ഒന്നും രണ്ടും സെമസ്റ്റർ എംഎസ് സി എംഎൽടി പരീക്ഷകൾ
കണ്ണൂർ സർവകലാശാലയുടെ രണ്ടാം സെമസ്റ്റർ എംഎസ് സി മെഡിക്കൽ ലബോറട്ടറി ടെക്നോളജി (എംഎൽടി) ഡിഗ്രി (റഗുലർ 2016 അഡ്മിഷൻ,സപ്ലിമെന്‍ററി മേയ് 2017), ഒന്നാം സെമസ്റ്റർ എംഎസ് സിമെഡിക്കൽ ലബോറട്ടറി ടെക്നോളജി (എം.എൽടി) ഡിഗ്രി (റഗുലർ 2017 അഡ്മിഷൻ, സപ്ലിമെന്‍ററി നവംബർ 2017) പരീക്ഷകൾക്കുള്ള അപേക്ഷകൾ പിഴ കൂടാതെ മേയ് മൂന്നുവരെയും 150 രൂപ പിഴയോടെ മേയ് അഞ്ചു വരെയും സ്വീകരിക്കും. അപേക്ഷകൾ (എപിസി, ചലാനടക്കം) മേയ് ഏഴിനകം സർവകലാശാലയിൽ എത്തിക്കണം. പരീക്ഷാ തീയതി പിന്നീട് പ്രഖ്യാപിക്കും.
പാർട്ട് ഒന്ന് രണ്ടാം സെമസ്റ്റർ എംഎസ് സി മെഡിക്കൽ പരീക്ഷകൾ
പാർട്ട് ഒന്ന് രണ്ടാം സെമസ്റ്റർ എംഎസ് സി മെഡിക്കൽ മൈക്രൊബയോളജി, ബയോകെമിസ്ട്രി ഡിഗ്രി (റഗുലർ 2016 അഡ്മിഷൻ, സപ്ലിമെന്‍ററി മേയ് 2017) പരീക്ഷകൾ മേയ് 23ന് ആരംഭിക്കും. അപേക്ഷകൾ പിഴ കൂടാതെ മേയ് മൂന്നു വരെയും 150 രൂപ പിഴയോടെ അഞ്ചു വരെയും സ്വീകരിക്കും. അപേക്ഷകൾ (എ.പി.സി, ചലാനടക്കം) മെയ് ഏഴിനകം സർവകലാശാലയിൽ എത്തിക്കണം.
രണ്ടും നാലും സെമസ്റ്റർ എംപിഎഡ് പരീക്ഷകൾ
രണ്ടാം സെമസ്റ്റർ എംപിഎഡ് ഡിഗ്രി (റഗുലർ/സപ്ലിമെന്‍ററി മേയ് 2018), നാലാം സെമസ്റ്റർ എംപിഎഡ് (സപ്ലിമെന്‍ററി മാത്രം മേയ് 2018) പരീക്ഷകൾക്കുള്ള അപേക്ഷകൾ പിഴ കൂടാതെ മേയ് അഞ്ചു വരെയും 150 രൂപ പിഴയോടെ ഒൻപത് വരെയും സമർപ്പിക്കാം. അപേക്ഷകൾ (എ.പി.സി, ചലാനടക്കം) മേയ് 10നകം സർവകലാശാലയിൽ എത്തിക്കണം. പരീക്ഷാ തീയതി പിന്നീട് പ്രഖ്യാപിക്കും.
നാലാം വർഷ ബിപിടി പരീക്ഷകൾ മേയ് 21 മുതൽ
നാലാം വർഷ ബാച്ചിലർ ഓഫ് ഫിസിയോ തെറാപി (ബിപിടി) ഡിഗ്രി (സപ്ലിമെന്‍ററി ജൂണ്‍ 2018) പരീക്ഷകൾ മേയ് 21ന് ആരംഭിക്കും. അപേക്ഷകൾ പിഴ കൂടാതെ മേയ് മൂന്നു വരെയും 150 രൂപ പിഴയോടെ അഞ്ചു വരെയും സ്വീകരിക്കും. അപേക്ഷകൾ (ചലാനടക്കം) മേയ് ഏഴിനകം സർവകലാശാലയിൽ എത്തിക്കണം. ഫീസ് നിരക്ക് ഇപ്രകാരമാണ്: തിയറി 150 രൂപ പേപ്പറൊന്നിന്, പ്രാക്ടിക്കൽ 180, മാർക്ക് ലിസ്റ്റ് 60, ക്യാന്പ് ഫീസ് 150, ആപ്ലിക്കേഷൻ ഫോം ഫീസ് 40 രൂപ.
