മൂന്നാം സെമസ്റ്ററിൽ പഠനം നിർത്തിയവർക്ക് തുടർപഠനത്തിന് അവസരം
അഫിലിയേറ്റഡ് കോളജുകളിൽ 2014, 2015, 2016 വർഷങ്ങളിൽ ബിഎ, ബികോം, ബിബിഎ, ബിഎസ് സി മാത്സ് (സിയുസിബിസിഎസ്എസ്) മൂന്നാം സെമസ്റ്റർ പരീക്ഷ എഴുതിയ ശേഷം പഠനം തുടരാനാവാത്തവർക്ക് പ്രൈവറ്റ് രജിസ്ട്രേഷൻ വഴി നാലാം സെമസ്റ്ററിൽ ചേർന്ന് പഠനം തുടരാം. ഓണ്ലൈനായി മാർച്ച് 14 വരെ അപേക്ഷിക്കാം. അപേക്ഷയുടെ പ്രിന്റൗട്ട്, വിജ്ഞാപനത്തിൽ പറഞ്ഞ രേഖകൾ സഹിതം ഡെപ്യൂട്ടി രജിസ്ട്രാർ, പ്രൈവറ്റ് രജിസ്ട്രേഷൻ, എസ്ഡിഇ ബിൽഡിംഗ്, യൂണിവേഴ്സിറ്റി ഓഫ് കാലിക്കട്ട്, കാലിക്കട്ട് യൂണിവേഴ്സിറ്റി പിഒ, 673 635 എന്ന വിലാസത്തിൽ മാർച്ച് 17നകം ലഭിക്കണം. സ്പോട്ട് അഡ്മിഷന് 50 രൂപ ചലാൻ അടച്ച് നേരിട്ട് ഹാജരാകണം. വിവരങ്ങൾ വെബ്സൈറ്റിൽ. ഫോണ് : 0494 2407357.
ആറാം സെമസ്റ്റർ യുജി കോണ്ടാക്ട് ക്ലാസ്
വിദൂരവിദ്യാഭ്യാസം ആറാം സെമസ്റ്റർ ബിഎ അറബിക്, സംസ്കൃതം, ഹിന്ദി (2017 പ്രവേശനം) കോണ്ടാക്ട് ക്ലാസ് 21 മുതൽ വിദൂരവിദ്യാഭ്യാസ വിഭാഗത്തിൽ ആരംഭിക്കും. തുടർന്നുള്ള ദിവസങ്ങളിൽ ബിഎ പൊളിറ്റിക്കൽ സയൻസ്, ഫിലോസഫി, മാത്തമാറ്റിക്സ് കോണ്ടാക്ട് ക്ലാസ് നടക്കും. വിവരങ്ങൾ വെബ്സൈറ്റിൽ. ഫോണ് : 0494 2400288, 2407356.
ഒന്നാം സെമസ്റ്റർ എസ്ഡിഇയുജി ഹാൾടിക്കറ്റ്
26ന് ആരംഭിക്കുന്ന വിദൂരവിദ്യാഭ്യാസം, പ്രൈവറ്റ് രജിസ്ട്രേഷൻ ഒന്നാം സെമസ്റ്റർ ബിഎ, ബിഎസ് സി, ബിഎ അഫ്സൽ ഉൽ ഉലമ, ബിഎപിഒടി, ബിഎംഎംസി (സിയുസിബിസിഎസ്എസ്) നവംബർ 2017 റഗുലർ, സപ്ലിമെന്ററി, ഇംപ്രൂവ്മെന്റ് പരീക്ഷയ്ക്ക് രജിസ്റ്റർ ചെയ്തവരുടെ ഹാൾടിക്കറ്റുകൾ വെബ്സൈറ്റിൽ.
