Cinema
‘മഴവില്ലിനു’ശേഷം ‘കൃഷ്ണ’വുമായ് ദിനേശ് ബാബു
Monday, May 14, 2018 5:50 PM IST
സം​വി​ധാ​നം, ഛായാ​ഗ്ര​ഹ​ണം, സ്ക്രി​പ്റ്റിം​ഗ്...​ മൂ​ന്നു പ​തി​റ്റാ​ണ്ടാ​യി ക​ന്ന​ഡ, ത​മി​ഴ്, തെ​ലു​ങ്ക്, മ​ല​യാ​ളം ഭാഷകളിൽ സ​ജീ​വ​മാ​ണ് ദി​നേ​ശ് ബാ​ബു​വി​ന്‍റെ സി​നി​മാ​ജീ​വി​തം. വി​വി​ധ ഭാ​ഷ​ക​ളി​ലാ​യി 45 സിനിമകളിൽ ഒരേസമയം രചനയും ഛായാ​ഗ്ര​ഹ​ണവും സം​വി​ധാ​നവും നി​ർ​വ​ഹി​ച്ചു എന്ന അപൂർവത അദ്ദേഹത്തിനു സ്വന്തം. ക​ന്ന​ഡയിൽ ത​ന്നെ സം​വി​ധാ​നം ചെ​യ്ത​തു 40 സിനിമക​ൾ. കൂടാതെ, മലയാളം ഉൾപ്പെടെ വിവിധ ഭാഷകളിലായി 61 സിനിമകൾക്കു ഛായാഗ്രഹണവും നിർവഹിച്ചു. ദി​നേ​ശ് ബാ​ബു ര​ച​ന​യും സം​വി​ധാ​ന​വും ഛായാ​ഗ്ര​ഹ​ണ​വും നി​ർ​വ​ഹി​ച്ച 45-ാമ​തു ചി​ത്ര​മാ​ണ് ‘കൃ​ഷ്ണം’; ‘മ​ഴ​വി​ല്ലി’​നു​ശേ​ഷം അദ്ദേഹം ഒ​രു​ക്കി​യ മ​ല​യാ​ള​ചി​ത്രം. ഈ ​ചി​ത്ര​ത്തി​ന്‍റെ നി​ർ​മാ​താ​വാ​യ പി.​എ​ൻ.​ബ​ൽ​റാ​മി​ന്‍റെ മ​ക​ൻ അ​ക്ഷ​യ് കൃ​ഷ്ണ​ന്‍റെ ജീ​വി​ത​ത്തി​ലെ ഒ​രു സം​ഭ​വ​ത്തെ മു​ൻ​നി​ർ​ത്തി​യാ​ണ് ദി​നേ​ശ്ബാ​ബു ‘കൃ​ഷ്ണ’​ത്തി​ന്‍റെ ര​ച​ന നി​ർ​വ​ഹി​ച്ച​ത്. ​യ​ഥാ​ർ​ഥ​ ജീ​വി​ത​ക​ഥ​യി​ലെ നാ​യ​ക​ൻ ത​ന്നെ സി​നി​മ​യി​ലും നാ​യ​ക​വേ​ഷ​ത്തി​ലെ​ത്തു​ന്നു. ഐ​ശ്വ​ര്യ ഉ​ല്ലാ​സാ​ണു നാ​യി​ക. സാ​യി​കു​മാ​ർ, ശാ​ന്തി​കൃ​ഷ്ണ, ര​ഞ്ജി​പ​ണി​ക്ക​ർ എ​ന്നി​വ​ർ മു​ഖ്യ​വേ​ഷ​ങ്ങ​ളി​ൽ. ച​ല​ച്ചി​ത്ര​ജീ​വി​ത​ത്തെ​ക്കു​റി​ച്ചും പു​തി​യ സി​നി​മ ‘കൃ​ഷ്ണ’​ത്തെ​ക്കു​റി​ച്ചും ദി​നേ​ശ് ബാ​ബു സം​സാ​രി​ക്കു​ന്നു...



സി​നി​മ​യി​ലേ​ക്കു​ള്ള വ​ഴി...?

പൂ​നെ ഫി​ലിം ഇ​ൻ​സ്റ്റി​റ്റ്യൂ​ട്ടി​ൽ നി​ന്ന് 78-81 ബാ​ച്ചി​ൽ സി​നി​മാറ്റോഗ്ര​ഫി പാ​സാ​യി. ‘ഭഗവതിപുരം റെയിൽവേ ഗേറ്റ്’ എ​ന്ന ത​മി​ഴ് ചി​ത്ര​ത്തി​ൽ സി​നി​മാറ്റോഗ്രാ​ഫ​റാ​യി തു​ട​ക്കം. സി​നി​മാറ്റോഗ്ര​ഫി​യി​ലാ​യി​രു​ന്നു താ​ത്പ​ര്യം. ആ​ദ്യം സം​വി​ധാ​നം ചെ​യ്ത ചി​ത്ര​വും ത​മി​ഴി​ൽ​ത്ത​ന്നെ. ചി​ത്രം ‘ആ​ന​ന്ദ ആ​രാ​ധ​നൈ​യ്’. ആ ​പ​ടം ഓ​ടി​യി​ല്ല. സം​വി​ധാ​ന​ത്തോ​ടു വ​ലി​യ താ​ത്പ​ര്യ​മൊ​ന്നും തോ​ന്നി​യി​ട്ട​ല്ല ത​മി​ഴി​ൽ ഒ​രു പ​ടം ചെ​യ്ത​ത്. ഒ​രു ചാ​ൻ​സ് വ​ന്ന​പ്പോ​ൾ ചെ​യ്തു​വെ​ന്നു മാ​ത്രം. വീ​ണ്ടും സി​നി​മാ​റ്റോ​ഗ്ര​ഫി തു​ട​ർ​ന്നു. പി​ന്നീ​ടു സം​വി​ധാ​ന​ത്തി​ലേ​ക്കു വ​ന്ന​ത് ക​ന്നഡയിലാ​ണ്. എ​ന്‍റെ ആ​ദ്യ​ത്തെ ക​ന്നഡ ചി​ത്രം ‘സു​പ്ര​ഭാ​ത’ ഹി​റ്റാ​യി. വി​ഷ്ണു​വ​ർ​ധ​നും സു​ഹാ​സി​നി​യു​മാ​യി​രു​ന്നു മു​ഖ്യ​വേ​ഷ​ങ്ങ​ളി​ൽ. അ​തി​ന്‍റെ വി​ജ​യ​ത്തെ തു​ട​ർ​ന്ന് അ​വി​ടെ ധാ​രാ​ളം ഓ​ഫ​റു​ക​ൾ കി​ട്ടി.