രണ്ടും നാലും സെമസ്റ്റർ ബിപിഎഡ് പരീക്ഷകൾ
രണ്ടും നാലും സെമസ്റ്റർ ബിപിഎഡ് പരീക്ഷകൾ ഡിഗ്രി (റഗുലർ, സപ്ലിമെന്‍ററി മേയ് 2018) പരീക്ഷകൾക്കുള്ള അപേക്ഷകൾ പിഴ കൂടാതെ മേയ് നാലു വരെയും 150 രൂപ പിഴയോടെ എട്ടുവരെയും സമർപ്പിക്കാം. അപേക്ഷകൾ (എ.പി.സി, ചലാനടക്കം) മെയ് ഒൻപതിനകം സർവകലാശാലയിൽ എത്തിക്കേണ്ടതാണ്. നാലാം സെമസ്റ്റർ പരീക്ഷ മേയ് 23ന് ആരംഭിക്കും. രണ്ടാം സെമസ്റ്റർ പരീക്ഷാ തീയതി പിന്നീട് പ്രഖ്യാപിക്കുന്നതാണ്.
ആറാം സെമസ്റ്റർ എംസിഎ പരീക്ഷാഫലം
2017 ജൂലൈയിൽ നടത്തിയ ആറാം സെമസ്റ്റർ എംസിഎ പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം, സൂക്ഷ്മപരിശോധന, ഉത്തരക്കടലാസിന്‍റെ പകർപ്പ് എന്നിവയ്ക്കുള്ള അപേക്ഷകൾ മേയ് 10 വരെ സർവകലാശാലയിൽ സ്വീകരിക്കും.
അവസാന വർഷ ബിഡിഎസ് (പാർട്ട് ഒന്ന്) പരീക്ഷാഫലം
അവസാന വർഷ ബിഡിഎസ് (പാർട്ട് ഒന്ന്) (സപ്ലിമെന്‍ററി) ഓഗസ്റ്റ് 2017 പരീക്ഷയുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം, സൂക്ഷ്മപരിശോധന, ഉത്തരക്കടലാസിന്‍റെ പകർപ്പ് എന്നിവയ്ക്കുള്ള അപേക്ഷകൾ മേയ് ഒൻപത് വരെ സർവകലാശാലയിൽ സ്വീകരിക്കും.
രണ്ടാം സെമസ്റ്റർ എംഎ ഹിന്ദി പുന:പരീക്ഷാഫലം
രണ്ടാം സെമസ്റ്റർ എംഎ ഹിന്ദി (റഗുലർ 2016 അഡ്മിഷൻ മാർച്ച് 2017) ഡിഗ്രിയുടെ പുന:പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്. ഉത്തരക്കടലാസുകളുടെ പുനർമൂല്യനിർണയം, പകർപ്പ് സൂക്ഷ്മ പരിശോധന എന്നിവയ്ക്കുള്ള അപേക്ഷകൾ മേയ് 10 വരെ സർവകലാശാലയിൽ സ്വീകരിക്കും.
ബിഎ സംസ്കൃതം പ്രോജക്ട് മൂല്യനിർണയവും വാചാ പരീക്ഷയും
ആറാം സെമസ്റ്റർ ബിഎ സംസ്കൃതം പ്രോജക്ട് മൂല്യനിർണയവും വാചാ പരീക്ഷയും മേയ് രണ്ടിന് രാവിലെ 9.30 മുതൽ തലശേരി ഗവ:ബ്രണ്ണൻ കോളജിൽ നടക്കും. രജിസ്റ്റർ ചെയ്ത വിദ്യർഥികൾ കോളജുമായി ബന്ധപ്പെടണം.
ബിഎ ഭരതനാട്യം പ്രായോഗിക പരീക്ഷ, പ്രോജക്ട്
ആറാം സെമസ്റ്റർ ബിഎ ഭരതനാട്യം പ്രായോഗിക പരീക്ഷയും പ്രോജക്ട്, റെക്കോർഡ് മൂല്യനിർണവും 30, മേയ് രണ്ട് തീയതികളഇൽ രാവിലെ 9.30 മുതൽ പിലാത്തറ ലാസ്യ കോളജ് ഓഫ് ഫൈൻ ആർട്സിൽ നടക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടുക.