ഉത്തരക്കടലാസ് മൂല്യനിർണയം
കണ്ണൂർ സർവകലാശാല വിദൂരവിദ്യാഭ്യാസ ബിരുദ പരീക്ഷകളുടെ ഉത്തരക്കടലാസ് മൂല്യനിർണയം നടത്തുന്നതിന് സർവകലാശാല പഠനവകുപ്പുകളിൽ നിന്നും ഗവ.എയ്ഡഡ് കോളജുകളിൽ നിന്നും വിരമിച്ചു പത്തുവർഷം പൂർത്തിയാകാത്ത അധ്യാപകരിൽ നിന്നും അപേക്ഷ ക്ഷണിച്ചു. ബിരുദ പരീക്ഷകളുടെ ഉത്തരക്കടലാസ് ഭവന മൂല്യനിർണയത്തിന് പേപ്പർ ഒന്നിന് രൂപ 25യാണ് പ്രതിഫലം. മൂല്യനിർണയം നടത്തേണ്ട വിഷയങ്ങൾ അറബിക്, ഇകണോമിക്സ്, ഇംഗ്ലീഷ്, ഹിന്ദി, ഹിസ്റ്ററി, കന്നട, മലയാളം, പൊളിറ്റിക്കൽ സയൻസ്, സോഷ്യോളജി, അഫ്സൽഉൽഉലമ (ഇംഗ്ലീഷ്, അറബിക്, പ്രിലിമിനറി), മാത്തമാറ്റിക്സ്, സ്റ്റാറ്റിസ്റ്റിക്സ്, ബികോം, ബിബിഎ, ബിസിഎ എന്നിവയാണ്.
അപേക്ഷയുടെ നിശ്ചിത മാതൃക പരീക്ഷാ കണ്ട്രോളറുടെ ഓഫീസിൽ നിന്ന് നേരിട്ടോ, കണ്ണൂർ സർവകലാശാല വെബ്സൈറ്റിൽ നിന്നോ ലഭിക്കും. പൂരിപ്പിച്ച അപേക്ഷകൾ ഏപ്രിൽ 30ന് വൈകുന്നേരം അഞ്ചിനു മുന്പായി പരീക്ഷാ കണ്ട്രോളറുടെ ഓഫീസിൽ ലഭിക്കണം.
ബിഎ ഹിസ്റ്ററി, ഇസ്ലാമിക് ഹിസ്റ്ററി പ്രോജക്ട് മൂല്യനിർണയം, വാചാ പരീക്ഷ
ആറാം സെമസ്റ്റർ ബിഎ ഹിസ്റ്ററി, ഇസ്ലാമിക് ഹിസ്റ്ററി പ്രോജക്ട് മൂല്യനിർണയവും വാചാ പരീക്ഷയും ഏപ്രിൽ 26, 27 തീയതികളിൽ രാവിലെ 10 മുതൽ വിവിധ കോളജുകളിൽ നടക്കും. രജിസ്റ്റർ ചെയ്തവിദ്യാർഥികൾ അതത് കോളജുമായി ബന്ധപ്പെടണം.
ഒന്നാം വർഷ അഫ്സൽഉൽഉലമ (പ്രിലിമിനറി) പരീക്ഷ ഹാൾടിക്കറ്റ്
കണ്ണൂർ സർവകലാശാലയുടെ ഏപ്രിൽ 27ന് ആരംഭിക്കുന്ന ഒന്നാം വർഷ അഫ്സൽഉൽഉലമ (പ്രിലിമിനറി ഏപ്രിൽ 2018) (റഗുലർ കോളേജ് ആൻഡ് വിദൂര വിദ്യാഭ്യാസം) പരീക്ഷയുടെ ഹാൾടിക്കറ്റും ടൈംടേബിളും സർവകലാശാലയുടെ വെബ്സൈറ്റിൽ ലഭിക്കും. ഹാൾടിക്കറ്റ് ഡൗണ്ലോഡ് ചെയ്തു ഫോട്ടോ പതിച്ച് ഗസറ്റഡ് ഓഫീസറെ കൊണ്ട് സാക്ഷ്യപ്പെടുത്തി, ഹാൾടിക്കറ്റിൽ രേഖപ്പെടുത്തിയിരിക്കുന്ന കേന്ദ്രങ്ങളിൽ പരീക്ഷയ്ക്ക് ഹാജരാകണം. ഹാൾടിക്കറ്റ് ലഭിക്കാത്തവർ പരീക്ഷാ വിഭാഗവുമായി ബന്ധപ്പെടണം. ഫോണ് നന്പർ: 04972715478.