അ​തി​നി​ടെ ഒ​രു തെ​ലു​ങ്കു​പ​ടം ചെ​യ്തു. അ​തു ശ​രാ​ശ​രി ആ​യ​തി​നാ​ൽ അ​വി​ടെ നി​ന്ന് ഓ​ഫ​റു​ക​ൾ വ​ന്നി​ല്ല. ക​ന്ന​ഡയിൽ പി​ന്നെ​യും കു​റേ പ​ട​ങ്ങ​ൾ സം​വി​ധാ​നം ചെ​യ്തു ക​ഴി​ഞ്ഞാ​ണ് മ​ല​യാ​ളം സി​നി​മ​ക​ളി​ൽ ഛായാ​ഗ്ര​ഹ​ണം ചെ​യ്തു തു​ട​ങ്ങി​യ​ത്. ധ്രു​വം, അ​മ്മ​യാ​ണെ സ​ത്യം, ച​മ​യം, ക​മ്മീ​ഷ​ണ​ർ, പി​ട​ക്കോ​ഴി കൂ​വു​ന്ന നൂ​റ്റാ​ണ്ട്, ദ ​കിം​ഗ്, ഭൂ​പ​തി, ഉ​ല്ലാ​സ​പ്പൂ​ങ്കാ​റ്റ്..​. തു​ട​ങ്ങി 15ന​ടു​ത്തു പ​ട​ങ്ങ​ൾ​ക്കു ഛായാ​ഗ്ര​ഹ​ണം നി​ർ​വ​ഹി​ച്ചു. മി​ക്ക ചി​ത്ര​ങ്ങ​ളും മി​ക​ച്ച വി​ജ​യം നേ​ടി. ജോ​ഷി​യേ​ട്ട​നൊ​പ്പ​വും ര​ണ്ടു പ​ട​ങ്ങ​ളി​ൽ (ധ്രുവം, ഭൂപതി) വ​ർ​ക്ക് ചെ​യ്തി​ട്ടു​ണ്ട്.



മ​ഴ​വി​ല്ലി​ന്‍റെ ക​ഥ....?

വി​ന​യ​ന്‍റെ ‘ഉ​ല്ലാ​സ​പ്പൂ​ങ്കാ​റ്റി​’നു കാ​മ​റ ചെ​യ്തു​കൊ​ണ്ടി​രി​ക്കു​ന്പോ​ഴാ​ണ് ക​ന്നഡയിൽ ഞാ​ൻ സം​വി​ധാ​നം ചെ​യ്ത ‘അ​മൃ​ത​വ​ർ​ഷി​ണി’ എ​ന്ന പ​ടം ഹി​റ്റാ​യ​ത്. ആ ​പ​ട​ത്തി​ന്‍റെ മ​ല​യാ​ളം റീ​മേ​ക്കാ​ണ് 1999 ൽ ഞാൻ തിരക്കഥയെഴുതി സംവിധാനം ​ചെ​യ്ത ‘മ​ഴ​വി​ല്ല്’. കു​ഞ്ചാ​ക്കോ ബോ​ബ​ൻ, വി​നീ​ത്, പ്രീ​തി ജം​ഖാ​നി​യ എ​ന്നി​വ​രാ​യി​രു​ന്നു മു​ഖ്യ​വേ​ഷ​ങ്ങ​ളി​ൽ. അ​ക്കാ​ല​ത്ത് ആ ​സ​ബ്ജ​ക്ട് പു​തു​മ​യു​ള്ള​താ​യി​രു​ന്നു​വെ​ങ്കി​ലും പ്രതീക്ഷിച്ചതുപോലെ ഹി​റ്റാ​യി​ല്ല.

പ​ക്ഷേ, അ​തി​ലെ പാ​ട്ടു​ക​ൾ ജ​ന​പ്രീ​തി നേ​ടി. ടി​വി​യി​ൽ വ​ന്ന​തി​നു​ശേ​ഷ​മാ​ണ് ആ ​പ​ട​ത്തി​നു ന​ല്ല റി​പ്പോ​ർ​ട്ട് കി​ട്ടി​യ​ത്. അക്കാ​ല​ത്ത് ആ ​പ​ട​ത്തി​ന്‍റെ സ​ബ്ജ​ക്ട് ഏ​റെ മെ​ച്വേ​ർ​ഡ് ആ​യി​രു​ന്നു. ക്രൈം, ​ഫീ​ലി​ങ്സ് എ​ന്നി​വ​യി​ലു​ടെ​യൊ​ക്കെ പ​റ​ഞ്ഞു​പോ​കു​ന്ന ഒ​രു പ​ടം. തു​ട​ർ​ന്നു മ​ല​യാ​ള​ത്തി​ൽ നി​ന്നു ഡ​യ​റ​ക്ഷ​ൻ ഓ​ഫ​റു​ക​ൾ വ​ന്നി​ല്ല.



വീ​ണ്ടും മ​ല​യാ​ള​ത്തി​ലേ​ക്ക്...?

