ലീമ - മദിരാശിയിൽ നിന്നൊരു മലയാളി നായിക
Friday, October 27, 2017 6:11 AM IST
"ര​സി​ക്കും സീ​മാ​നെ' എ​ന്ന ത​മി​ഴ് ചി​ത്ര​ത്തി​ൽ ന​വ്യാ​നാ​യ​രു​ടെ ചെറുപ്പകാലം അ​വ​ത​രി​പ്പി​ച്ചു സി​നി​മ​യി​ലെ​ത്തി​യ ലീ​മ ബാ​ബു നാ​യി​ക​യാ​കു​ന്ന ചി​ത്ര​മാ​ണ് രാ​ജേ​ഷ് ക​ണ്ണ​ങ്ക​ര​യു​ടെ ‘വി​ശ്വ​വി​ഖ്യാ​ത​രാ​യ പ​യ്യ​ൻ​മാ​ർ’. ദീ​പ​ക് പ​റ​ന്പോ​ൾ, അ​ജു വ​ർ​ഗീ​സ്, ഭ​ഗ​ത് മാ​നു​വ​ൽ, ഹരീഷ് ക​ണാ​ര​ൻ, സുധി കോ​പ്പ എ​ന്നി​വ​ർ മു​ഖ്യ​വേ​ഷ​ങ്ങ​ളി​ലെ​ത്തു​ന്ന ചി​ത്ര​ത്തി​ൽ ദീ​പ​ക്കി​ന്‍റെ പെ​യ​റാ​യി​ട്ടാ​ണ് ലീ​മ വേ​ഷ​മി​ടു​ന്ന​ത്. ഫാ​മി​ലി കോ​മ​ഡി എ​ന്‍റ​ർ​ടെ​യ്ന​ർ വി​ശ്വ​വി​ഖ്യാ​ത​രാ​യ പ​യ്യന്മാരി​ൽ ത​രു​ഷി എ​ന്ന നാ​യി​കാ​ക​ഥാ​പാ​ത്ര​ത്തെ അ​വ​ത​രി​പ്പി​ച്ച ചെന്നൈ മലയാളി ലീ​മ ബാ​ബു സം​സാ​രി​ക്കു​ന്നു...



സി​നി​മ​യി​ലേ​ക്കു​ള്ള വ​ഴി...?

കു​ട്ടി​ക്കാ​ല​ത്തു ഭ​ര​ത​നാ​ട്യം പ​ഠി​ച്ചി​ട്ടു​ണ്ട്. ഫാ​മി​ലി​യി​ൽ നി​ന്ന് ആ​രും​ത​ന്നെ സി​നി​മ​യി​ലി​ല്ല. പ​ക്ഷേ, സി​നി​മ​യി​ൽ അ​ഭി​ന​യി​ക്കാ​ൻ താത്പര്യമുണ്ടെന്ന് അറിഞ്ഞതോടെ അ​മ്മ​യും സ​ഹോ​ദ​ര​നും ന​ല്ല സ​പ്പോ​ർ​ട്ടാ​യി​രു​ന്നു. പ​ഠന​ത്തെ ബാ​ധി​ക്കു​മെ​ന്ന​തി​നാ​ൽ ആ​ദ്യ​മൊ​ക്കെ പ​ര​സ്യ​ചി​ത്ര​ങ്ങ​ൾ മാ​ത്ര​മാ​ണു ചെ​യ്തി​രു​ന്ന​ത്. ബാ​ല​താ​ര​മാ​യി​ട്ടാ​ണു തു​ട​ക്കം. ഇ​ട​വേ​ള​ക​ളി​ലാ​ണ് സി​നി​മ ചെ​യ്തു​തു​ട​ങ്ങി​യ​ത്. ത​മി​ഴി​ൽ കു​റേ സി​നി​മ​ക​ളി​ൽ അ​ഭി​ന​യി​ച്ചി​ട്ടു​ണ്ട്. മ​ദി​രാ​ശി പ​ട്ട​ണ​ത്തി​ൽ ആ​ര്യ​യു​ടെ സ​ഹോ​ദ​രി​യാ​യി വേ​ഷ​മി​ട്ടു. റെ​ട്ടൈ​സു​ഴി​യി​ൽ ഭാ​ര​തി​രാ​ജ​യു​ടെ കൊ​ച്ചു​മ​ക​ളാ​യി അ​ഭി​ന​യി​ച്ചു. മ​ല​യാ​ള​ത്തി​ൽ ആ​ദ്യ​മാ​യി അ​ഭി​ന​യി​ച്ച​ത് അ​ഴ​ക​പ്പ​ൻ സാ​റി​ന്‍റെ പ​ട്ടം​പോ​ലെ എ​ന്ന ചി​ത്ര​ത്തി​ൽ. ക​ഥാ​പാ​ത്ര​ത്തി​ന്‍റെ പേ​ര് വ​ര​ല​ക്ഷ്മി. ദു​ൽ​ഖ​റി​ന്‍റെ മു​റ​പ്പെ​ണ്ണാ​യി​ട്ടാ​ണ് അ​ഭി​ന​യി​ച്ച​ത്. വി​ശ്വ​വി​ഖ്യാ​ത​രാ​യ പ​യ്യന്മാരി​ലാ​ണ് ആ​ദ്യ​മാ​യി നാ​യി​ക​യാ​കു​ന്ന​ത്.