എംഎസ് സി കൗണ്സലിംഗ് സൈക്കോളജി വൈവ
വിദൂരവിദ്യാഭ്യാസം രണ്ടാം സെമസ്റ്റർ എംഎസ് സി കൗണ്സലിംഗ് സൈക്കോളജി (2014 പ്രവേശനം) വൈവാ വോസി 27ന് രാവിലെ പത്ത് മണിക്ക് വിദൂരവിദ്യാഭ്യാസം ഹാളിൽ നടക്കും.
പരീക്ഷ
അഫ്സൽഉൽഉലമ പ്രിലിമിനറി രണ്ടാം വർഷം 2016 പ്രവേശനം റഗുലർ, സപ്ലിമെന്ററി, 2013 മുതൽ 2015 വരെ പ്രവേശനം സപ്ലിമെന്ററി പരീക്ഷകൾ മാർച്ച് ഒന്നിന് ആരംഭിക്കും.
അന്തർ സർവകലാശാലാ മത്സരത്തിൽ പങ്കെടുത്തവർക്ക് സ്പെഷൽ പരീക്ഷ
അന്തർ സർവകലാശാലാ സ്പോർട്സ് മത്സരങ്ങളിൽ പങ്കെടുത്തത് മൂലം പരീക്ഷ എഴുതാൻ സാധിക്കാത്തവർക്ക് ഒന്നാം സെമസ്റ്റർ ബിഎ (സിയുസിബിസിഎസ്എസ്) റഗുലർ സ്പെഷൽ പരീക്ഷ 26ന് സർവകലാശാലാ ഫിസിക്കൽ എഡ്യുക്കേഷൻ വിഭാഗത്തിൽ നടക്കും.
പരീക്ഷാഫലം
2017 ജൂണിൽ നടത്തിയ രണ്ടാം സെമസ്റ്റർ എംഎസ് സി സുവോളജി, എംഎസ് സി ഇലക്ട്രോണിക്സ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മാർച്ച് ഒന്ന് വരെ അപേക്ഷിക്കാം.
2017 ജൂണിൽ നടത്തിയ രണ്ടാം സെമസ്റ്റർ എംഎസ് സി അപ്ലൈഡ് സൈക്കോളജി (സിസിഎസ്എസ്) പരീക്ഷാഫലം വെബ്സൈറ്റിൽ.
2017 ജൂലൈയിൽ നടത്തിയ രണ്ടാം സെമസ്റ്റർ എംഎസ് സി റേഡിയേഷൻ ഫിസിക്സ് (സിസിഎസ്എസ്) പരീക്ഷാഫലം വെബ്സൈറ്റിൽ.
ഒന്നാം സെമസ്റ്റർ ബിടിഎഫ്പി (സിയുസിബിസിഎസ്എസ്) റഗുലർ (നവംബർ 2016) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 23 വരെ അപേക്ഷിക്കാം.
2017 ജൂണിൽ നടത്തിയ രണ്ടാം സെമസ്റ്റർ എംഎ ഇംഗ്ളീഷ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് മാർച്ച് മൂന്ന് വരെ അപേക്ഷിക്കാം.
അഞ്ചാം സെമസ്റ്റർ യു.ജി മൂല്യനിർണയ ക്യാന്പ്: 22, 23 തിയതികളിൽ ക്ലാസുകൾ ഉണ്ടായിരിക്കുന്നതല്ല
അഞ്ചാം സെമസ്റ്റർ ബിഎ, ബിഎസ് സി, ബികോം, ബിബിഎ (സിയുസിബിസിഎസ്എസ്) നവംബർ 2017 പരീക്ഷയുടെ മൂല്യനിർണയ ക്യാന്പ് 22, 23 തിയതികളിൽ നടക്കുന്നതിനാൽ അഫിലിയേറ്റഡ് ആർട്സ്, സയൻസ്, അറബിക് കോളജുകളിൽ ഈ ദിവസങ്ങളിൽ യുജി, പിജി റഗുലർ ക്ലാസുകൾ ഉണ്ടായിരിക്കുന്നതല്ല.