എ​റ​ണാ​കു​ള​ത്തെ റാ​ങ്ക് അ​ഡ്വ​ർ​ടൈ​സിം​ഗ് ക​ണ്‍​സ​ൾ​ട്ട​ന്‍റ്സ് ക​ന്പ​നി​യു​ടെ സി​ഇ​ഒ പി.​രാ​ജേ​ന്ദ്ര​നാ​ഥ് എ​ന്‍റെ അ​ടു​ത്ത സു​ഹൃ​ത്താ​ണ്. സു​ഹൃ​ത്തും ബി​സി​ന​സു​കാ​ര​നു​മാ​യ ബ​ൽ​റാ​മി​ന്‍റെ മ​ക​ൻ അ​ക്ഷ​യ് കൃ​ഷ്ണ​നു​ണ്ടാ​യ ഒ​ര​പൂ​ർ​വ അ​സു​ഖ​ത്തി​ന്‍റെ കാ​ര്യ​ങ്ങ​ൾ എ​ന്നോ​ടു പ​റ​ഞ്ഞ​ത് അ​ദ്ദേ​ഹ​മാ​ണ്. അ​തു സി​നി​മ​യാ​ക്കാ​ൻ ബ​ൽ​റാ​മി​നു താ​ത്പ​ര്യ​മു​ള്ള കാ​ര്യ​വും എ​ന്നോ​ടു പ​റ​ഞ്ഞു. ബ​ൽ​റാം പ​റ​ഞ്ഞ സം​ഭ​വ​ക​ഥ​യി​ൽ നി​ന്നാ​ണ് ഞാ​ൻ കൃ​ഷ്ണ​ത്തി​ന്‍റെ സ്ക്രി​പ്റ്റ് രൂ​പ​പ്പെ​ടു​ത്തി​യ​ത്.



‘കൃ​ഷ്ണം’ പ​റ​യു​ന്ന​ത്..?

ഒ​ര​ച്ഛ​നും മ​ക​നും ത​മ്മി​ലു​ള്ള ബ​ന്ധ​ത്തെ​ക്കു​റി​ച്ചു പ​റ​യു​ന്ന പ​ട​മാ​ണി​ത്. മ​ക​നു വ​ള​രെ അ​പൂ​ർ​വ​മാ​യ ഒ​ര​സു​ഖം വ​ന്ന​പ്പോ​ൾ ആ ​അ​ച്ഛ​ന്‍റെ മാ​ന​സി​കാ​വ​സ്ഥ, ആ ​അ​സു​ഖ​ത്തി​ൽ നി​ന്നു മ​ക​നെ ര​ക്ഷ​പ്പെ​ടു​ത്താ​നു​ള്ള അ​ച്ഛ​ന്‍റെ ക​ഷ്ട​പ്പാ​ടു​ക​ൾ...​അ​തി​നെ​ക്കു​റി​ച്ചാ​ണ് കൃ​ഷ്ണം പ​റ​യു​ന്ന​ത്. ഒ​രു മ​ക​ൻ, അ​ച്ഛ​ൻ, അ​മ്മ, പി​ന്നെ ഒ​രു വി​ശ്വാ​സം... ഇ​വ​യു​ടെ ക​ഥ​യാ​ണു കൃ​ഷ്ണം. അ​ക്ഷ​യ് കൃ​ഷ്ണ​നാ​ണു സി​നി​മ​യി​ലും നാ​യ​ക​ൻ. യ​ഥാ​ർ​ഥ ജീ​വി​ത​ക​ഥ​യി​ലെ നാ​യ​ക​ൻ ത​ന്നെ സി​നി​മ​യി​ലും നാ​യ​ക​നാ​കു​ന്നു എ​ന്ന പ്ര​ത്യേ​ക​ത ലോ​ക​സി​നി​മ​യി​ൽ മ​റ്റു പ​ല പ​ട​ങ്ങ​ൾ​ക്കു​മു​ണ്ട്. പ​ക്ഷേ, റി​യ​ൽ ലൈ​ഫി​ൽ എ​ല്ലാം അ​നു​ഭ​വി​ച്ച​യാ​ൾ ആ ​സം​ഭ​വം സി​നി​മ​യാ​കു​ന്പോ​ൾ അ​തേ ക​ഥാ​പാ​ത്ര​മാ​കു​ന്ന​ത് ഒ​രു വ്യ​ത്യ​സ്ത​ത​യാ​ണ്. അ​തു വ​ള​രെ അ​പൂ​ർ​വ​മാ​ണ്.



കൃ​ഷ്ണം -പ്ര​മേ​യം...?

വി​ശ്വാ​സം - അ​തി​നെ അ​ടി​സ​ഥാ​ന​മാ​ക്കി​യാ​ണ് കൃ​ഷ്ണം എ​ന്ന പ​ടം ചെ​യ്തി​രി​ക്കു​ന്ന​ത്. ഏ​തു സം​ഗ​തി​യും ജ​യി​ക്ക​ണ​മെ​ന്നു​ണ്ടെ​ങ്കി​ൽ അ​തി​ലൊ​രു വി​ശ്വാ​സ​മു​ണ്ടാ​യി​രി​ക്ക​ണം. അ​ത് എ​ന്‍റെ വ്യ​ക്തി​പ​ര​മാ​യ ഒ​ര​ഭി​പ്രാ​യ​മാ​ണ്. അ​താ​ണ് ഈ ​പ​ട​ത്തി​ലു​ള്ള ഒ​രു എ​ല​മെ​ന്‍റ്. ആ ​വി​ശ്വാ​സം എ​ന്താ​ണെ​ന്നു​ള്ള​ത് ഈ ​പ​ടം കാ​ണു​ന്പോ​ൾ അ​റി​യാ​നാ​കും. മേ​ക്കിം​ഗ് പ്ര​ത്യേ​ക​ത​ക​ൾ എ​ടു​ത്തു​പ​റ​യാ​വു​ന്ന ത​ര​ത്തി​ലു​ള്ള ഒ​രു പ​ട​മ​ല്ല ഇ​ത്. അ​ഭ്യാ​സ​ങ്ങ​ളൊ​ന്നു​മി​ല്ല. കു​റേ സം​ഭ​വ​ങ്ങ​ൾ...​അ​തി​നെ കൃ​ത്യ​മാ​യി കാ​ണി​ക്കു​ക എ​ന്ന രീ​തി​യാ​ണ് ഇ​തി​ൽ ഞാ​ൻ സ്വീ​ക​രി​ച്ച​ത്.



