ഒന്നാം വർഷ ബിരുദ പ്രവേശനത്തിനുള്ള നാലാംഘട്ട അലോട്ട്മെന്റ് ജൂലൈ നാലിന്
201819 അധ്യയന വർഷത്തെ ബിരുദ പ്രവേശനത്തിനുള്ള നാലാംഘട്ട അലോട്ട്മെന്റ് (http://admissions.keralauniversity.ac.in) എന്ന വെബ്സൈറ്റിൽ നാളെ പ്രസിദ്ധീകരിക്കും. അപേക്ഷകർക്ക് ആപ്ലിക്കേഷൻ നന്പറും പാസ്വേർഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്റ് പരിശോധിക്കാം. കേന്ദ്രീകൃത അലോട്ട്മെന്റ് സംവിധാനത്തിലൂടെ ഇതു വരെയും ഒരു കോളജുകളിലും പ്രവേശനം ലഭിക്കാത്തതും എന്നാൽ ഈ അലോട്ട്മെന്റിൽ പുതുതായി അലോട്ട്മെന്റ് ലഭിക്കുകയും ചെയ്യുന്നവർ യൂണിവേഴ്സിറ്റി ഫീസ് ഓണ്ലൈൻ വഴിയോ ചലാൻ പ്രിന്റൗട്ട് എടുത്ത് എസ്ബിഐയുടെ ഏതെങ്കിലും ശാഖയിലോ അടയ്ക്കണം. യൂണിവേഴ്സിറ്റി ഫീസ് ജനറൽ വിഭാഗത്തിന് 1525 രൂപയും എസ്സി/എസ്ടി വിഭാഗത്തിന് 840 രൂപയുമാണ്. ഇപ്രകാരം യൂണിവേഴ്സിറ്റി ഫീസ് അടച്ചവർ ഫീസ് അടച്ചതിന്റെ വിവരം വെബ്സൈറ്റിൽ നൽകിയ ശേഷം അലോട്ട്മെന്റ് മെമ്മോ പ്രിന്റടുക്കേണ്ടതും മെമ്മോയിൽ പറഞ്ഞിരിക്കുന്ന കോളജിൽ പ്രവേശനം നേടണം.
മൂന്നാം ഘട്ട അലോട്ട്മെന്റിനു ശേഷം കോളജിൽ പ്രവേശനം നേടിയവർ തങ്ങളുടെ ഹയർ ഓപ്ഷനുകളിലേയ്ക്ക് നാലാം അലോട്ട്മെന്റ് പ്രകാരം അലോട്ട്മെന്റ് ലഭിച്ചാൽ വീണ്ടും ലോഗിൻ ചെയ്ത് അലോട്ട്മെന്റ് മെമ്മോ ഡൗണ്ലോഡ് ചെയ്യണം. അലോട്ട്മെന്റ് ലഭിച്ച കോളജ്, കോഴ്സ്, കാറ്റഗറി, അഡ്മിഷൻ തീയതി എന്നിവ അലോട്ട്മെന്റ് മെമ്മോയിൽ രേഖപ്പെടുത്തിയിരിക്കും. അങ്ങനെയുള്ളവർ നിർബന്ധമായും ഇപ്പോൾ പ്രവേശനം നേടിയിരിക്കുന്ന കോളജിൽ നിന്ന് ടിസി വാങ്ങി പുതുതായി അലോട്ട്മെന്റ് ലഭിച്ച കോളജുകളിൽ പ്രവേശനം നേടണം. ഇങ്ങനെയുള്ളവർ വീണ്ടും യൂണിവേഴ്സിറ്റി ഫീസ് അടയ്ക്കേണ്ടതില്ല.