വി​ശ്വ​വി​ഖ്യാ​ത​രാ​യ പ​യ്യന്മാ​രി​ലേ​ക്ക്... ‍?

എ​ന്‍റെ സി​നി​മ​ക​ൾ ഈ ​സി​നി​മ​യു​ടെ അ​ണി​യ​റ​ക്കാ​ർ ക​ണ്ടി​രു​ന്നു. എ​ന്‍റെ ഫോ​ട്ടോ ക​ണ്ട് ഇ​ഷ്ട​പ്പെ​ട്ടി​ട്ടാ​ണ് ഇതിലേക്കു വി​ളി​ച്ച​ത്. പ്ര​ത്യേ​കി​ച്ച് ഓ​ഡി​ഷ​ൻ ഒ​ന്നും തന്നെ ഇ​ല്ലാ​യി​രു​ന്നു. ഡ​യ​റ​ക്ട​ർ രാ​ജേ​ഷ് ക​ണ്ണ​ങ്ക​ര സാ​ർ സ്ക്രി​പ്റ്റ് പ​റ​ഞ്ഞു. പ്ര​മേ​യം ഏ​റെ ര​സ​ക​ര​മാ​യി തോ​ന്നി. ഹീ​റോ​യി​നു പ്രാ​ധാ​ന്യ​മു​ള്ള കാ​ര​ക്ട​ർ. അ​ങ്ങ​നെ​യാ​ണ് ആ ​റോ​ൾ സ്വീ​ക​രി​ച്ച​ത്.

വി​ശ്വ​വി​ഖ്യാ​ത​രാ​യ പ​യ്യന്മാ​ർ - പ്രമേയം, ക​ഥാ​പ​ശ്ചാ​ത്ത​ലം...?

എ​ന്‍റ​ർ​ടെ​യ്ന​റാ​ണ് വി​ശ്വ​വി​ഖ്യാ​ത​രാ​യ പ​യ്യന്മാ​ർ. പ്ര​ണ​യ​മു​ണ്ട്. ഫാ​മി​ലി പ്രേ​ക്ഷ​ക​ർ​ക്കും ആ​സ്വ​ദി​ക്കാ​വു​ന്ന സി​നി​മ​യാ​ണ്. ക​ഥ​യ്ക്കാ​ണു പ്രാ​ധാ​ന്യം. സൗ​ഹൃ​ദ​മാ​ണ് ഈ ​സി​നി​മ​യു​ടെ അ​ടി​സ്ഥാ​നം. അ​ഞ്ചു പ​യ്യന്മാ​രു​ടെ ക​ഥ​യാ​ണ്. ലീ​ഡ് ക​ഥാ​പാ​ത്ര​ത്തെ അ​വ​ത​രി​പ്പി​ക്കു​ന്ന​ത് ദീ​പ​ക് പ​റ​ന്പോ​ൾ. ഫ്ര​ണ്ട്ഷി​പ്പി​നെ അ​ടി​സ്ഥാ​ന​മാ​ക്കി​യാ​ണ് രാ​ജേ​ഷ് ക​ണ്ണ​ങ്ക​ര ഈ ​സി​നി​മ​യ്ക്കു പേ​രി​ട്ട​ത്. വാ​സ്ത​വ​ത്തി​ൽ ആ ​പേ​രി​ന്‍റെ വി​പ​രീ​ത​മാ​ണ് അ​വ​രു​ടെ സ്വ​ഭാ​വം. ഭ​ഗ​ത്തു​മാ​യി എ​നി​ക്കു കോം​ബി​നേ​ഷ​ൻ ഇ​ല്ല.