അ​ക്ഷ​യ് കൃ​ഷ്ണ​ൻ അ​ഭി​നേ​താ​വ് എ​ന്ന നി​ല​യി​ൽ..?

ഇ​പ്പോ​ഴ​ത്തെ കോ​ള​ജ് കു​ട്ടി​ക​ളെ​ല്ലാം അ​ഭി​ന​യം വ​ള​രെ കം​ഫ​ർ​ട്ടാ​യി ചെ​യ്യു​ന്ന​വ​രാ​ണ്. അ​ത്ത​രം ഒ​രു കം​ഫ​ർ​ട്ട് അ​ക്ഷ​യ്ക്കു​മു​ണ്ടാ​യി​രു​ന്നു. അ​ക്ഷ​യ് കൃ​ഷ്ണ​ൻ എ​ന്നു ത​ന്നെ​യാ​ണ് ക​ഥാ​പാ​ത്ര​ത്തി​ന്‍റെ​യും പേ​ര്. അ​ക്ഷ​യ് ഉ​ൾ​പ്പെ​ടെ എ​ല്ലാ ആ​ർ​ട്ടി​സ്റ്റു​ക​ളു​ടെ​യും പെ​ർ​ഫോ​മ​ൻ​സി​ൽ ഞാ​ൻ സം​തൃ​പ്ത​നാ​ണ്. ഈ ​സി​നി​മ​യ്ക്ക് എ​ന്താ​ണോ വേ​ണ്ട​ത് അ​ത് അ​വ​ർ ത​ന്നി​ട്ടു​ണ്ട്.



‘കൃ​ഷ്ണം’ പൂ​ർ​ണ​മാ​യും ഒ​രു മെ​ഡി​ക്ക​ൽ ഫി​ലി​മാ​ണോ..?

ര​ണ്ടാം പ​കു​തി​യി​ലെ​ത്തു​ന്ന​തോ​ടെ അ​സു​ഖ​ത്തി​ന്‍റെ കാ​ര്യ​ങ്ങ​ളു​മാ​യി ബ​ന്ധ​പ്പെ​ട്ടാ​ണു ക​ഥാ​സ​ഞ്ചാ​രം. അ​തി​നാ​ൽ ഇ​തി​ൽ കു​റേ മെ​ഡി​ക്ക​ൽ എ​ല​മെ​ന്‍റ്സ് ഉ​ണ്ടെ​ന്നു​ള്ള​തു വാ​സ്ത​വ​മാ​ണ്. പ​ക്ഷേ, പി​ന്നീ​ടു മെ​ഡി​ക്ക​ൽ എ​ല​മെ​ന്‍റി​ൽ നി​ന്ന് കൗ​തു​ക​ക​ര​മാ​യ മ​റ്റൊ​രു ത​ല​ത്തി​ലേ​ക്കു ക​ഥ മാ​റു​ക​യാ​ണ്..



കൃ​ഷ്ണ​ത്തി​ലെ നാ​യി​ക...?

അ​ക്ഷ​യ്കൃ​ഷ്ണ​ന്‍റെ യ​ഥാ​ർ​ഥ​ജീ​വി​ത​ത്തി​ൽ ഒ​രു പെ​ണ്‍​കു​ട്ടി ഉ​ണ്ടെ​ന്നാ​ണ് അ​റി​ഞ്ഞ​ത്. ഒ​രു പ്ര​ണ​യ​ബ​ന്ധം എ​ന്ന രീ​തി​യി​ല​ല്ല അ​ത്. ഒ​രു കു​ട്ടി​ക്ക് അ​ക്ഷ​യ്നോ​ടു താ​ത്പ​ര്യ​മു​ണ്ടാ​യി​രു​ന്നു. അ​ക്ഷ​യ്ക്കു തി​രി​ച്ചും. സി​നി​മ​യി​ൽ അ​തു കു​റ​ച്ചു​കൂ​ടി ഡെ​വ​ല​പ് ചെ​യ്തു സി​നി​മാ​റ്റി​ക് ആ​ക്കി​യി​രി​ക്കു​ന്നു. ഐ​ശ്വ​ര്യ ഉ​ല്ലാ​സ് എ​ന്ന പു​തു​മു​ഖ​മാ​ണ് ആ ​വേ​ഷം ചെ​യ്തി​രി​ക്കു​ന്ന​ത്. കു​വൈ​റ്റി​ലാ​ണ് ഐ​ശ്വ​ര്യ സ്കൂ​ൾ​വി​ദ്യാ​ഭ്യാ​സം പൂ​ർ​ത്തി​യാ​ക്കി​യ​ത്. അ​ക്ഷ​യ് കൃ​ഷ്ണ​ന്‍റെ അ​ക​ന്ന ബ​ന്ധു കൂ​ടി​യാ​ണ് ഐ​ശ്വ​ര്യ. നേ​രി​ട്ടു സം​സാ​രി​ച്ച​പ്പോ​ൾ​ ആ ​കു​ട്ടി​ക്ക് ഈ ​റോ​ൾ ചെ​യ്യാ​നു​ള്ള ആ​ത്മ​വി​ശ്വാ​സ​മു​ള്ള​താ​യി എ​നി​ക്കു ബോ​ധ്യമാ​യി. രാ​ധി​ക എ​ന്നാ​ണു ക​ഥാ​പാ​ത്ര​ത്തി​ന്‍റെ പേ​ര്.



