രണ്ടാംഘട്ട അലോട്ട്മെന്റ് പ്രസിദ്ധീകരിച്ചു
ബിരുദ പ്രവേശനത്തിനുള്ള രണ്ടാം ഘട്ട അലോട്ട്മെന്റ് പ്രസിദ്ധീകരിച്ചു. അപേക്ഷകർക്ക് അപേക്ഷാനന്പറും പാസ്‌വേഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. ഒന്നാം ഘട്ടത്തിൽ അലോട്ട്മെന്റ് ലഭിക്കാത്തവരും എന്നാൽ രണ്ടാം ഘട്ടത്തിൽ അലോട്ട്മെന്റ് ലഭിക്കുകയും ചെയ്ത അപേക്ഷകർ ഓണ്ലൈനായോ അല്ലാത്ത പക്ഷം വെബ്സൈറ്റിൽ ലോഗിൻ ചെയ്ത ശേഷം അഡ്മിഷൻ ഫീസ് അടയ്ക്കാനുളള ചലാൻ പ്രിന്‍റ് ഔട്ട് എടുത്ത് എസ്ബിഐയുടെ ഏതെങ്കിലും ശാഖയിൽ ഫീസ് അടയ്ക്കണം.
ഒന്നാം ഘട്ട അലോട്ട്മെന്റിൽ ഫീസ് അടച്ചവർ വീണ്ടും ഫീസ് അടയ്ക്കേണ്ട. അഡ്മിഷൻ ഫീസ് ജനറൽ വിഭാഗത്തിന് 1525 രൂപയും എസ‌്സി/എസ്ടി വിഭാഗത്തിന് 840 രൂപയുമാണ്. ഫീസ് ബാങ്കിൽ അടച്ചു കഴിഞ്ഞാൽ വെബ്സൈറ്റിൽ ലോഗിൻ ചെയ്ത് അഡ്മിഷൻ ഫീസ് ഒടുക്കിയ വിവരം (ജേർണൽ നന്പർ) 23 നകം രേഖപ്പെടുത്തി തങ്ങളുടെ അലോട്ട്മെന്റ് ഉറപ്പാക്കണം. അഡ്മിഷൻ ഫീസ് ഒടുക്കിയ വിവരം യഥാസമയം ചേർക്കാത്ത വിദ്യാർഥികളുടെ അലോട്ട്മെന്റ് റദ്ദാകും. ഇങ്ങനെയുള്ളവരെ യാതൊരു കാരണവശാലും തുടർന്നുള്ള അലോട്ട്മെന്റുകളിൽ പരിഗണിക്കുന്നതല്ല.
ഒന്ന്, രണ്ട്, മൂന്ന് ഘട്ടം അലോട്ട്മെന്റുകളിൽ പ്രവേശനം ലഭിച്ചവർ മൂന്നാം അലോട്ട്മെന്റ് പ്രസിദ്ധീകരിച്ചതിനുശേഷം മാത്രം കോളജുകളിൽ ഹാജരായാൽ മതിയാകും. രണ്ടാംഘട്ട അലോട്ട്മെന്റിൽ തൃപ്തരാണെങ്കിൽ അഡ്മിഷൻ ഫീസ് ഒടുക്കിയ വിവരം വെബ്സൈറ്റിൽ ചേർത്ത ശേഷം ആവശ്യമെങ്കിൽ അവരുടെ ഹയർ ഓപ്ഷനുകൾ 25 രാവിലെ 10 മണി വരെ നീക്കം ചെയ്യാം. ഹയർ ഓപ്ഷനുകൾ നിലനിർത്തുന്ന അപേക്ഷകരെ അടുത്ത (മൂന്നാം) അലോട്ട്മെന്റിൽ ആ ഓപ്ഷനുകളിലേയ്ക്ക് പരിഗണിക്കുന്നതും ഇങ്ങനെയുള്ളവർ പുതിയ അലോട്ട്മെന്റിൽ ലഭിക്കുന്ന സീറ്റ് നിർബന്ധമായും സ്വീകരിക്കേണ്ട തുമാണ്.
പരീക്ഷാഫലം
ഏപ്രിലിൽ നടന്ന ആറാം സെമസ്റ്റർ സിബിസിഎസ് ബിഎസ‌്സി (2015 റെഗുലർ, 2014, 2013 സപ്ലിമെന്‍ററി) പരീക്ഷയുടെ ഫലം വെബ്സൈറ്റിൽ.
പുനർമൂല്യനിർണയത്തിനും സൂക്ഷമപരിശോധനക്കും ഓണ്‍ലൈനായി അപേക്ഷിക്കാവുന്ന അവസാന തീയതി ജൂലൈ 17.
