എംഎ മ്യൂസിക് പ്രവേശനത്തിന് അപേക്ഷിക്കാം
കണ്ണൂർ സർവകലാശാലയുടെ ഡിപ്പാർട്ട്മെന്റ് ഓഫ് മ്യൂസിക്, എംഎ മ്യൂസിക് കോഴ്സിലേക്ക് 201819 വർഷത്തേക്കുള്ള പ്രവേശനത്തിന് അപേക്ഷ ക്ഷണിച്ചു. 45 ശതമാനം മാർക്കോടെഏതെങ്കിലും വിഷയത്തിൽ ഡിഗ്രിയും സംഗീതാഭിരുചിയുള്ളവർക്കും അപേക്ഷിക്കാം. അപേക്ഷാഫോറവും പ്രോസ്പെക്ടസും വൈബ്സൈറ്റിൽനിന്ന് ഡൗൺലോഡ് ചെയ്തെടുക്കാം. പരീക്ഷാഫലം കാത്തിരിക്കുന്നവർക്കും അപേക്ഷിക്കാം. കൂടുതൽ വിവരങ്ങൾക്ക് ഹെഡ് ഡിപ്പാർട്ട്മെന്റ് ഓഫ് മ്യൂസിക്, കണ്ണൂർ സർവകലാശാല, സ്വാമി ആനന്ദതീർഥ കാന്പസ്, എടാട്ട്.പി.ഒ., പയ്യന്നൂർ 670327 എന്ന വിലാസത്തിലോ, 04972806404, 9895232334 എനന്പറിലോ ബന്ധപ്പെടണം. അപേക്ഷ ലഭിക്കേണ്ട അവസാന തീയതി മേയ് അഞ്ചാണ്.
ബിഎഡ്പരീക്ഷ മാറ്റിവച്ചു
കണ്ണൂർ സർവകലാശാലയുടെ 28 ന് നടത്താൻ നിശ്ചയിച്ചിരിക്കുന്ന നാലാം സെമസ്റ്റർ ബിഎഡ് ഡിഗ്രി പരീക്ഷകൾ മേയ് മൂന്നിലേക്ക് മാറ്റിവച്ചു. പരീക്ഷാസമയത്തിൽ മാറ്റമില്ല.
ബിഎ അറബിക് പ്രായോഗിക പരീക്ഷ
ആറാം സെമസ്റ്റർ ബിഎ അറബിക് പ്രായോഗിക പരീക്ഷയും പ്രോജക്ട് മൂല്യനിർണയവും 26, 27 (ഗവ. ബ്രണ്ണൻ കോളജ്, തലശേരി), മേയ് രണ്ട്, മൂന്ന് (സർ സയ്യിദ് കോളജ്, തളിപ്പറന്പ്) തീയതികളിൽ നടക്കും. രജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.
വാക്ക് ഇൻ ഇന്റർവ്യൂ
ഫിസിക്കൽ എഡ്യുക്കേഷനിൽ അസിസ്റ്റന്റ് പ്രഫസർ, യോഗ ഇൻസ്ട്രക്ടർ, സ്പോട്സ് ട്രെയിനേഴ്സ് എന്നീ തസ്തികകളിൽ കരാർ വ്യവസ്ഥയിൽ നിയമിക്കാനായി ഇന്നു തീരുമാനിച്ചിരുന്ന വാക്ഇൻഇന്റർവ്യൂ 25 ന് രാവിലെ 10.30 ലേക്ക് മാറ്റിവച്ചു.
വാക്ക് ഇൻ ഇന്റർവ്യൂ
കണ്ണൂർ സർവകലാശാലയുടെ നീലേശ്വരം കാന്പസിൽ പ്രവർത്തിക്കുന്ന ഇൻഫർമേഷൻ ടെക്നോളജി സെന്ററിലേക്ക് അസിസ്റ്റന്റ് പ്രഫസർ തസ്തികയിൽ കരാറടിസ്ഥാനത്തിലുള്ള നിയമനത്തിനുവേണ്ടിയുള്ള വാക്ഇൻഇന്റർവ്യൂ മേയ് രണ്ടിന് സർവകലാശാല താവക്കര കാന്പസിൽ നടക്കും. താത്പര്യമുള്ള നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും 200 രൂപ സർവകലാശാല ഫണ്ടിൽ അടച്ച രസീതുമായി അന്നേദിവസം രാവിലെ കൃത്യം 11 ന് എത്തേണ്ടതാണ്. വിശദവിവരങ്ങൾ സർവകലാശാലയുടെ വെബ്സൈറ്റിൽ ലഭ്യമാണ്.