കൃ​ഷ്ണ​ത്തി​ലെ മ​റ്റ് അ​ഭി​നേ​താ​ക്ക​ൾ....?

അ​ക്ഷ​യ്കൃ​ഷ്ണ​ന്‍റെ അ​ച്ഛ​ന്‍റെ റോ​ൾ ചെ​യ്യു​ന്ന​തു സാ​യി​കു​മാ​ർ. ബാ​ല​കൃ​ഷ്ണ​ൻ എ​ന്നാ​ണു ക​ഥാ​പാ​ത്ര​ത്തി​ന്‍റെ പേ​ര്. ആ ​റോ​ളി​ലേ​ക്ക് സാ​യി​കു​മാ​റാ​ണ് ഏ​റ്റ​വും പെ​ർ​ഫ​ക്ട് ചോ​യ്സ്. സാ​യി​കു​മാ​റി​നൊ​പ്പം മു​ന്പു വ​ർ​ക്ക് ചെ​യ്തി​ട്ടു​ണ്ട്. വ​ള​രെ നേ​ര​ത്തേ​യു​ള്ള പ​രി​ച​യ​മാ​ണ്. ഈ ​പ​ട​ത്തി​ൽ അ​സാ​ധാ​ര​ണ അ​ഭി​ന​യ​വൈ​ഭ​വ​മാ​ണ് അ​ദ്ദേ​ഹം കാ​ഴ്ച​വ​ച്ചി​രി​ക്കു​ന്ന​ത്. അ​തേ​പോ​ലെ ത​ന്നെ ശാ​ന്തി​കൃ​ഷ്ണ​യും. അ​ക്ഷ​യ് കൃ​ഷ്ണ​ന്‍റെ അ​മ്മ മീ​ര​യു​ടെ വേ​ഷ​ത്തി​ലാ​ണു ശാ​ന്തി​കൃ​ഷ്ണ വ​രു​ന്ന​ത്.



കാ​മ​റാ​മാ​നാ​യി​രു​ന്ന​പ്പോ​ൾ ശാന്തിക്കൊ​പ്പം വ​ർ​ക്ക് ചെ​യ്തി​ട്ടു​ണ്ട്. സെ​ക്ക​ൻ​ഡ് ബെ​സ്റ്റ് ഫി​ലി​മാ​യി തെ​ര​ഞ്ഞെ​ടു​ക്ക​പ്പെ​ട്ട ‘ലാ​ലി’ എ​ന്ന എന്‍റെ ക​ന്ന​ഡ ചി​ത്ര​ത്തി​ൽ ശാ​ന്തി​കൃ​ഷ്ണ ആ​യി​രു​ന്നു വി​ഷ്ണു​വ​ർ​ധ​ന്‍റെ പെ​യ​ർ. കാ​മ​റാ​മാ​നാ​യും ഡ​യ​റ​ക്ട​റാ​യും ശാ​ന്തി​ക്കൊ​പ്പം ഞാ​ൻ ര​ണ്ടു വീ​തം പ​ട​ങ്ങ​ൾ വ​ർ​ക്ക് ചെ​യ്തി​ട്ടു​ണ്ട്. അ​വ​രു​ടെ​യൊ​ക്കെ​യൊ​പ്പം വ​ർ​ക്ക് ചെ​യ്യു​ക എ​ന്ന​തു​ത​ന്നെ വ​ലി​യ ഫീ​ൽ ആ​ണ്.



ര​ഞ്ജി​പ​ണി​ക്ക​ർ ഈ ​സി​നി​മ​യി​ൽ യ​ഥാ​ർ​ഥ ജീ​വി​ത​ക​ഥ​യി​ലെ ഒ​രു ഡോ​ക്ട​റു​ടെ വേ​ഷ​മാ​ണു ചെ​യ്യു​ന്ന​ത്. ക​ഥാ​പാ​ത്ര​ത്തി​ന്‍റെ പേ​ര് ഡോ. ​സു​നി​ൽ. ര​ഞ്ജി​പ​ണി​ക്ക​ർ സ്ക്രി​പ്റ്റെ​ഴു​തി​യ ‘ക​മ്മീ​ഷ​ണ​ർ’എ​ന്ന സി​നി​മ​യ്ക്കു ഞാ​ൻ ഛായാ​ഗ്ര​ഹ​ണം നി​ർ​വ​ഹി​ച്ചി​ട്ടു​ണ്ട്. അ​ങ്ങ​നെ​യു​ള്ള ഒ​രു ബ​ന്ധം ഞ​ങ്ങ​ൾ​ത​മ്മി​ലു​ണ്ട്. വി​ജ​യ​കു​മാ​ർ ഡോ. ​സാ​വി​യോ എ​ന്ന ക​ഥാ​പാ​ത്ര​ത്തെ അ​വ​ത​രി​പ്പി​ക്കു​ന്നു. സം​വി​ധാ​യ​ക​ൻ വി.​കെ. പ്ര​കാ​ശും ഡോ​ക്ട​റു​ടെ റോ​ളി​ലാ​ണു വ​രു​ന്ന​ത്. സം​ഭ​വ​ക​ഥ​യി​ലെ ഡോ​ക്ട​ർ​മാ​രു​ടെ വേ​ഷ​ങ്ങ​ളാ​ണ് ഇ​തെ​ല്ലാം. ശ്രി​യ ര​മേ​ഷ് കോ​ള​ജ് പ്രി​ൻ​സി​പ്പ​ൽ കാ​ര​ക്ട​ർ ചെ​യ്യു​ന്നു. ചെ​റി​യ ചെ​റി​യ വേ​ഷ​ങ്ങ​ളാ​ണെ​ങ്കി​ലും ഇ​വ​യെ​ല്ലാം വ​ള​രെ പ്രാ​ധാ​ന്യ​മു​ള്ള​വ​യാ​ണ്. നാ​യി​കാ​ക​ഥാ​പാ​ത്രം രാ​ധി​ക​യു​ടെ അ​മ്മ​യാ​യി വേ​ഷ​മി​ടു​ന്ന​ത് ന​ടി അ​ഞ്ജ​ലി. രാധികയുടെ അച്ഛന്‍റെ വേഷത്തിലാണ് നടൻ മു​കു​ന്ദ​ൻ അഭിനയിച്ചിരിക്കുന്നത്.