ക​ഥാ​പാ​ത്ര​ത്തെ​ക്കു​റി​ച്ച്...?

ത​രു​ഷി എ​ന്നാ​ണ് എ​ന്‍റെ ക​ഥാ​പാ​ത്ര​ത്തി​ന്‍റെ പേ​ര്. ആ​ദ്യാ​വ​സാ​ന​മു​ള്ള ക​ഥാ​പാ​ത്രം. പ​ക്വ​ത​യെ​ത്തി​യ പെ​ണ്‍​കു​ട്ടി​യാ​ണ് ത​രു​ഷി. ഒ​രു ക​ന്പ​നി​യി​ൽ വ​ർ​ക്ക് ചെ​യ്യു​ക​യാ​ണ് ത​രു​ഷി. ഗോ​പീ​കൃ​ഷ്ണ​ൻ എ​ന്നാ​ണ് ദീ​പ​ക് എട്ട​ന്‍റെ ക​ഥാ​പാ​ത്ര​ത്തി​ന്‍റെ പേ​ര്. ത​രു​ഷി​യും ഗോ​പീ​കൃ​ഷ്ണ​നും ത​മ്മി​ലു​ള്ള കൂ​ടി​ക്കാ​ഴ്ച​ക​ളും സൗ​ന്ദ​ര്യ​പ്പി​ണ​ക്ക​ങ്ങ​ളു​മൊ​ക്കെ​യാ​ണ് സി​നി​മ​യു​ടെ ആ​ദ്യ​ഭാ​ഗ​ങ്ങ​ളി​ൽ. ആ ​ലൗ സ്റ്റോ​റി പൂ​ർ​ണ​ത​യി​ലെ​ത്തു​ന്ന​ത് ക​ഥാ​ന്ത്യ​ത്തി​ലാ​ണ്. അ​ടി​സ്ഥാ​ന​പ​ര​മാ​യി ഇ​തു സൗ​ഹൃ​ദ​ങ്ങ​ളു​ടെ ക​ഥ​യാ​ണ്.




സം​വി​ധാ​നം രാ​ജേ​ഷ് ക​ണ്ണ​ങ്ക​ര...

രാ​ജേ​ഷ് ക​ണ്ണ​ങ്ക​ര സാ​റി​നെ സെ​റ്റി​ൽ വ​ച്ചാ​ണ് ആ​ദ്യ​മാ​യി കാ​ണു​ന്ന​ത്. മേ​ക്ക​പ്പു മു​ത​ൽ ഡ​യ​ലോ​ഗ് പ​റ​യു​ന്ന​തു വ​രെ എ​ല്ലാ കാ​ര്യ​ങ്ങ​ളും അ​ദ്ദേ​ഹം ശ്ര​ദ്ധി​ച്ചി​രു​ന്നു. എ​ന്‍റെ ക​ഥാ​പാ​ത്ര​ത്തി​ന്‍റെ വേ​ഷം, മേ​ക്ക​പ്പ് എ​ന്നി​വ​യെ​ക്കു​റി​ച്ച് സാ​റി​നു വ്യ​ക്ത​മാ​യ ധാ​ര​ണ​യു​ണ്ടാ​യി​രു​ന്നു. അ​ത​നു​സ​രി​ച്ചു മാ​ത്ര​മേ ചെ​യ്തി​ട്ടു​ള്ളൂ.



ദീ​പ​ക്കു​മാ​യു​ള്ള അഭിനയം ...?

