എംബിഎ പ്രവേശനത്തിന് അപേക്ഷ ക്ഷണിച്ചു
കണ്ണൂർ: കണ്ണൂർ സർവകലാശാലയിൽ 201819 അധ്യയനവർഷത്തിലേക്കുള്ള എംബിഎ പ്രവേശനത്തിനുള്ള അപേക്ഷ ക്ഷണിച്ചു. കെമാറ്റ്\സിമാറ്റ്‌\കാറ്റ് എന്നീ പ്രവേശനപരീക്ഷകളിൽ യോഗ്യത നേടിയ വിദ്യാർഥികൾക്ക് അപേക്ഷിക്കാം. അപേക്ഷിക്കാനുള്ള അവസാന തീയതി മേയ് അഞ്ചാണ്. വിശദവിവരങ്ങൾ കണ്ണൂർ സർവകലാശാല വെബ്സൈറ്റിൽ (www.cap.kannuruniverstity.ac.in) ലഭ്യമാണ്.
പഠനവകുപ്പുകളിൽ മേയ് ഒന്നു മുതൽ അവധി
കണ്ണൂർ സർവകലാശാല പഠനവകുപ്പുകളിൽ മേയ് ഒന്നു മുതൽ 31 വരെ മധ്യവേനൽ അവധിയായിരിക്കും.
രണ്ടാം സെമസ്റ്റർ എംഎ, എംഎസ്‌സി, എംസിജെ, എംബിഎ, എംഎൽഐഎസ്‌സി പരീക്ഷാഫലം
കണ്ണൂർ സർവകലാശാലയുടെ പഠനവകുപ്പുകളിലെ രണ്ടാം സെമസ്റ്റർ എംഎ ഹിസ്റ്ററി ആൻഡ് ഹെറിറ്റേജ് സ്റ്റഡീസ്, ആന്ത്രപ്പോളജി, എംഎസ്‌സി വുഡ് സയൻസ് ആൻഡ് ടെക്നോളജി (ഇൻഡസ്ട്രി ലിങ്ക്ഡ്), മാത്തമാറ്റിക്സ്, എൻവയോണ്മെന്റൽ സയൻസ്, സ്റ്റാറ്റിസ്റ്റിക്സ്, എംസിജെ, എംബിഎ, എംഎൽഐഎസ്‌സി (സിസിഎസ്എസ് റഗുലർ മെയ് 2017) പരീക്ഷകളുടെ ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന, സൂക്ഷ്മ പരിശോധന, ഫോട്ടോകോപ്പി എന്നിവയ്ക്കുള്ള അപേക്ഷകൾ മേയ് ഏഴു വരെ സർവകലാശാലയിൽ സ്വീകരിക്കും.
ഹാൾടിക്കറ്റ്
രണ്ടാം സെമസ്റ്റർ ബിഎ, ബിഎസ്‌സി, ബിസിഎ, ബിടിടിഎം, ബിബിഎം, ബിഎ അഫ്സൽഉൽഉലമ ഹാൾടിക്കറ്റ് (റഗുലർ, സപ്ലിമെന്‍ററി, ഇംപ്രൂവ്മെന്‍റ് മേയ് 2018) പരീക്ഷകളുടെ ഹാൾടിക്കറ്റ്, നോമിനൽ റോൾ 26 ന് രാവിലെ 11 സർവകലാശാല വെബ്സൈറ്റിൽ ലഭിക്കും.
വാക്ക് ഇൻ ഇന്‍റർവ്യു
കണ്ണൂർ സർവകലാശാലയുടെ നീലേശ്വരം കാന്പസിൽ പ്രവർത്തിക്കുന്ന ഇൻഫർമേഷൻ ടെക്നോളജി സെന്‍ററിലേക്ക് അസി. പ്രഫസർ തസ്തികയിൽ കരാറടിസ്ഥാനത്തിലുള്ള നിയമനത്തിന് വേണ്ടിയുള്ള വാക്ഇൻഇന്‍റർവ്യൂ മേയ് രണ്ടിന് സർവകലാശാലയുടെ താവക്കര ഓഫീസിൽ നടക്കം. താത്പര്യമുള്ള നെറ്റ്, പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും 200 രൂപ സർവകലാശാല ഫണ്ടിൽ അടച്ച രസീതുമായി അന്നേദിവസം രാവിലെ 11ന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ www.kannuruniversity.ac.in
ബി എ അറബിക് പ്രായോഗിക പരീക്ഷ
കണ്ണൂർ സർവകലാശാലയുടെ ആറാം സെമസ്റ്റർ ബി എ അറബിക് പ്രായോഗിക പരീക്ഷയും പ്രോജക്റ്റ് മൂല്യനിർണയവും 26, 27 (ഗവ. ബ്രണ്ണൻ കോളജ്, തലശേരി), 28, 30 (ഗവ. കോളജ്, കാസർഗോഡ്), മേയ് രണ്ട്, മൂന്ന് (സർ സയ്യിദ് കോളജ്, തളിപ്പറന്പ) തീയതികളിൽ നടക്കും. റരജിസ്റ്റർ ചെയ്ത വിദ്യാർഥികൾ അതത് കോളജുമായി ബന്ധപ്പെടണം.