പാ​ട്ടു​ക​ൾ, സം​ഗീ​തം...?

പു​തു​മു​ഖം ആ​ർ.​ഹ​രി​പ്ര​സാ​ദാ​ണ് സം​ഗീ​ത​സം​വി​ധാ​നം. അദ്ദേഹത്തിന്‍റെ ഭാ​ര്യ സ​ന്ധ്യ​യാ​ണു പാ​ട്ടു​ക​ൾ എ​ഴു​തി​യ​ത്. ഹീ​റോ​യു​ടെ പോ​യി​ന്‍റ് ഓ​ഫ് വ്യൂ​വി​ൽ വരുന്ന ‘തൂ​മ​ഞ്ഞു​പോ​ലെ..’ എ​ന്ന പാ​ട്ടു പാ​ടി​യ​തു വി​നീ​ത് ശ്രീ​നി​വാ​സ​ൻ. സെ​ക്ക​ൻ​ഡ് ഹാ​ഫി​ൽ വ​രു​ന്ന പാ​ത്തോ​സ് സോം​ഗ് പാ​ടി​യ​തു വി​ജ​യ് യേ​ശു​ദാ​സ്. ഹ​രി​പ്ര​സാ​ദ് ത​ന്നെ​യാ​ണ് റീ​റി​ക്കാ​ർ​ഡിം​ഗ് നി​ർ​വ​ഹി​ച്ച​തും. എ​ഡി​റ്റിം​ഗ് - സൗ​ന്ദ​ർ​രാ​ജ​ൻ, അ​ഭി​ലാ​ഷ്. എ​റ​ണാ​കു​ളം ലാ​ൽ മീ​ഡി​യ​യി​ലാ​യി​രു​ന്നു പോ​സ്റ്റ് പ്രൊ​ഡ​ക്‌ഷ​ൻ.



ര​ണ്ടാം​വ​ര​വാ​ണ​ല്ലോ. മ​ല​യാ​ള​സി​നി​മ​യി​ൽ വ​ന്ന മാ​റ്റം...?

ചെ​റു​പ്പ​ക്കാ​രു​ടെ പു​തി​യ ഒരു ത​ല​മു​റ വ​ന്നു എ​ന്ന​താ​ണു മാ​റ്റം. ഞ​ങ്ങ​ളൊ​ക്കെ പ​ഴ​മ​ക്കാ​രാ​യി​പ്പോ​യി. പ​ക്ഷേ, മ​ന​സ് ഇ​പ്പോ​ഴും ചെ​റു​പ്പം ത​ന്നെ. എ​ന്‍റെ ഏ​ജ്ഗ്രൂ​പ്പി​ലു​ള്ള​വ​രി​ൽ ഇ​പ്പോ​ഴും സി​നി​മ ചെ​യ്യു​ന്ന​തു തീ​രെ കു​റ​ച്ചു​പേ​ർ മാ​ത്രം. മ​ല​യാ​ള​ത്തി​ൽ നി​ന്നു ‘രാ​ജ​മാ​ണി​ക്യ​’വും തെ​ലു​ങ്കി​ൽ നി​ന്നു ര​ണ്ടു പ​ട​ങ്ങ​ളും ഞാ​ൻ ക​ന്നഡയിലേ​ക്കു റീ​മേ​ക്ക് ചെ​യ്തി​ട്ടു​ണ്ട്. ബാ​ക്കി​യെ​ല്ലാം എ​ന്‍റെ സ്വ​ന്തം സ​ബ്ജ​ക്ടാ​യി​രു​ന്നു.



ക​ന്നഡ ചി​ത്ര​ങ്ങ​ൾ മ​റ്റു ഭാ​ഷ​ക​ളി​ലേ​ക്കു വ​രാ​റി​ല്ല​ല്ലോ...?

ക​ന്നഡ ​പ​ടം ഏ​തു ഭാ​ഷ​യി​ലേ​ക്കും മൊ​ഴി​മാ​റ്റം ചെ​യ്യു​ന്ന​തി​നു ത​ട​സ​മി​ല്ല. പ​ക്ഷേ, ക​ന്ന​ഡ ചി​ത്ര​ങ്ങ​ൾ മ​റ്റു സം​സ്ഥാ​ന​ങ്ങ​ളി​ൽ റീ​ലീ​സിം​ഗി​ന് ആ​രും ശ്ര​മി​ക്കു​ന്നി​ല്ല. ഇ​വി​ടെ എ​ല്ലാ ഭാ​ഷ​ക​ളി​ലെ ചി​ത്ര​ങ്ങ​ളും റി​ലീ​സാ​കും. പ​ക്ഷേ, ഒ​രു ഭാ​ഷാ​ചി​ത്ര​വും ക​ന്നഡയിലേ​ക്കു മൊ​ഴി​മാ​റ്റി റി​ലീ​സ് ചെ​യ്യാ​ൻ അ​നു​വ​ദി​ക്കി​ല്ല. പ​ക്ഷേ, ഇ​ത​ര​ഭാ​ഷാ ചി​ത്ര​ങ്ങ​ൾ​ക്കെ​ല്ലാം ഇ​വി​ടെ ഓ​ഡി​യ​ൻ​സു​ണ്ട്. ക​ന്നഡയിലി​റ​ങ്ങു​ന്ന പ​ട​ങ്ങ​ൾ​ക്കു മ​ത്സ​രം ഈ ​പ​ട​ങ്ങ​ളു​മാ​യി​ട്ടാ​ണ്. വാ​സ്ത​വ​ത്തി​ൽ ബം​ഗ​ളൂ​രു​വി​ൽ ക​ന്ന​ഡക്കാ​ർ കു​റ​വാ​ണു താ​നും. മു​ന്പു ക​ന്നഡ ​പ​ട​ങ്ങ​ൾ​ക്കു നി​ല​വാ​രം പൊ​തു​വേ കു​റ​വാ​യി​രു​ന്നു. ക​ന്നഡപ​ട​ങ്ങ​ൾ​ക്കു ബ​ജ​റ്റും കു​റ​വാ​ണ്. നി​ല​വാ​രം കു​റ​യു​ന്ന​തി​ന് അ​തും ഒ​രു കാ​ര​ണ​മാ​ണ്. ഇ​വി​ടെ എ​ഴു​ത്തു​കാ​രും കു​റ​വാ​ണ്. മ​ല​യാ​ള​ത്തി​ലു​ള്ള​തു​പോ​ലെ എ​ഴു​ത്തു​കാ​ർ​ക്കു വ​ലി​യ പ്രാ​ധാ​ന്യ​മി​ല്ല ഇ​വി​ടെ. പു​തു​ത​ല​മു​റ വ​ന്ന​തി​നു​ശേ​ഷ​മാ​ണ് വ്യ​ത്യ​സ്ത​യു​ള്ള പ​ട​ങ്ങ​ൾ എ​ടു​ത്തു​തു​ട​ങ്ങി​യ​ത്.



