എംഎസ്സി ക്ലിനിക്കൽ ആൻഡ് കൗൺസലിംഗ് സൈക്കോളജിക്ക് അപേക്ഷിക്കാം
കണ്ണൂർ: കണ്ണൂർ സർവകലാശാലയുടെ സ്കൂൾ ഓഫ് ബിഹേവിയറൽ സയൻസസിൽ നടത്തുന്ന ദ്വിവത്സര എംഎസ്സി ക്ലിനിക്കൽ ആൻഡ് കൗൺസലിംഗ് സൈക്കോളജി കോഴ്സ് പ്രവേശനത്തിന് അപേക്ഷ ക്ഷണിച്ചു. പ്രവേശന പരീക്ഷയിലെ മാർക്കിന്റെ അടിസ്ഥാനത്തിലാണ് പ്രവേശനം. മനഃശാസ്ത്ര പഠനത്തിന് വ്യക്തമായ ശാസ്ത്രീയ അടിത്തറയും പരിശീലനവും പ്രദാനം ചെയ്യുവാനായി കണ്ണൂർ സർവകലാശാല നടത്തിവരുന്ന ബിരുദാനന്തര ബിരുദ കോഴ്സാണ് എംഎസ്സി ക്ലിനിക്കൽ ആൻഡ് കൗൺസലിംഗ് സൈക്കോളജി.
ഇന്നത്തെ ആരോഗ്യരംഗം വളരെയധികം പ്രാധാന്യം നൽകുന്ന ശാസ്ത്രശാഖയാണ് മനഃശാസ്ത്രം. വ്യക്തമായ രോഗനിർണയത്തിലൂടെയും ചികിത്സയിലൂടെയും രോഗികൾക്കുണ്ടാകുന്ന മാറ്റം നേരിട്ടുപഠിക്കാനുള്ള അവസരം ഈ കോഴ്സ് പ്രദാനം ചെയ്യുന്നു. ക്ലിനിക്കൽ മേഖലയിലും കൗൺസലിംഗ് മേഖലയിലും മനോനില മനസിലാക്കാനുള്ള ഉപകരണങ്ങളുപയോഗിച്ചുള്ള പ്രായോഗിക പരിശീലനവും ഓരോ സെമസ്റ്ററിലും ഉൾപ്പെടുത്തിയിട്ടുണ്ട്. 11 കോർ പേപ്പറുകളും മൂന്ന് ഇലക്ടീവ് പേപ്പറുകളും ഉൾക്കൊള്ളുന്നതാണ് സിലബസ്. തുടർപഠനത്തിനും പ്രവർത്തനത്തിനും ഗവേഷണത്തിനും പ്രയോജനപ്പെടുന്ന രീതിയിൽ ഓരോ സെമസ്റ്ററുകളും ക്രമീകരിച്ചിരിക്കുന്നു. www.cap.kannuruniversity.ac.in എന്ന വെബ്സെറ്റ് വഴി ഓൺലൈനായി അഞ്ചിനകം അപേക്ഷിക്കണം. ബിരുദ പരീക്ഷയുടെ ഫലം കാത്തിരിക്കുന്നവർക്കും അപേക്ഷിക്കാം. പൊതുവിഭാഗത്തിന് 400 രൂപയും എസ്സി, എസ്ടി വിഭാഗങ്ങൾക്ക് 100 രൂപയാണ് ഫീസ്. എസ്ബിഐ കളക്ട് മുഖേന ഓൺലൈനായാണ് അപേക്ഷിക്കേണ്ടത്. അപേക്ഷയുടെ പ്രിന്റ്ഔട്ടും ഓൺലൈൻ പേയ്മെന്റ് പ്രിന്റൗട്ടും അഞ്ചിനകം മാങ്ങാട്ടുപറന്പ് കാന്പസിലെ പഠനവകുപ്പിൽ സമർപ്പിക്കണം.18ന് രാവിലെ ഒൻപതിന് മാങ്ങാട്ടുപറന്പ് കാന്പസിൽ പ്രവേശനപരീക്ഷ നടക്കും. അപേക്ഷകൾ ഹെഡ് ഓഫ് ദ ഡിപ്പാർട്ട്മെന്റ്, സ്കൂൾ ഓഫ് ബിഹേവിയറൽ സയൻസസ്, മാങ്ങാട്ടുപറന്പ് കാന്പസ്, കണ്ണൂർ670567 എന്ന വിലാസത്തിൽ ലഭിക്കണം. ഫോൺ: 0497 2782441.
എംസിഎ, എംസിഎലാറ്ററൽ എൻട്രി പ്രോഗ്രാമുകൾക്ക് അഞ്ചുവരെ അപേക്ഷിക്കാം
കണ്ണൂർ: കണ്ണൂർ സർവകലാശാല മാങ്ങാട്ടുപറന്പ് കാന്പസിലെ ഇൻഫർമേഷൻ ടെക്നോളജി വിഭാഗത്തിൽ നടത്തുന്ന എംസിഎ (മൂന്നു വർഷം) എംസിഎ ലാറ്ററൽ എൻട്രി (രണ്ടു വർഷം) പ്രോഗ്രാമുകൾക്ക് അഞ്ചു വരെ അപേക്ഷിക്കാം. വിശദവിവരങ്ങൾക്ക് www.cap.kannuruniversity.ac.in എന്ന വെബ്സൈറ്റ് സന്ദർശിക്കുക. ബിരുദപരീക്ഷാഫലം കാത്തിരിക്കുന്നവർക്കും അപേക്ഷിക്കാം.
കണ്ണൂർ: കണ്ണൂർ സർവകലാശാല നീലേശ്വരം, പാലയാട് (തലശേരി) കാന്പസുകളിലെ ഐടി, എഡ്യുക്കേഷൻ സെന്ററുകളിൽ നടത്തുന്ന എംസിഎ (മൂന്നു വർഷം) പ്രോഗ്രാമിന് അഞ്ചു വരെ അപേക്ഷിക്കാം. വിശദവിവരങ്ങൾക്ക് www.cap.kannuruniversity.ac.in എന്ന വെബ്സൈറ്റ് സന്ദർശിക്കുക. ബിരുദപരീക്ഷാഫലം കാത്തിരിക്കുന്നവർക്കും അപേക്ഷിക്കാം.
എട്ടാം സെമസ്റ്റർ ബിടെക് പരീക്ഷ
എട്ടാം സെമസ്റ്റർ ബിടെക് ഡിഗ്രി (റെഗുലർ/സപ്ലിമെന്ററി) ഏപ്രിൽ 2018 ഇഇഇ, എംഇ, ഇസിഇ ആൻഡ് എഇഐ, ഐടി, സിഇ, സിഎസ്ഇ വിഭാഗങ്ങളുടെ വാചാ പരീക്ഷകൾ ഏഴു മുതൽ വിവിധ കേന്ദ്രങ്ങളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.