ക​വാ​ണ് ആ​ടിയുല​ഞ്ഞ ചി​ത്ര​ത്തെ ഒ​രു​പ​രി​ധി​വ​രെ പി​ടി​ച്ചുനി​ർ​ത്തു​ന്ന​ത്. അ​ധി​കം വ​ലി​ച്ചു നീ​ട്ടാ​തെ ഒ​രു മ​ണി​ക്കൂർ നാ​ൽ​പ്പ​ത് മി​നി​റ്റി​ലേ​ക്ക് ഒ​തു​ക്കി ചി​ത്രം അ​വ​സാ​നി​പ്പി​ച്ച​ത് ന​ന്നാ​യി. ഇ​ല്ലാ​യെ​ങ്കി​ൽ, ഇ​ഴ​ഞ്ഞ് ഇ​ഴ​ഞ്ഞ് ചി​ത്രം ഒ​രു പ​രു​വ​മാ​യേ​നെ.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.