Cinema
തി​രു​ട്ടുപയലേ- 2 ഒ​ട്ടും ഉ​ഷാ​റ​ല്ല..!
Saturday, December 2, 2017 12:31 PM IST
"തി​രു​ട്ടുപയലേ' 2006-ൽ ​റി​ലീ​സാ​യ​പ്പോ​ൾ കാ​ല​ഘ​ട്ട​ത്തി​ന് അ​നു​സ​രി​ച്ചു​ള്ള ബ്ലാ​ക്ക് മെ​യ്‌ലിം​ഗ് രീ​തി​ക​ൾ ചി​ത്രം കാ​ട്ടി​ത്ത​ന്നു. ക​ള്ള​ത്ത​ര​ങ്ങ​ൾ, അ​തി​പ്പോ​ൾ എ​ല്ലാ​യി​ട​ത്തും ഉ​ണ്ടാ​കാ​മെ​ന്നു​ള്ള ചി​ന്താ​ഗ​തി കൂ​ടി ആ ​ചി​ത്രം പ​റ​യാ​തെ പ​റ​ഞ്ഞുപോ​കു​ന്നു​ണ്ട്. പത്ത് വ​ർ​ഷ​ങ്ങ​ൾ​ക്കിപ്പുറം സം​വി​ധാ​യ​ക​ൻ സു​ശി ഗ​ണേ​ശ​ൻ "തി​രു​ട്ടുപയലേ-2' എ​ന്ന ചി​ത്രം പ്രേ​ക്ഷ​ക സ​മ​ക്ഷം എ​ത്തി​ക്കു​ന്പോ​ൾ നേ​ര​ത്തെ പ​റ​ഞ്ഞ ചി​ന്താ​ഗ​തി​യെ ഒ​ന്നും കൂ​ടി ഉൗ​ട്ടി ഉ​റ​പ്പി​ക്കു​ക​യാ​ണ്. ബ്ലാ​ക്ക് മെ​യ്‌ലിം​ഗിന്‍റെ ന്യൂ​ജ​ൻ ട്രി​ക്കു​ക​ൾ കാ​ട്ടി​ത്ത​രു​ന്ന​തു വ​ഴി നു​ണ​ക​ളു​ടെ പു​ത്ത​ൻ വ​ഴി​ത്തി​രി​വു​ക​ൾ കൂ​ടി സം​വി​ധാ​യ​ക​ൻ പ​രി​ച​യ​പ്പെ​ടു​ത്തു​ന്നു​ണ്ട്. ഒ​പ്പം ക​ള​ള​ത്ത​ര​ങ്ങ​ൾ ലോ​ക​ത്തി​ൽ സ​ർ​വ​സ​ഹ​ജ​മാ​യി ന​ട​ക്കു​ന്ന ഒ​ന്നാ​ണെ​ന്നു കൂ​ടി പ​റ​യാ​ൻ ശ്ര​മി​ക്കു​ന്നു.



അ​ട​ച്ചു​റ​പ്പു​ള്ള തി​ര​ക്ക​ഥ ഉ​ണ്ടാ​ക്കി​യെ​ടു​ക്കാ​തെ പ്രേ​ക്ഷ​ക​രെ സോ​ഷ്യ​ൽ മീ​ഡി​യ​യി​ലെ ച​തി​ക്കു​ഴി​ക​ളി​ലേ​ക്ക് വ​ലി​ച്ചി​ടാ​നാ​ണ് സം​വി​ധാ​യ​ക​ൻ ചിത്രത്തിൽ ശ്ര​മി​ച്ചി​രി​ക്കു​ന്ന​ത്. കേ​ട്ടും ക​ണ്ടും പ​ഴ​കി​യ ക​ഥ​ക​ളെ ക​ള​ർ​ഫു​ള്ളാ​യി ചി​ത്രീ​ക​രി​ക്കാ​നൊ​ക്കെ സം​വി​ധാ​യ​ക​ൻ കഴിഞ്ഞിട്ടുണ്ട്. സെ​ൽ​വം എ​ന്ന പോ​ലീ​സ് ഓ​ഫീ​സ​റാ​യാ​ണ് ബോ​ബി സിം​ഹ ചി​ത്ര​ത്തി​ലെ​ത്തു​ന്ന​ത്. പ​ല​വ​ട്ടം ക​ണ്ടു പ​രി​ച​യി​ച്ച ഫോ​ണ്‍ ടാ​പ്പിം​ഗ് പ​രി​പാ​ടി ത​ന്നെ​യാ​ണ് ഈ ​പോ​ലീ​സ് ഓ​ഫീ​സ​റു​ടെ പ്ര​ധാ​ന തൊ​ഴി​ൽ. അ​തു​വ​ഴി പ​ല ഉ​ന്ന​ത​രു​ടെ​യും പ​ണം ത​ട്ടി​യെ​ടു​ത്ത് നാ​യ​ക​ൻ സ​ന്പ​ന്ന​നാ​കാ​ൻ ശ്ര​മി​ക്കു​ന്നു. പ​ക്ഷേ, ഫോ​ണ്‍ ടാ​പ്പിം​ഗ് പ​രി​പാ​ടി ആ​ദ്യ പ​കു​തി​യി​ൽ അ​തി​രു ക​ട​ന്ന​പ്പോ​ൾ ചി​ത്രം വ​ലി​ഞ്ഞി​ഴ​ഞ്ഞ് ഒ​രു പ​രു​വ​ത്തി​ലാ​യി.