പി​ന്നീ​ടു സി​നി​മാ​റ്റോ​ഗ്ര​ഫി ചെ​യ്യാ​ൻ മ​ല​യാ​ള​ത്തി​ൽ നി​ന്നു ഓ​ഫ​റു​ക​ൾ വ​ന്നി​ല്ലേ...?

ഉ​ല്ലാ​സ​പ്പൂ​ങ്കാ​റ്റി​നു​ശേ​ഷ​വും സി​നി​മാ​റ്റോ​ഗ്ര​ഫി ചെ​യ്യാ​ൻ മ​ല​യാ​ള​ത്തി​ൽ നി​ന്ന് ഓ​ഫ​റു​ക​ൾ വ​ന്നി​രു​ന്നു. അ​പ്പോ​ൾ ഞാ​ൻ ക​ന്നഡയിൽ ഡ​യ​റ​ക്ട് ചെ​യ്തു​കൊ​ണ്ടി​രി​ക്കു​ക​യാ​യി​രു​ന്നു. ഷാ​ജി​ കൈ​ലാ​സ് ഒ​ന്നു​ര​ണ്ടു ത​വ​ണ വി​ളി​ച്ച​പ്പോ​ഴൊ​ക്കെ ഞാ​ൻ ബംഗളൂരുവിൽ ചി​ല പ​ട​ങ്ങ​ളു​ടെ വ​ർ​ക്കി​ലാ​യി​പ്പോ​യി. ‘ഡ​യ​റ​ക്ട​റാ​യി​പ്പോ​യി, ദി​നേ​ശ്ബാ​ബു ഇ​നി സി​നി​മാ​റ്റോ​ഗ്ര​ഫി ചെ​യ്യി​ല്ല’ എ​ന്ന മ​ട്ടി​ൽ കേ​ര​ള​ത്തി​ൽ ഒ​രു ധാ​ര​ണ​യും വ​ന്നു. ഞാ​ൻ ഇ​പ്പോ​ഴും മ​ല​യാ​ള​ത്തി​ൽ അ​റി​യ​പ്പെ​ടു​ന്ന​തു ഡ​യ​റ​ക്ട​റാ​യി​ട്ട​ല്ല, സി​നി​മാ​റ്റോ​ഗ്ര​ഫ​റാ​യി​ട്ടാ​ണ്. 2017ൽ സഞ്ജു എസ്. ഉണ്ണിത്താൻ നിർമിച്ച് എം. സുരേന്ദ്രൻ സംവിധാനം ചെയ്ത ‘സൂര്യകാന്തം’ എന്ന സംസ്കൃതചിത്രത്തിന്‍റെ ഛായാഗ്രഹണം നിർവഹിച്ചിരുന്നു. ഇ​പ്പോ​ൾ എ​ന്‍റെ പ​ട​ത്തി​ൽ മാ​ത്ര​മാ​ണ് ഞാ​ൻ സി​നി​മാ​റ്റോ​ഗ്ര​ഫി ചെ​യ്യു​ന്ന​ത്. പ​ക്ഷേ, മ​ല​യാ​ള​ത്തി​ലെ ന​ല്ല ഒ​രു ഡ​യ​റ​ക്ട​റി​ൽ നി​ന്നു സി​നി​മാ​റ്റോ​ഗ്ര​ഫി ചെ​യ്യാ​ൻ ഓ​ഫ​ർ ല​ഭി​ച്ചാ​ൽ തീ​ർ​ച്ച​യാ​യും സ്വീ​ക​രി​ക്കും.



ഡ​യ​റ​ക്‌ഷ​നാ​ണോ സി​നി​മാ​റ്റോ​ഗ്ര​ഫി​യാ​ണോ കൂ​ടു​ത​ൽ താ​ത്പ​ര്യം...?

