നാളത്തെ പരീക്ഷകൾ 11ലേക്ക് മാറ്റി
നാളെ നടത്താനിരുന്ന അഫിലിയേറ്റഡ് കോളജുകളിലെ എല്ലാ ബിരുദ പരീക്ഷകളും (റഗുലർ, സപ്ലിമെന്ററി, ഇംപ്രൂവ്മെന്റ്) 11ലേക്ക് മാറ്റി. സമയത്തിൽ മാറ്റമുണ്ടായിരിക്കുന്നതല്ല. എന്നാൽ ബിരുദാനന്തര ബിരുദം, പ്രൊഫഷണൽ കോഴ്സുകൾ, വിദൂര വിദ്യാഭ്യാസ വിഭാഗം എന്നിവയുടെ പരീക്ഷകൾക്ക് മാറ്റം ബാധകമായിരിക്കില്ല.
രണ്ടാം സെമസ്റ്റർ പിജിഡിസിപി പരീക്ഷ ജൂണ് 19 മുതൽ
കണ്ണൂർ സർവകലാശാലയുടെ രണ്ടാം സെമസ്റ്റർ പോസ്റ്റ് ഗ്രാജ്വേറ്റ് ഡിപ്ലോമ ഇൻ കൗണ്സലിംഗ് സൈക്കോളജി, രണ്ടാം സെമസ്റ്റർ പോസ്റ്റ് ഗ്രാജ്വേറ്റ് ഡിപ്ലോമ ഇൻ കൗണ്സലിംഗ് ആന്റ് സൈക്കോതെറാപ്പി (റഗുലർ/ സപ്ലിമെന്ററി മേയ് 2018) പരീക്ഷകൾ ജൂണ് 19ന് ആരംഭിക്കും. അപേക്ഷകൾ പിഴ കൂടാതെ ഈമാസം 10 വരെയും 150 രൂപ പിഴയോടെ 14 വരെയും സമർപ്പിക്കാം. അപേക്ഷയോടൊപ്പം എപിസി, ചലാൻ എന്നിവ 16നകം സർവകലാശാലയിൽ എത്തിക്കണം.
മാത്തമാറ്റിക്സ് (ഓണേഴ്സ്) ഡിഗ്രി പരീക്ഷാ ഹാൾടിക്കറ്റ്
കണ്ണൂർ സർവകലാശാലയുടെ ഏഴിന് ആരംഭിക്കുന്ന നാലാം സെമസ്റ്റർ ബിഎസ്സി മാത്തമാറ്റിക്സ് (ഓണേഴ്സ്) ഡിഗ്രി പരീക്ഷാ ഹാൾടിക്കറ്റുകൾ സർവകലാശാല വെബ്സൈറ്റിൽ ലഭ്യമാണ്.
വാക്ക് ഇൻ ഇന്റർവ്യൂ
കണ്ണൂർ സർവകലാശാലയുടെ മാങ്ങാട്ടുപറന്പ്, നീലേശ്വരം കാന്പസുകളിൽ പ്രവർത്തിക്കുന്ന സെന്റർ ഫോർ മാനേജ്മെന്റ് സ്റ്റഡീസ്, സെന്റർ ഫോർ എംബിഎ എന്നിവിടങ്ങളിലേക്ക് കരാറടിസ്ഥാനത്തിൽ അസിസ്റ്റന്റ് പ്രഫസറെ നിയമിക്കുന്നതിനായി എട്ടിന് രാവിലെ 10.30ന് സർവകലാശാല താവക്കര ഹെഡ് ക്വാട്ടേഴ്സിൽ വാക്ഇൻഇന്റർവ്യൂ നടത്തുന്നു. താത്പര്യമുള്ള നെറ്റ്, പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും അപേക്ഷാ ഫീസിനത്തിൽ 200 രൂപ സർവകലാശാല ഫണ്ടിൽ അടച്ച രസീതുമായി അന്നേ ദിവസം കൃത്യം ഒൻപതിനു ഹാജരാകണം. വിശദവിവരങ്ങൾ സർവകലാശാലയുടെ വെബ്സൈറ്റിൽ (www.kannuruniversity.ac.in)) ലഭ്യമാണ് .
വാക്ക് ഇൻ ഇന്റർവ്യൂ
കണ്ണൂർ സർവകലാശാലയുടെ മാങ്ങാട്ടുപറന്പ് കാന്പസിൽ പ്രവർത്തിക്കുന്ന ഡിപ്പാർട്ട്മെന്റ് ഓഫ് മാത്തമാറ്റിക്കൽ സയൻസസിലേക്ക് കരാറടിസ്ഥാനത്തിൽ അസിസ്റ്റന്റ് പ്രഫസർമാരെ നിയമിക്കുന്നതിനായി എട്ടിന് ഉച്ചകഴിഞ്ഞ് രണ്ടിന് സർവകലാശാല താവക്കര ഹെഡ് ക്വാട്ടേഴ്സിൽ വാക്ഇൻഇന്റർവ്യൂ നടത്തും. താത്പര്യമുള്ള നെറ്റ്/പിഎച്ച്ഡി യോഗ്യതയുള്ള ഉദ്യോഗാർഥികൾ ആവശ്യമായ രേഖകളും അവയുടെ സ്വയം സാക്ഷ്യപ്പെടുത്തിയ പകർപ്പുകളും അപേക്ഷാ ഫീസിനത്തിൽ 200 രൂപ സർവകലാശാല ഫണ്ടിൽ അടച്ച രസീതുമായി അന്നേ ദിവസം രാവിലെ 11 ന് എത്തണം. വിശദവിവരങ്ങൾ സർവകലാശാലയുടെ വെബ്സൈറ്റിൽ ലഭ്യമാണ്.