രം​ഗ​ങ്ങ​ളാ​യ രം​ഗ​ങ്ങ​ള​ത്ര​യും ഫോ​ണ്‍ സം​ഭാ​ഷ​ണ​ങ്ങ​ൾ മാ​ത്രം.​ ഇ​ത്ത​രം സം​ഭാ​ഷ​ണ​ങ്ങ​ൾ കേ​ട്ടുകൊ​ണ്ടി​രി​ക്കു​ന്ന ഒ​രാ​ൾ​ക്ക് എ​ല്ലാ​വ​രേ​യും സം​ശ​യം തോ​ന്നു​ക സ്വ​ഭാ​വി​കം മാ​ത്രം. അ​ത് ഭാ​ര്യ​യി​ലേ​ക്കും കൂ​ട്ടു​കാ​രി​ലേ​ക്കും നീ​ങ്ങു​ന്നി​ട​ത്താ​ണ് ചി​ത്രം പ​തി​യെ ചൂ​ടുപി​ടി​ച്ച് വ​രു​ന്ന​ത്. സെ​ൽ​വ​ത്തി​ന്‍റെ സു​ന്ദ​രി​യാ​യ ഭാ​ര്യ​യാ​യി ചി​ത്ര​ത്തി​ലെ​ത്തു​ന്ന​ത് അ​മ​ല​ പോ​ളാ​ണ്. ലോ​ക​ത്തു​ള്ള​വ​രെ​ല്ലാം പു​റ​മേ ന​ടി​ക്കു​ക​യും അ​ക​മേ പൈ​ങ്കി​ളി​യു​മാ​ണെ​ന്ന് കാ​ണി​ക്കാ​നാ​യി നി​ര​വ​ധി രം​ഗ​ങ്ങ​ൾ ചി​ത്ര​ത്തി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്. അ​ത്ത​രം രം​ഗ​ങ്ങ​ൾ നി​ര​ന്ത​രം കാ​ണി​ക്കു​ക വ​ഴി പ്രേ​ക്ഷ​ക​രെ കൂ​ടി അ​ത്ത​ര​ത്തി​ലൊ​രു ലോ​ക​ത്തേ​ക്ക് കൊ​ണ്ടു​പോ​കാ​ൻ സം​വി​ധാ​യ​ക​ൻ ശ്ര​മി​ക്കു​ന്നു​ണ്ട്.



ചു​മ്മാ അ​ങ്ങു പോ​യാ​ൽ പോ​ര​ല്ലോ, ഒ​രു വി​ല്ല​നെ കൃ​ത്യ​മാ​യി ചി​ത്ര​ത്തി​ലി​റ​ക്ക​ണ്ടേ..‍? ആ ​ജോ​ലി ഭം​ഗി​യാ​യി ത​ന്നെ സം​വി​ധാ​യ​ക​ൻ ചെ​യ്തി​ട്ടു​ണ്ട്. വി​ല്ല​ൻ ചി​ത്ര​ത്തി​ൽ പ്ര​വേ​ശി​ക്കു​ന്ന​തോ​ടു കൂ​ടി അ​തു​വ​രെ സീ​രി​യ​സ് മൂ​ഡി​ൽ ഓ​ടി​ക്കൊ​ണ്ടി​രു​ന്ന ചി​ത്രം ആ​ക്ഷ​ൻ മൂ​ഡി​ലേ​ക്ക് വ​ഴി​മാ​റും. വി​ല്ല​ന്‍റെ വ​ര​വും ചെ​യ്തി​ക​ളും ത​ന്നെ​യാ​ണ് ചി​ത്ര​ത്തെ ഒ​രു ത്രി​ല്ലിം​ഗ് മൂ​ഡി​ലേ​ക്ക് ക​ട​ത്തു​ന്ന​ത്. ആ​ദ്യ പ​കു​തി​യു​ടെ ഒ​ടു​വി​ൽ മി​ക​ച്ചൊ​രു ട്വി​സ്റ്റൊ​രു​ക്കി പ്രേ​ക്ഷ​ക​രെ പി​ടി​ച്ചി​രു​ത്താ​നും ശ്ര​മി​ച്ചിട്ടു​ണ്ട്. കു​രു​ത്തക്കേടു​ക​ൾ കാ​ട്ടു​ന്ന​തും, അ​ത് മ​റ​ച്ച് പി​ടി​ക്കു​ന്ന​തും, അ​തെ​ല്ലാം മ​റ​നീ​ക്കി പു​റ​ത്തു വ​രു​ന്പോ​ഴു​മെ​ല്ലാ​മു​ള്ള ഭാ​വ​ങ്ങ​ൾ ബോ​ബി സിം​ഹ ന​ന്നാ​യി പ​ക​ർ​ന്നാ​ടി​യി​ട്ടു​ണ്ട്.




