ഓണ്ലൈൻ രജിസ്ട്രേഷന്റെ തീയതി നീട്ടി
ഒന്നും രണ്ടും സെമസ്റ്റർ ബിടെക് (2008 സ്കീം) ഡിഗ്രി പരീക്ഷയുടെ ഓണ്ലൈൻ രജിസ്ട്രേഷന്റെ അവസാന തീയതി 125 രൂപ പിഴയോടുകൂടി 20 വരെ നീട്ടി.
എംഎ ഫലം
2017 ജനുവരിയിൽ നടത്തിയ മൂന്നാം സെമസ്റ്റർ എംഎ ഹിന്ദി ലാംഗ്വേജ് ആൻഡ് ലിറ്ററേച്ചർ പരീക്ഷയുടെ ഫലം വെബ്സൈറ്റിൽ ലഭിക്കും.
ബിഎ ഫലം
2016 ഡിസംബറിൽ നടത്തിയ ഒന്നാം സെമസ്റ്റർ ബിഎ ഡിഗ്രി പരീക്ഷ (സിബിസിഎസ്എസ്) (സപ്ലിമെന്ററി 2013 & 2014 അഡ്മിഷനുകൾ) ഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി അപേക്ഷിക്കേണ്ട അവസാന തീയതി 30. കരട് മാർക്ക് ലിസ്റ്റ് വെബ്സൈറ്റിൽ ലഭിക്കും.
സർട്ടിഫിക്കറ്റ് കൈപ്പറ്റണം
2017 ജൂലൈയിൽ നടത്തിയ പിഎച്ച്ഡി കോഴ്സ് വർക്ക് പരീക്ഷയുടെ സർട്ടിഫിക്കറ്റും മാർക്ക് ലിസ്റ്റും 17 മുതൽ ഹാൾടിക്കറ്റുമായി എത്തി കാര്യവട്ടം സിഎസ്എസ് സെക്ഷൻ നിന്നും കൈപ്പറ്റണം.
ജൂണിയർ റിസർച്ച് ഫെലോ ഒഴിവ്
കാര്യവട്ടം ഇന്റർ യൂണിവേഴ്സിറ്റി സെന്റർ ഫോർ ജിയോസ്പേഷ്യൽ ഇൻഫർമേഷൻ സയൻസ് ആൻഡ് ടെക്നോളജിയിലും ഇന്റർനാഷണൽ ആൻഡ് ഇന്റർയൂണിവേഴ്സിറ്റി സെന്റർ ഫോർ നാച്ചറൽ റിസോഴ്സ് മാനേജ്മെന്റിലും ജൂണിയർ റിസർച്ച് ഫെലോ തസ്തികയിലേയ്ക്ക് വാക്ക്ഇൻഇന്റർവ്യൂ നടത്തുന്നു. കൂടുതൽ വിവരങ്ങൾ വെബ്സൈറ്റിൽ.
എംഫിൽ ഫലം
2017 ഒക്ടോബറിൽ നടത്തിയ 20162017 ബാച്ച് (സിഎസ്എസ്) എംഫിൽ ഫിലോസഫി, അഡ്വാൻസ്ഡ് ബോട്ടണി, മാത്തമാറ്റിക്സ്, പൊളിറ്റിക്കൽ സയൻസ്, എൻവയോണ്മെന്റൽ സയൻസ് പരീക്ഷാഫലം പ്രസിദ്ധീകരിച്ചു.
ബികോം ഫലം
2016 നവംബറിൽ നടത്തിയ മൂന്നാം സെമസ്റ്ററിന്റെയും അഞ്ചാം സെമസ്റ്ററിന്റെയും 2017 ഏപ്രിലിൽ നടത്തിയ ആറാം സെമസ്റ്ററിന്റെയും (കരിയർ റിലേറ്റഡ് ബികോം കൊമേഴ്സ് വിത്ത് കംപ്യൂട്ടർ ആപ്ലിക്കേഷൻ 2013ന് മുന്പുള്ള അഡ്മിഷൻ) പരീക്ഷാഫലം വെബ്സൈറ്റിൽ ലഭിക്കും. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി അപേക്ഷിക്കേണ്ട അവസാന തീയതി ഫെബ്രുവരി ഏഴ്.
മാർക്ക് ലിസ്റ്റുകൾ കൈപ്പറ്റണം
വിദൂര വിദ്യാഭ്യാസകേന്ദ്രം 2017 ജൂലൈയിൽ നടത്തിയ എംഎ സോഷ്യോളജി സപ്ലിമെന്ററി പരീക്ഷയുടെ മാർക്ക് ലിസ്റ്റുകൾ എസ്ഡിഇയുടെ (പാളയം) ഓഫീസിൽ നിന്നും 17, 18 തീയതികളിൽ ഹാൾടിക്കറ്റുമായി വന്ന് കൈപ്പറ്റണം.
ഗസ്റ്റ് ലക്ചറർ : അപേക്ഷ ക്ഷണിച്ചു
ലൈബ്രറി ആൻഡ് ഇൻഫർമേഷൻ സയൻസ് പഠനവകുപ്പിൽ ഗസ്റ്റ് ലക്ചററുടെ അപേക്ഷ ക്ഷണിച്ചു. താത്പര്യമുള്ളവർ അപേക്ഷ ബയോഡേറ്റ സഹിതം 22 ന് രാവിലെ 11നകം വകുപ്പ് മേധാവിക്ക് സമർപ്പിക്കണം. വിശദവിവരങ്ങൾ വെബ്സൈറ്റിൽ.
എംടെക് ഫലം
2017 ജൂണിൽ നടത്തിയ എംടെക് ഒന്നും (പാർട്ട് ടൈം/ഫുൾ ടൈം), മൂന്നും (പാർട്ട് ടൈം) സെമസ്റ്റർ ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗ്, മെക്കാനിക്കൽ എൻജിനിയറിംഗ്, ഇൻഫർമേഷൻ ടെക്നോളജി ഡിഗ്രി പരീക്ഷയുടെ ഫലം വെബ്സൈറ്റിൽ ലഭിക്കും.
ബിഎസ്സി ഫലം
2017 മേയിൽ നടത്തിയ (കരിയർ റിലേറ്റഡ് സിബിസിഎസ്എസ്) ബിഎസ്സി ഫിസിക്സ് ആൻഡ് കംപ്യൂട്ടർ ആപ്ലിക്കേഷൻസ്, ബിഎസ്സി കെമിസ്ട്രി ആൻഡ് ഇൻസ്ട്രിയൽ കെമിസ്ട്രി, ബിഎസ്സി ഹോട്ടൽ മാനേജ്മെന്റ് ആൻഡ് കാറ്ററിംഗ് സയൻസ് എന്നീ കോഴ്സുകളുടെ മൂന്ന്, അഞ്ച്, ആറ് (2013ന് മുന്പുള്ള അഡ്മിഷൻ) പരീക്ഷകളുടെ ഫലം വെബ്സൈറ്റിൽ ലഭിക്കും.