Cinema
സൂപ്പർ സുഡാനി...!
Friday, March 23, 2018 7:32 PM IST
"സു​ഡാ​നി ഫ്രം ​നൈ​ജീ​രി​യ' പേ​രി​നൊ​രു പ​ഞ്ചൊ​ക്കെ​യു​ണ്ട്... ട്രെ​യി​ല​റും പൊ​ളി​ച്ചു... പ​ക്ഷേ, താ​ര​ങ്ങ​ളു​ടെ നീ​ണ്ട​നി​ര​യൊ​ന്നും ക​ണ്ടി​ല്ല​ല്ലോ​യെ​ന്ന് ക​രു​തി സു​ഡാ​നി​യെ കാ​ണാ​ൻ തി​യ​റ്റ​റി​ൽ ക​യ​റാതിരുന്നാൽ ന​ഷ്ട​മാ​കു​ന്ന​ത് ഒ​രു ന​ല്ല സി​നി​മാ അ​നു​ഭ​വ​മാ​യി​രി​ക്കും. ല​ളി​ത-സു​ന്ദ​ര ക​ഥ​യു​ണ്ടെ​ങ്കി​ൽ പി​ന്നെ എ​ന്തി​നാ​ണ് ഗ​ഡാ​ഗ​ഡി​യ​ൻ താ​ര​ങ്ങ​ൾ... ഈ ​ചി​ന്താ​ഗ​തി​യി​ൽ നി​ന്നാ​വാം ന​വാ​ഗ​ത സം​വി​ധാ​യ​ക​ൻ സ​ക്ക​റി​യ​യു​ടെ ക​ണ്ണു​ക​ൾ സൗ​ബി​ൻ ഷാഹിറി​ൽ ഉ​ട​ക്കി​യ​ത്. എ​ന്താ​യാ​ലും ഫു​ട്ബോ​ൾ ക്ല​ബ് മാ​നേ​ജ​ർ മ​ജീ​ദി​ന്‍റെ വേ​ഷം പുള്ളി നൈ​സാ​യി​ട്ട് കൈ​കാ​ര്യം ചെ​യ്തു.

പ​ക്ഷേ ഞെ​ട്ടി​ച്ചത് നൈ​ജീ​രി​യ​ൻ അഭിനേതാവ് സാ​മു​വ​ൽ അ​ബി​യോ​ള റോ​ബി​ൻ​സ​നാണ്. ഭാ​ഷ അ​ത്ര​യ്ക്ക് വഴങ്ങിയില്ലെങ്കിലും എ​ന്താ പ്ര​ക​ട​നം..! ഫു​ട്ബോ​ൾ ക​ളി​യോ​ടു​ള്ള പ്രേ​മ​വും ക​മ​ന്‍റ​റി​ക​ൾ കൊ​ണ്ടു​ള്ള കൊ​ടു​ക്ക​ൽ വാ​ങ്ങ​ലു​ക​ളു​മെ​ല്ലാ​മാ​ണ് ഈ ​കൊ​ച്ചു ചി​ത്ര​ത്തെ കൂ​ടു​ത​ൽ മ​നോ​ഹ​ര​മാ​ക്കു​ന്ന​ത്. ഫു​ട്ബോ​ൾ ക​ളി ഇ​ഷ്ട​പ്പെ​ടു​ന്ന​വ​ർ​ക്ക് മാ​ത്ര​മ​ല്ല... നാ​ട്ടി​ൻ​പു​റം രീ​തി​ക​ൾ ഇ​ഷ്ട​പ്പെ​ടു​ന്ന ഏ​തൊ​രാ​ൾ​ക്കും സു​ഡാ​നി ഫ്രം ​നൈ​ജീ​രി​യ​യ്ക്ക് ടി​ക്ക​റ്റെ​ടു​ക്കാം. പ​ണ​ന​ഷ്ടം ല​വ​ലേ​ശം ഉ​ണ്ടാ​കി​ല്ല.



ഫു​ട്ബോ​ളി​നെ ചു​റ്റി​പ്പറ്റി​യു​ള്ള സി​നി​മ​ക​ൾ സ​ജീ​വ​മാ​വുക​യാ​ണ്. ഫു​ട്ബോ​ൾ സി​നി​മാ​ക്കാ​രു​ടെ മ​ന​സി​നു​ള്ളി​ലും കി​ട​ന്നുക​ളി​ക്കാ​ൻ തു​ട​ങ്ങി​യി​രി​ക്കു​ന്നു​വെ​ന്ന് സാ​രം. മൈ​താ​ന​ത്തെ ഫു​ട്ബോ​ൾ ക​ളി കാ​ണി​ച്ചുകൊ​ണ്ടാ​ണ് ചി​ത്ര​ത്തി​ന്‍റെ തു​ട​ക്കം. അ​പ്പോ​ൾ തോ​ന്നും സം​ഭ​വം ഫു​ൾ ഫു​ട്ബോ​ൾ ആ​യി​രി​ക്കു​മെ​ന്ന്... എ​ന്നാ​ൽ സം​ഗ​തി പി​ന്നെ നേ​രെ പോ​കു​ന്ന​ത് നാ​ട്ടി​ൻ​പു​റ​ത്തെ ഓ​രോ​രു​ത്ത​രു​ടെ വീ​ടു​ക​ളി​ലേ​ക്കാ​ണ്.