ഏ​റെ ഫ്ര​ണ്ട്‌ലിയാ​യ ഒ​രു ആ​ർ​ട്ടി​സ്റ്റാ​ണ് ദീപക് ചേട്ടൻ. ഡൗ​ണ്‍ ടു ​എ​ർ​ത്താ​ണ്. ഇ​പ്പോ​ഴും ആ സൗ​ഹൃ​ദം ഞ​ങ്ങ​ൾ നി​ല​നി​ർ​ത്തു​ന്നു​ണ്ട്. സി​നി​മ​യെ​ക്കു​റി​ച്ചു​ള്ള വി​ശേ​ഷ​ങ്ങ​ൾ തി​ര​ക്കാ​റു​ണ്ട്. ഷൂട്ടിംഗിന്‍റെ ആ​ദ്യ​ദി​വ​സ​ങ്ങ​ളി​ൽ നോർമലായി സം​സാ​രി​ക്കു​ന്ന സീ​നു​ക​ൾ മാ​ത്ര​മാ​യി​രു​ന്നു ഞ​ങ്ങ​ൾ​ക്കു​ണ്ടാ​യി​രു​ന്ന​ത്. ക്ര​മേ​ണ ഞ​ങ്ങ​ൾ​ക്കി​ട​യി​ൽ രൂ​പ​പ്പെ​ട്ട സൗ​ഹൃ​ദം സോംഗ് ചി​ത്രീ​ക​ര​ണവേളയിൽ സ​ഹാ​യ​ക​മാ​യി. വി​ശാ​ൽ അ​രു​ണ്‍ റാം ​ആ​ണ് പാ​ട്ടു​ക​ൾ ചെ​യ്തി​രി​ക്കു​ന്ന​ത്. "നീ ​എ​ൻ നെ​ഞ്ചി​ൽ..' എ​ന്ന പാ​ട്ടി​ലാ​ണ് ഞാ​ൻ അ​ഭി​ന​യി​ച്ച​ത്. ന​ജീം അ​ർ​ഷാ​ദാ​ണ് ആ ​പാ​ട്ടു പാ​ടി​യ​ത്. ആ ​പാ​ട്ട് സമൂഹമാധ്യമങ്ങളിൽ വൈ​റ​ലാ​യി​ട്ടു​ണ്ട്.




സെ​റ്റ് അ​നു​ഭ​വ​ങ്ങ​ൾ...?

കൊ​ച്ചി​യി​ലും മൂ​ന്നാ​റി​ലു​മാ​യി​രു​ന്നു ചി​ത്രീ​ക​ര​ണം. മു​ന്പു ഞാ​ൻ മ​ല​യാ​ളം ഡ​യ​ലോ​ഗു​ക​ൾ അ​ധി​കം പ​റ​ഞ്ഞി​ട്ടി​ല്ല. ത​മി​ഴ് പ​റ​ഞ്ഞു ശീ​ലി​ച്ച ഞാ​ൻ മ​ല​യാ​ള​ത്തി​ലേ​ക്കു വ​ന്ന​പ്പോ​ൾ ആദ്യം കു​റ​ച്ച് അ​ണ്‍​കം​ഫ​ർ​ട്ട​ബി​ൾ ആ​യി​രു​ന്നു. എ​ന്നാ​ൽ, സെ​റ്റി​ൽ എ​ല്ലാ​വ​രും സ​പ്പോ​ർ​ട്ടീ​വ് ആ​യി​രു​ന്നു. ആ​രും വ​ഴ​ക്കു പ​റ​ഞ്ഞി​ട്ടി​ല്ല. മാ​ക്സി​മം ര​ണ്ടു ടേ​ക്ക്. അ​തി​ന​പ്പു​റം പോ​യി​ട്ടി​ല്ല.