ഏപ്രിലിൽ നടത്തിയ ആറാം സെമസ്റ്റർ കരിയർ റിലേറ്റഡ് സിബിസിഎസ്എസ്ബിഎസ്ഡബ്ല്യു പരീക്ഷാ ഫലം (2015 അഡ്മിഷൻ റെഗുലർ, 2014 അഡ്മിഷൻ സപ്ലിമെന്‍റ്റി) പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ. ഡിസംബറിൽ നടത്തിയ അഞ്ചാം സെമസറ്റർ കരിയർ റിലേറ്റഡ് സിബിസിഎസ്ബിഎസ്‌സി കംപ്യൂട്ടർ സയൻസ് പരീക്ഷയുടെ ഫലം (2015 അഡ്മിഷൻ റെഗുലർ, 2014, 2013 അഡ്മിഷൻ സപ്ലിമെന്‍റ്റി) പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
2017 ഡിസംബർ മാസത്തിൽ നടത്തിയ അഞ്ചാം സെമസ്റ്റർ ബികോം കൊമേഴ്സ് ആന്‍റ് ടാക്സ് പ്രൊസിജിയർ ആന്‍ഡ് പ്രാക്ടീസ് (2015 അഡ്മിഷൻ റെഗുലർ, 2014 ആൻഡ് 2013 അഡ്മിഷൻ സപ്ലിമെന്‍റ്റി) പരീക്ഷകളുടെ ഫലം വെബ്സൈറ്റിൽ ലഭ്യമാണ്. സൂക്ഷമ പരിശോധനയ്ക്കും പുനർമൂല്യനിർണയത്തിനും ജൂലൈ 18 വരെ ഓണ്‍ലൈനായി അപേക്ഷിക്കാവുന്നതാണ്.
ഏപ്രിലിൽ നടത്തിയ എംഎ ജർമൻ ലാംഗ്വേജ് & ലിറ്ററേച്ചർ 2016 2018 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു. ടോണി ഫിലിപ്പ് ജോണ് ഒന്നാം റാങ്ക് കരസ്ഥമാക്കി.
ഏപ്രിൽ മാസത്തിൽ നടത്തിയ എംഎസ‌്സി അക്വാട്ടിക് ബയോളജി &ഫിഷറീസ് 2016 2018 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു. കെ.ആർ .സൗമ്യ ഒന്നാം റാങ്ക് കരസ്ഥമാക്കി.
ഏപ്രിൽ മാസത്തിൽ നടത്തിയ എം.എ.ഇസ്ലാമിക് ഹിസ്റ്ററി 2016 2018 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു. ഷിറിൻ.എം.ബഷീർ ഒന്നാം റാങ്ക് കരസ്ഥമാക്കി.
ഡിസംബറിൽ നടത്തിയ അഞ്ചാം സെമസ്റ്റർ ബിഎ.മലയാളം ആന്‍റ് മാസ് കമ്യൂണിക്കേഷൻ, ബിഎ കമ്യൂണിക്കേറ്റിവ് അറബിക്, ബിഎ.ജേർണലിസം ആന്‍ഡ് മാസ്സ് കമ്യൂണിക്കേഷൻ ആന്‍ഡ് വീഡിയോപ്രൊടക്ഷൻ,ബിപിഎ(വോക്കൽ/വീണ/വയലിൻ/മ്യദംഗം/ഡാൻസ്), ബിഎ ഇംഗ്ലീഷ് ആന്‍ഡ് കമ്മ്യൂണികേറ്റിവ് ഇംഗ്ലീഷ് പരീക്ഷകളുടെ ഫലം പ്രസിദ്ധീകരിച്ചു. വിശദമായ ഫലം വെബ്സൈറ്റിൽ. സൂക്ഷ്മ പരിശോധനയ്ക്കും പുനർമൂല്യനിർണയത്തിനും അപേക്ഷിക്കാവുന്ന അവസാന തീയതി ജൂലൈ 18
പരീക്ഷ ടൈംടേബിൾ
ജൂലൈ നാലിന് ആരംഭിക്കുന്ന ഏഴാം സെമസ്റ്റർ ബിടെക്ക് (2008 സ്കീം) ജൂലൈ പരീക്ഷയുടെ ടൈംടേബിൾ വെബ്സൈറ്റിൽ ലഭ്യമാണ്.
ബിഎഡ് മൂല്യനിർണയം
ഏപ്രിലിൽ നടന്ന രണ്ടാം സെമസ്റ്റർ (റെഗുലർ ആന്‍ഡ് സപ്ലിമെന്‍ററി ബിഎഡ് ഡിഗ്രി പരീക്ഷകളുടെ ഉത്തരകടലാസുകളുടെ മൂല്യനിർണയം സർവകലാശാലയിൽ അഫിലിയേറ്റ് ചെയ്തിരിക്കുന്ന എല്ലാ ട്രെയിനിംഗ് ടീച്ചേഴ്സ് ട്രെയിനിംഗ് എഡ്യൂക്കേഷൻ കേന്ദ്രങ്ങളിലും റെഗുലർ ക്ലാസുകൾ റദ്ദ് ചെയ്തുകൊണ്ട് 26 മുതൽ 30 വരെ താഴെ പറയുന്ന മൂല്യനിർണയ കേന്ദ്രങ്ങളിൽ ആരംഭിക്കുന്നതാണ്.
മൂല്യനിർണയ കേന്ദ്രം 1, സർവകലാശാല കാമ്പസ്, പരീക്ഷ കണ്ട്രോളറുടെ കാര്യാലയം, തിരുവനന്തപുരം. മൂല്യനിർണയ കേന്ദ്രം 2കേരള യൂണിവേഴ്സിറ്റി കോളേജ് ഓഫ് ടീച്ചേർ എഡ്യൂക്കേഷൻ, തേവള്ളി, കൊല്ലം.