സെ​വ​ൻ​സ് ക്ല​ബ് ന​ട​ത്തി​കൊ​ണ്ടു​പോ​കു​ന്ന മ​ജീ​ദി​ന്‍റെ ടീ​മി​ലാ​ണ് നൈ​ജീ​രി​യ​യി​ൽ നി​ന്നും വ​ന്ന മൂ​ന്നു താ​ര​ങ്ങ​ൾ ഫു​ട്ബോ​ൾ ക​ളി​ക്കു​ന്ന​ത്. നൈ​ജീ​രി​യ​ക്കാ​ര​ൻ സാ​മു​വ​ലാ​ണ് (സു​ഡാ​നി) ക്ല​ബി​ന്‍റെ തു​റു​പ്പുചീ​ട്ട്. ക​ള​ത്തി​ലെ ക​ളി കാ​ണി​ക്കു​ന്നു​ണ്ടെ​ങ്കി​ലും സാ​ധാ​ര​ണ​ക്കാ​രു​ടെ ജീ​വി​ത​ത്തി​ന്‍റെ കോ​ർ​ട്ടി​ലേ​ക്കാ​ണ് സം​വി​ധാ​യ​ക​ൻ കൂ​ടു​ത​ൽ ഇ​റ​ങ്ങിച്ചെല്ലാ​ൻ ശ്ര​മി​ച്ചി​രി​ക്കു​ന്ന​ത്. ഇ​ല്ലാ​യ്മ​ക​ൾ​ക്കി​ട​യി​ലും മ​ജീ​ദി​ന് ഇ​ഷ്ടം ഫു​ട്ബോ​ളി​നോ​ടാ​ണ്. അ​താ​ണ് മ​റ്റു പ​ണി​ക്കൊ​ന്നും പോ​കാ​തെ മ​ജീ​ദ് ഫു​ട്ബോ​ളി​ന് ചു​റ്റും കി​ട​ന്ന് വ​ട്ടംക​റ​ങ്ങു​ന്ന​ത്.



സാ​മു​വ​ലി​ന് പ​രി​ക്കേറ്റ് കി​ട​പ്പാ​കു​ന്ന​തോ​ടെ​യാ​ണ് ചി​ത്രം അ​ല്പം സീ​രി​യ​സ് മൂ​ഡി​ലേ​ക്ക് ക​ട​ക്കു​ന്ന​ത്.​ വി​ദേ​ശ രാ​ജ്യ​ത്തു നി​ന്നും ഒ​രു താ​ര​ത്തെ ഇന്ത്യയിലേക്ക് കൊ​ണ്ടു​വ​ന്നാ​ലുള്ള നൂ​ലാ​മാ​ല​ക​ളെ​ല്ലാം ത​ന്നെ സം​വി​ധാ​യ​ക​ൻ ചി​ത്ര​ത്തി​ൽ തു​റ​ന്നുകാ​ട്ടു​ന്നു​ണ്ട്. മ​ജീ​ദി​ന്‍റെ വീ​ട്ടി​ലേ​ക്ക് സു​ഡാ​നി വി​ശ്ര​മി​ക്കാ​നെ​ത്തു​ന്ന​തോ​ടെ ചി​ത്ര​ത്തി​ൽ സ്ത്രീ​ക​ഥാ​പാ​ത്ര​ങ്ങ​ൾ​ക്ക് അ​ല്പം കൂ​ടി പ്രാ​ധാ​ന്യം കി​ട്ടിത്തുട​ങ്ങും. സു​ഡാ​നി​യെ പ​രി​ച​രി​ക്കു​ന്ന നാ​ട്ടി​ൻ​പു​റ​ത്തു​കാ​രി ഉ​മ്മ ഏ​വ​രു​ടെ​യും മ​ന​സ് നി​റ​യ്ക്കും. വാ​ത്സ​ല്യം നി​റ​ഞ്ഞൊ​ഴു​കു​ന്ന ഉ​മ്മ​യു​ടെ മു​ഖ​ത്ത് പ​രാ​തി​ക​ളു​ടെ ഭാ​വ​ങ്ങ​ളും ന​ല്ല​വ​ണ്ണം വ​ഴ​ങ്ങു​ന്നു​ണ്ട്.