സെ​റ്റി​ലെ​ത്തി നോ​ക്കു​ന്പോ​ൾ എ​ല്ലാ​വ​രും വ​ലി​യ ആ​ർ​ട്ടി​സ്റ്റു​ക​ൾ. അ​വ​രു​മാ​യി താ​ര​ത​മ്യ​പ്പെ​ടു​ത്തി​യാ​ൽ എ​നി​ക്കു വ​ലി​യ അ​നു​ഭ​വ സ​ന്പ​ത്തി​ല്ല. അ​തി​നാ​ൽ ആ​ദ്യ​മൊ​ക്കെ പേ​ടി​ച്ചി​രി​ക്കു​ക​യാ​യി​രു​ന്നു. പ​ക്ഷേ, എ​ല്ലാ​വ​രും ന​ല്ല സ​പ്പോ​ർ​ട്ടാ​യി​രു​ന്നു. അ​ജു​ചേ​ട്ട​ൻ ഉ​ൾ​പ്പെ​ടെ​യു​ള്ള​വ​രു​ടെ അ​ഭി​പ്രാ​യ​ങ്ങ​ൾ സ​ഹാ​യ​ക​മാ​യി​ട്ടു​ണ്ട്. ആ​ദ്യാ​വ​സാ​നം എ​ല്ലാ​വ​രും ത​മ്മി​ൽ ന​ല്ല സൗ​ഹൃ​ദം നി​ല​നി​ന്നി​രു​ന്നു. ഫു​ൾ ടീം ​സ​പ്പോ​ർ​ട്ടിംഗ് ആ​യി​രു​ന്നു.




വെ​ല്ലു​വി​ളി ഉ​യ​ർ​ത്തി​യ ക​ഥാ​പാ​ത്ര​മാ​ണോ ത​രു​ഷി..?

ത​രു​ഷി​യു​മാ​യി കു​റ​ച്ചൊ​ക്കെ ബ​ന്ധ​മു​ണ്ട് എ​ന്‍റെ കാ​ര​ക്ട​റി​ന്. കു​റ​ച്ച് എ​ടു​ത്തു​ചാ​ട്ടം പോ​ലെ​യു​ള്ള കാ​ര്യ​ങ്ങ​ളി​ലൊ​ക്കെ. ത​രു​ഷി​ക്കെ​ന്ന​പോ​ലെ എ​നി​ക്കും ഹോം​ലി ഡ്ര​സും മോ​ഡേ​ണ്‍ ഡ്ര​സും ഇ​ഷ്ട​മാ​ണ്. ഈ പടത്തിലെ എന്‍റെ കാ​ര​ക്ട​ർ ഏ​റെ ഹെ​വി എ​ന്നൊ​ന്നും പ​റ​യാ​നാ​വി​ല്ല. ന​ല്ല ഒ​രു ഹീ​റോ​യി​ൻ കാ​ര​ക്ട​ർ. കാ​ര്യ​മാ​യ വെ​ല്ലു​വി​ളി​ക​ളൊ​ന്നു​മി​ല്ലാ​യി​രു​ന്നു. മ​ദി​രാ​ശി പ​ട്ട​ണ​ത്തി​ൽ മാ​ത്ര​മേ ഞാ​ൻ ഡ​ബ്ബ് ചെ​യ്തി​ട്ടു​ള്ളൂ. ഇ​തി​ൽ ഒരു ശബ്ദതാരമാണ് ത​രു​ഷി​ക്കു ശബ്ദം നല്കിയത്.



ന​ർ​മ​ത്തി​നു പ്രാ​ധാ​ന്യ​മു​ള്ള ചി​ത്ര​മാ​ണോ...?

80 ശ​ത​മാ​ന​വും കോ​മ​ഡി ത​ന്നെ​യാ​ണ് ഈ ​ചി​ത്രം. കോ​മ​ഡി​ക്കു വേ​ണ്ടി കോ​മ​ഡി എ​ന്ന മ​ട്ടി​ല​ല്ല അ​ത്. തി​ക​ച്ചും സ്വാ​ഭാ​വി​ക​മാ​യാ​ണ് കോ​മ​ഡി സീ​നു​ക​ൾ വ​ന്നി​ട്ടു​ള്ള​ത്.​ന​ർ​മ​ത്തി​നൊ​പ്പം ഈ ​സി​നി​മ ഒ​രു സ​ന്ദേ​ശം പ​ങ്കു​വ​യ്ക്കു​ന്നു​ണ്ട്. ന​മ്മു​ടെ ചു​റ്റി​നു​മു​ള്ള എ​ല്ലാ​വ​രെ​യും വി​ശ്വ​സി​ക്ക​രു​ത് എ​ന്ന ഒ​രു സ​ന്ദേ​ശം.