ഡ​യ​റ​ക്‌ഷ​ൻ ചെ​യ്യു​ന്പോ​ഴു​ള്ള സ്ട്രെ​യി​ൻ വ​ള​രെ കൂ​ടു​ത​ലാ​ണെ​ന്ന് എ​ന്‍റെ അ​നു​ഭ​വ​ത്തി​ൽ നി​ന്നു പ​റ​യ​ട്ടെ. ഞാ​ൻ ചെ​യ്യു​ന്ന പ​ട​ങ്ങ​ളി​ൽ ക​ഥ, തി​ര​ക്ക​ഥ, ഛായാ​ഗ്ര​ഹ​ണം, സം​വി​ധാ​നം... ഇ​ത്ര​യും എ​ന്‍റേതാ​യി​രി​ക്കും. ഇ​ത്ര​യും ചെ​യ്യു​ന്പോ​ഴേ​ക്കും സ്ട്രെ​യി​ൻ വ​ള​രെ​ക്കൂ​ടു​ത​ലാ​വും. സി​നി​മാ​റ്റോ​ഗ്ര​ഫി ചെ​യ്യാ​ൻ എ​നി​ക്കു വ​ലി​യ താ​ത്പ​ര്യ​മാ​ണ്. കാ​ര​ണം, സം​വി​ധാ​ന​ത്തി​ന്‍റെ​യ​ത്ര​യും സ്ട്രെ​യി​ൻ ഇ​ല്ല​ല്ലോ. അ​ല്ലാ​തെ ഡ​യ​റ​ക്‌ഷ​ൻ ചെ​യ്യു​ന്ന​തി​നോ​ടു​ള്ള ഇ​ഷ്ട​ക്കു​റ​വു​കൊ​ണ്ട​ല്ല അ​ത്. അ​തി​ന്‍റെ സു​ഖം ഒ​ന്നു​വേ​റെ ത​ന്നെ​യാ​ണ്. എ​ഴു​തി സം​വി​ധാ​നം ചെ​യ്യു​ന്പോ​ൾ ക്രി​യേ​റ്റി​വി​റ്റി​യു​ടേ​താ​യ ഒ​രു സു​ഖ​വു​മു​ണ്ട്.



അ​ടു​ത്ത സി​നി​മ​ക​ൾ..‍?

കൃ​ഷ്ണം റി​ലീ​സാ​വ​ണം, പ​ടം ഓ​ട​ണം, അ​പ്പോ​ഴേ​ക്കും പു​തി​യ ഓ​ഫ​റു​ക​ൾ വ​രും. എ​വി​ടെ​യും അ​താ​ണു രീ​തി. അ​ങ്ങ​നെ​യാ​ണ​ല്ലോ സി​നി​മ. ഒ​രു മ​ല​യാ​ളം പ്രോ​ജ​ക്ട് നേ​ര​ത്തേ​ത​ന്നെ പ്ലാ​നി​ലു​ണ്ട്. അ​തൊ​രു ഓ​ഫ്ബീ​റ്റ് പ​ട​മാ​യി​രി​ക്കും. സാ​ധാ​ര​ണ ക​മേ​ഴ്സ്യ​ൽ പ​ടം ആ​യി​രി​ക്കി​ല്ല. കാ​സ്റ്റിം​ഗ് ആ​യി​ട്ടി​ല്ല. കു​റ​ച്ചു റി​സേ​ർ​ച്ച് ചെ​യ്ത് എ​ഴു​തേ​ണ്ട പ​ട​മാ​ണ്. എ​ഴു​ത്തു​ക​ൾ ന​ട​ക്കു​ന്നു. ജൂ​ലൈ​യി​ൽ ഷൂ​ട്ട് തു​ട​ങ്ങ​ണ​മെ​ന്നു വി​ചാ​രി​ക്കു​ന്നു. പു​തി​യ ക​ന്നഡ പ​ട​ത്തി​ന്‍റെ എ​ഡി​റ്റിം​ഗ് പൂ​ർ​ത്തി​യാ​യി. ‘നി​ന​ഗി​സ്തു​’വാ​ണ് അ​ടു​ത്തു റി​ലീ​സാ​യ ക​ന്ന​ഡ ചി​ത്രം.



മൂ​ന്നു പ​തി​റ്റാ​ണ്ടു​ക​ൾ, 106 ൽപ്പരം സി​നി​മ​ക​ൾ... എത്രത്തോളം ച​ല​ഞ്ചിം​ഗ് ആ​ണ് സി​നി​മ..?

സി​നി​മ​യു​ടെ ഓ​രോ മേ​ഖ​ല​യോ​ടും എ​നി​ക്കു പ്ര​ത്യേ​ക താ​ത്പ​ര്യ​മു​ണ്ട്, സ്നേ​ഹ​മു​ണ്ട്. സി​നി​മാ​റ്റോ​ഗ്ര​ഫി, കോ​സ്റ്റ്യൂം​സ്, സൗ​ണ്ട്, സെ​റ്റിം​ഗ്...​ഇ​തി​ലെ​ല്ലാം താ​ത്പ​ര്യ​മു​ണ്ട്. സി​നി​മ ത​ന്നെ​യാ​ണ് എ​ന്‍റെ പാ​ഷ​ൻ. ഛായാഗ്രഹണം, തിരക്കഥ, മികച്ച രണ്ടാമത്തെ സിനിമ... എന്നിങ്ങനെ മൂന്ന് കാറ്റഗറിയിൽ സ്റ്റേറ്റ് അവാർഡ് ലഭിച്ചിട്ടുണ്ട്. അ​നു​ഭ​വ​സ​ന്പ​ത്തു​ണ്ട്, ആ​ത്മ​വി​ശ്വാ​സ​മു​ണ്ട്...​എ​ങ്കിലും ഉ​ള്ളി​ന്‍റെ​യു​ള്ളി​ൽ എ​പ്പോ​ഴും ഭ​യ​മു​ണ്ടാ​വും. ഇ​പ്പോ​ഴും ഒ​രു പ​ടം ചെ​യ്യു​ന്പോ​ൾ ഉ​ള്ളി​ൽ ടെ​ൻ​ഷ​നു​ണ്ടാ​വും. ‘കൃ​ഷ്ണം’ ചെ​യ്യു​ന്പോ​ഴും അ​തു​ണ്ടാ​യി​രു​ന്നു.

ടി.​ജി.​ബൈ​ജു​നാ​ഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.