ര​ണ്ടാം പ​കു​തി​യി​ൽ എ​ന്തോ വ​ലി​യ സം​ഗ​തി​ക​ളൊ​ക്കെ ചെ​യ്യാ​ൻ ആ​ഗ്ര​ഹം ഉ​ണ്ടാ​യി​ട്ടും പ​തിവ് സം​ഗ​തി​ക​ളൊ​ക്കെ ത​ന്നെ​യി​ട്ട് ഗി​മ്മി​ക്ക് കാ​ട്ടാ​നാ​ണ് സം​വി​ധാ​യ​ക​ൻ ശ്ര​മി​ച്ചി​രി​ക്കു​ന്ന​ത്. നാ​യ​ക​നേ​ക്കാ​ൾ വി​ല്ല​ന് പ്രാ​ധാ​ന്യം ന​ൽ​കി നാ​യ​ക​ന്‍റെ നി​സ​ഹാ​യാവ​സ്ഥ​ക​ളെ തു​റ​ന്നുകാ​ട്ടാ​നു​ള്ള ശ്ര​മ​വും കാ​ണാ​ൻ സാ​ധി​ക്കും. വി​ദ്യാ​സാ​ഗ​ർ ഒ​രു​ക്കി​യ പാ​ട്ടു​ക​ൾ ഒ​രു വ​ഴി​യേ ക​യ​റിയിറ​ങ്ങിപ്പോകു​ന്നു​ണ്ടെ​ങ്കി​ലും ചി​ത്ര​ത്തോ​ട് ചേ​ർ​ന്നുനി​ൽ​ക്കാ​ൻ എ​ന്തോ വി​മു​ഖ​ത കാ​ട്ടു​ന്ന പോ​ലെ തോ​ന്നി. ര​ണ്ടാം പ​കു​തി​യി​ലെ കാ​ട്ടി​ക്കൂ​ട്ട​ൽ ചി​ത്ര​ത്തെ ന​ല്ല​വ​ണ്ണം പി​ന്നോ​ട്ട​ടി​ക്കു​ന്നു​ണ്ട്. ചി​ത്ര​ത്തി​ന്‍റെ ത്രി​ല്ലൊ​ക്കെ ഏ​തോ വ​ഴി​യെ മ​ട​ങ്ങിപ്പോയ പോ​ലെ. ട്വി​സ്റ്റു​ക​ൾ തി​രു​കിക്ക​യ​റ്റി ക്ലൈ​മാ​ക്സ് ഉ​ഷാ​റാ​ക്കാ​നു​ള്ള ശ്ര​മ​മൊ​ക്കെ അ​ന്പേ പാ​ളി​പ്പോ​യ​തോ​ടെ ചി​ത്രം കൈ​വി​ട്ടു പോ​യി. അ​മ​ല പോ​ളി​നെ ഗ്ലാ​മ​ർ പ​രി​വേ​ഷ​ത്തി​നാ​യി മാ​ത്ര​മ​ല്ല ചി​ത്ര​ത്തി​ൽ ഉ​പ​യോ​ഗി​ച്ചിട്ടു​ള്ള​തെ​ന്നു​ള്ള​താ​ണ് ആ​കെ​യു​ള്ള ആ​ശ്വാ​സം.

(സാ​ങ്കേ​തി​ക വി​ദ്യ​യെ അ​മി​ത​മാ​യി ഉ​പ​യോ​ഗി​ച്ച് സം​വി​ധാ​യ​ക​ൻ സ്വ​യം കു​ഴി​യി​ൽ ചാ​ടി.)

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.