സി​നി​മ​യെ സീ​രി​യ​സ് ആ​യി ക​ണ്ടു​തു​ട​ങ്ങി​യ​ത് എ​പ്പോ​ൾ...‍?

കു​ട്ടി​ക്കാ​ലം മു​ത​ൽ എ​നി​ക്കു സി​നി​മ​യോ​ട് ഇ​ഷ്ടം തോ​ന്നി​യി​രു​ന്നു. ആ​ഡ് ഫി​ലിം​സ് ചെ​യ്യു​ന്പോ​ൾ അ​ഭി​ന​യം ടൈം​പാ​സ് മാ​ത്ര​മാ​യി​രു​ന്നു. സി​നി​മ​ക​ൾ ചെ​യ്ത​പ്പോ​ഴാ​ണ് ആ​ളു​ക​ൾ എ​ന്നെ തി​രി​ച്ച​റി​ഞ്ഞ​തും ന​ല്ല അ​ഭി​പ്രാ​യ​ങ്ങ​ൾ ലഭിച്ചുതു​ട​ങ്ങി​യ​തും. ന​ല്ല രീ​തി​യി​ൽ ചെ​യ്തു​വെ​ന്നു കേ​ട്ട​പ്പോ​ൾ അ​ഭി​ന​യം തു​ട​ര​ണ​മെ​ന്നു തോ​ന്നി. എ​ല്ലാ ആ​ർ​ട്ടി​സ്റ്റു​ക​ളി​ൽ നി​ന്നും എ​നി​ക്കു പ്ര​ചോ​ദ​നം ല​ഭി​ക്കു​ന്നു​ണ്ട്. ഓ​രോ​രു​ത്ത​ർ​ക്കും ഓ​രോ ക്വാ​ളി​റ്റി​യു​ണ്ടാ​വും.



റോ​ൾ സെ​ല​ക്ഷ​ൻ..‍?

ഹീ​റോ​യി​ൻ ത​ന്നെ ആ​വ​ണം എ​ന്നൊ​ന്നു​മി​ല്ല. പക്ഷേ, എ​ന്‍റെ ക​ഥാ​പാ​ത്രം ആ ​സി​നി​മ​യി​ൽ പ​വ​ർ​ഫു​ൾ ആ​യി​രി​ക്ക​ണം. അത്തരം റോളുകളും സ്വീകരിക്കും. ന​ല്ല ഓ​ഫ​റു​ക​ൾ വ​ന്നാ​ൽ സി​നി​മ​യി​ൽ തു​ട​ര​ണ​മെ​ന്നാ​ണ് ആ​ഗ്ര​ഹം. ചി​ല പ്രോ​ജ​ക്ടു​ക​ൾ ച​ർ​ച്ച​യി​ലാ​ണ്. ന​ല്ല ആ​ഡ് ഫി​ലി​മു​ക​ൾ ഇ​പ്പോ​ഴും ചെ​യ്യു​ന്നു​ണ്ട്. സം​യു​ക്ത​വ​ർ​മ​യു​മൊ​ത്ത് ധാ​ത്രി​യു​ടെ പ​ര​സ്യ​ചി​ത്ര​ത്തി​ൽ അ​ഭി​ന​യി​ച്ചി​രു​ന്നു.



വീ​ട്ടു​വി​ശേ​ഷ​ങ്ങ​ൾ..?

തി​രു​വ​ന​ന്ത​പു​ര​മാ​ണു സ്വ​ദേ​ശം. സ്ഥി​ര​താ​മ​സം ചെ​ന്നൈ​യി​ൽ. പ​ഠ​ന​മെ​ല്ലാം അവിടെയാ​യി​രു​ന്നു. ഇ​പ്പോ​ൾ ബി​എ ക​ഴി​ഞ്ഞു. അ​ച്ഛ​ൻ ബാ​ബു ദു​ബാ​യി​ലാ​ണ്. അ​മ്മ ഗീ​ത. ചേ​ട്ട​ൻ സ​ഞ്ജ​യ് ബി​സി​ന​സ് ചെ​യ്യു​ന്നു.

ടി.ജി.ബൈജുനാഥ്