പു​തു​മു​ഖ​ങ്ങ​ളും പി​ന്നെ ചി​ല സി​നി​മ​ക​ളി​ൽ ത​ല​കാ​ണി​ച്ചി​ട്ടു​ള്ള​വ​രും ചി​ത്ര​ത്തി​ൽ സ്ഥാ​നം പി​ടി​ച്ചി​ട്ടു​ണ്ട്. മ​ജീ​ദും നൈ​ജീ​രി​യ​ക്കാ​ര​ൻ സാ​മു​വ​ലും (സു​ഡാ​നി) ത​മ്മി​ൽ ഭാ​ഷ മ​റ​ന്നു​ള്ള സൗ​ഹൃ​ദം ഉ​ട​ലെ​ടു​ക്കു​ന്ന​ത് കാ​ണാ​ൻ ന​ല്ല ര​സ​മാ​ണ്. മം​ഗ്ലീ​ഷും ഇം​ഗ്ലീ​ഷും പി​ന്നെ മ​ല​യാ​ള​വു​മെ​ല്ലാം ക​യ​റി​യും ഇ​റ​ങ്ങി​യും പോ​കു​ന്ന സം​ഭാ​ഷ​ണ​ങ്ങ​ൾ ര​സ​ക​ര​മാ​യി ഓ​രോ​രു​ത്ത​രും കൈ​കാ​ര്യം ചെ​യ്തി​ട്ടു​ണ്ട്.



ആ​ദ്യ പ​കു​തി​യി​ൽ ന​ർ​മ​ത്തി​ന് കൃ​ത്യ​മാ​യ സ്ഥാ​നം ന​ൽ​കാ​ൻ സം​വി​ധാ​യ​ക​ൻ മ​റ​ന്നിട്ടി​ല്ല. വ​ലി​യ ഒ​ച്ച​പ്പാ​ടോ ബ​ഹ​ള​ങ്ങ​ളോ ഒ​ന്നും ഇ​ല്ലാ​തെയാണ് ഒ​ന്നാം പ​കു​തി അ​വ​സാ​നി​ക്കു​ന്ന​ത്. അ​ല്ലേ​ലും സി​നി​മാ​റ്റി​ക്ക​ല്ലാ​ത്ത നാ​ട്ടി​ൻ​പു​റ​ങ്ങ​ളി​ൽ അ​ത്ര​വ​ലി​യ ബ​ഹ​ള​ങ്ങ​ളൊ​ന്നും കാ​ണി​ല്ല​ല്ലോ. ഇ​തൊ​ക്കെ മനസിലാക്കി നാ​ട്ടി​ൻ​പു​റ​ത്തി​ന്‍റെ നി​ഷ്ക​ള​ങ്ക​ത​യും ക​ളി​ക്ക​ള​ത്തി​ലെ ആ​വേ​ശ​വു​മെ​ല്ലാം ഒ​ട്ടും ചോ​രാ​തെ ഛായാ​ഗ്രാ​ഹ​ക​ൻ ഷൈ​ജു ഖാ​ലി​ദി​ന്‍റെ കാ​മ​റ​യി​ൽ പ​തി​ഞ്ഞി​ട്ടു​ണ്ട്.



സു​ഡാ​നി​യു​ടെ​യും മ​ജീ​ദി​ന്‍റെ​യും ജീ​വി​ത ക്ലേ​ശ​ങ്ങ​ൾ വ​ലി​ച്ചുനീ​ട്ട​ലു​ക​ളി​ല്ലാ​തെ കാ​ട്ടി​ത്ത​രു​ന്നി​ട​ത്താ​ണ് ഇ​തൊ​രു സം​വി​ധാ​യ​ക​ന്‍റെ സി​നി​മ​യാ​യി മാ​റു​ന്ന​ത്. എ​ത്ര കൈ​യ​ട​ക്ക​ത്തോ​ടെ​യാ​ണ് ഭാ​ഷ മ​റ​ന്നു​ള്ള രം​ഗ​ങ്ങ​ൾ ചി​ത്രീ​ക​രി​ച്ചി​രി​ക്കു​ന്ന​ത്. ക്ലീ​ഷേ​ക​ളെ പ​ര​മാ​വ​ധി ഒ​ഴി​ച്ചുനി​ർ​ത്തി ചി​ത്ര​ത്തി​ൽ പു​തു​മ​ക​ൾ​ക്ക് സ്ഥാ​നം ന​ൽ​കാ​ൻ സംവിധായകൻ ശ്ര​മി​ച്ചി​ട്ടു​ണ്ട്. മ​ജീ​ദി​ന്‍റെ സു​ഹൃ​ത്തു​ക്ക​ളാ​ണ് ചി​ത്ര​ത്തി​ന്‍റെ മു​ന്നോ​ട്ടു​ള്ള ഒ​ഴു​ക്കി​ന്‍റെ വേ​ഗം കൂ​ട്ടു​ന്ന​ത്. അ​വ​ർ കാ​ട്ടു​ന്ന വേ​ല​ത്ത​ര​ങ്ങ​ളും അ​വ​ർ​ക്കു​ള്ള ഫു​ട്ബോ​ൾ പ്ര​ണ​യ​വു​മെ​ല്ലാം ചി​ത്ര​ത്തി​ന്‍റെ ന​ല്ലൊ​ഴു​ക്കി​ന് ഗു​ണം ചെ​യ്തി​ട്ടു​ണ്ട്.



