അനുഷ്കയുടെ ഭഗ്‌മതിയുടെ ഹൊറർ ട്രെയ്‌ലർ : Trailer-Songs

അരുന്ധതിക്ക് ശേഷം അനുഷ്ക ഷെട്ടി നായികയായെത്തുന്ന ഹൊറർ ചിത്രം ഭാഗമതിയുടെ ട്രെയ്‌ലർ പുറത്തിറങ്ങി. പ്രേക്ഷകർക്ക് ഏറെ പ്രതീക്ഷയും വിശ്വാസവുമുള്ള ചിത്രത്തിന്‍റെ പോസ്റ്ററുകളും ടീസറുകളും നേരത്തേ തന്നെ വൈറലായിക്കഴിഞ്ഞിരുന്നു. ഇപ്പോഴിതാ ഏറെ കാത്തിരുന്ന ട്രെയ്‌ലറും റിലീസ് ചെയ്തിരിക്കുന്നു.

ബാഹുബലിക്കു ശേഷം അനുഷ്ക നായികയായെത്തുന്ന ത്രില്ലർ സിനിമയാണിത്. അനുഷ്കയുടെ വ്യത്യസ്ത ഭാവങ്ങൾ തന്നെയാണ് ട്രെയ്‌ലറിലെ സവിശേഷത. പ്രേക്ഷകരെ നിരാശപ്പെടുത്താതെയാണ് ഒരുമിനിട്ട് 57 സെക്കൻഡ് ദൈർഘ്യമുള്ള ട്രെയ്‌ലർ ഒരുക്കിയിരിക്കുന്നത്. ഉണ്ണി മുകുന്ദൻ, ആശ ശരത്ത്, ജയറാം തുടങ്ങിയ മലയാളി താരങ്ങളും ചിത്രത്തിൽ കേന്ദ്ര കഥാപാത്രങ്ങളായി എത്തുന്നുണ്ട്. ജി അശോകാണ് ചിത്രം സംവിധാനം ചെയ്യുന്നത്.അരുദ്ധതി, രുദ്രമാദേവി, ദേവസേന തുടങ്ങിയ വീര നായികമാരായി ഇതിനോടകം പ്രേക്ഷക മനസ്സിൽ ഇടം നേടിയതാണ് അനുഷ്ക ഷെട്ടി. ഇപ്പോഴിതാ ഭാഗമതിയായും.

രണ്ട് വ്യത്യസ്ത ഗെറ്റപ്പിലാണ് അനുഷ്ക ചിത്രത്തിലെത്തുന്നത്. അനുഷ്കയുടെ നായകൻ ഒരു റൊമാന്‍റിക് ഹീറോ ആയാണ് ഉണ്ണിയെത്തുന്നത്. ദൃശ്യത്തിലെ പോലെ സമാനമായൊരു ശക്തമായ കഥാപാത്രത്തെയാണ് ഭാഗമതിയിൽ ആശാ ശരത്ത്. അവതരിപ്പിക്കുന്നത്. ചിത്രത്തിൽ ജയറാമിന്‍റെ കഥാപാത്രത്തെക്കുറിച്ചുള്ള സൂചനകളൊന്നും നൽകിയിട്ടില്ല. എന്നാൽ പ്രാധാന്യം ഒട്ടും കുറവില്ല താനും. നെഗറ്റീവ് ടച്ചുണ്ടോ എന്നൊരു സംശയം ട്രെയ്‌ലർ കണ്ടാൽ തോന്നാം. തമിഴിലും തെലുങ്കിലും മലയാളത്തിലും ഒരേസമയം ചിത്രം പുറത്തിറങ്ങും.