പ​ശ്ചാ​ത്ത​ല​ത്തി​ൽ മു​ഴ​ങ്ങി കേട്ടുകൊണ്ടി​രു​ന്ന സം​ഗീ​തം ക​ളി​ക്കും പി​ന്നെ ചി​രി​ക്കും കൂ​ടു​ത​ൽ ഇ​ണ​ങ്ങി​യ​പ്പോ​ൾ പ്രേ​ക്ഷ​ക​ർ​ക്ക് ക​ഥ​യ്ക്കൊ​പ്പം സ​ഞ്ച​രി​ക്കാ​ൻ വ​ലി​യ പ്ര​യാ​സ​മു​ണ്ടാ​യി​ല്ല. ​റെ​ക്സ് വി​ജ​യ​നും ഷ​ഹ​ബാ​സ് അ​മ​നും ചേ​ർ​ന്നാ​ണ് ചി​ത്ര​ത്തി​ന്‍റെ സം​ഗീ​തം വിഭാഗം കൈ​കാ​ര്യം ചെ​യ്തി​രി​ക്കു​ന്ന​ത്.​ സു​ഡാ​നി​യു​ടെ ജീ​വി​ത​വും മ​ജീ​ദി​ന്‍റെ ജീ​വി​ത​വും തെ​ളി​ഞ്ഞു വ​രു​ന്ന​തി​നി​ട​യി​ൽ ക​ളി​ക്ക​ളം ഇ​ട​യ്ക്കി​ടെ പ്ര​ത്യ​ക്ഷ​പ്പെ​ടു​ന്നു​ണ്ട്. ക​ള​ത്തി​നു പു​റ​ത്തെ ആ​വേ​ശ​വും കൈ​യാ​ങ്ക​ളി​യു​മെ​ല്ലാം ജീ​വി​ത​ത്തി​ലെ ക​ഷ്ട​പ്പാ​ടു​ക​ളെ സൂ​ചി​പ്പി​ക്കും വി​ധ​മാ​ണ് ചി​ത്ര​ത്തി​ൽ ഇ​ണ​ക്കി ചേ​ർ​ത്തി​രി​ക്കു​ന്ന​ത്.



സു​ഡാ​നി​യെ നാ​ട്ടി​ലേ​ക്ക് തി​രി​ച്ചു വി​ടാ​നു​ള്ള പ​ങ്ക​പ്പാ​ടാ​ണ് ര​ണ്ടാം പ​കു​തി​യി​ൽ കാ​ണാ​ൻ ക​ഴി​യു​ക. ഏ​ച്ചു​കെ​ട്ട​ലു​ക​ളും നാ​ട​കീ​യ​ത​യും ക​ല​രാ​തെ പ്രേ​ക്ഷ​ക​രു​ടെ മ​ന​സി​ലേ​ക്ക് ഓ​രോ രം​ഗ​ങ്ങ​ളെ​യും ക​യ​റ്റി​വി​ടാ​ൻ ന​വാ​ഗ​ത​നാ​യ സ​ക്ക​റി​യക്ക് നി​ഷ്പ്ര​യാ​സം സാ​ധി​ച്ചി​ട്ടു​ണ്ട്. താ​രപ്പ​കി​ട്ടി​ല്ലാ​ത്ത പ്ര​ക​ട​ന മേന്മ​യു​ള്ള ഇ​ത്ത​രം ചി​ത്ര​ങ്ങ​ളാ​ണ് മ​ല​യാ​ള സി​നി​മ​യു​ടെ നി​ല​നി​ൽ​പ്പി​ന് ഗു​ണം ചെ​യ്യു​ക. ഇ​ത്ത​രം ചി​ത്ര​ങ്ങ​ളെ ടോ​റ​ന്‍റി​ൽ ഇ​റ​ങ്ങു​ന്പോ​ൾ മാ​ത്രം പു​ക​ഴ്ത്തു​ന്ന പ്രേ​ക്ഷ​ക മ​ന​സ്ഥി​തി​ക്ക് മാറ്റമുണ്ടായാൽ സു​ഡാ​നി​യെ കാ​ണാ​നും തീ​യ​റ്റ​റു​ക​ളി​ൽ ആ​ൾ​ത്തി​ര​ക്കു​ണ്ടാ​വും.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.