അഞ്ചുമുതൽ ഏഴുവരെ തീയതികളിൽ കോളജുകളിൽ പ്രവേശനം നേടണം. യോഗ്യത തെളിയിക്കുന്ന സർട്ടിഫിക്കറ്റുകൾ (അസൽ) സഹിതം മെമ്മോയിൽ പറഞ്ഞിരിക്കുന്ന ദിവസം കോളജിൽ ഹാജരായി അഡ്മിഷൻ എടുക്കണം. അലോട്ട്മെന്റ് മെമ്മോയിൽ പറഞ്ഞിരിക്കുന്ന സമയത്ത് അതത് കോളജുകളിൽ അഡ്മിഷൻ എടുക്കാത്ത അപേക്ഷകരുടെ അലോട്ട്മെന്റ് റദ്ദാകുന്നതും അവരെ യാതൊരു കാരണവശാലും തുടർന്നുള്ള അലോട്ട്മെന്റുകളിലേക്ക് പരിഗണിക്കുന്നതല്ല.
പ്രവേശന സമയത്ത് ഹാജരാകാനുള്ള രേഖകൾ മുൻകൂട്ടി തയാറാക്കിവയ്ക്കണം. രേഖകൾ ഹാജരാക്കാൻ അധിക സമയം അനുവദിക്കുന്നതല്ല.
നാലാം ഘട്ട അലോട്ട്മെന്റ് പ്രകാരം ലഭിക്കുന്ന കോളജും,കോഴ്സും തൃപ്തികരമല്ലെങ്കിലും തുടർന്നുള്ള അലോട്ട്മെന്റുകളിൽ പരിഗണിക്കപ്പെടേണ്ടതിനായി അലോട്ട്മെന്റ് മെമ്മോയിൽ പറഞ്ഞിരിക്കുന്ന സമയത്ത് അലോട്ട്മെന്റ് ലഭിച്ച കോളജിൽ പ്രവേശനം തേടണം.
പിഎച്ച്ഡി രജിസ്ട്രേഷൻ ജൂലൈ 2018 സെഷൻ
ജൂലൈ 2018 സെഷൻ പിഎച്ച്ഡി രജിസ്ട്രേഷന് ഒഴിവുകളുളള വിഷയങ്ങളിൽ ഓണ്ലൈൻ അപേക്ഷകൾ ക്ഷണിക്കുന്നു. 2018 ജൂലൈ രണ്ടുമുതൽ 15 വരെ സർവകലാശാലയുടെ റിസർച്ച് പോർട്ടൽ വെബ്സൈറ്റിൽ (www.research.keralauniversity.ac.in) അപേക്ഷകൾ സമർപ്പിക്കാം. ടീച്ചിംഗ് ഡിപ്പാർട്ടുമെന്റുകൾ ഇല്ലാത്ത വിഷയങ്ങളിൽ അപേക്ഷിച്ചവർ ഓണ്ലൈൻ അപേക്ഷയുടെ പകർപ്പും അനുബന്ധ രേഖകളും 16ന് വൈകുന്നേരം അഞ്ചിനു മുൻപായി രജിസ്ട്രാർക്ക് സമർപ്പിക്കണം.
പരീക്ഷാഫലങ്ങൾ
മൂന്നാം സെമസ്റ്റർ ബിടെക് ഡിഗ്രി എക്സാമിനേഷൻ ജൂലൈ 2017, സപ്ലിമെന്ററി (2008 സ്കീം) പരീക്ഷാഫലം ജൂണ് 30 ന് പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി മാത്രം അപേക്ഷിക്കേണ്ട അവസാന തീയതി 18. കരട് മാർക്ക് ലിസ്റ്റ് വെബ്സൈറ്റിൽ.
2018 ഏപ്രിലിൽ നടത്തിയ ആറാം സെമസ്റ്റർ ബിഎസ്സി ബയോകെമിസ്ട്രി ആൻഡ് ഇൻഡസ്ട്രിയൽ മൈക്രോബയോളജി (2015 അഡ്മിഷൻ റെഗുലർ, 2014& 2013 അഡ്മിഷൻ സപ്ലിമെന്ററി) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായി അപേക്ഷിക്കേണ്ട അവസാന തീയതി 23.
2017 സെപ്റ്റംബറിൽ നടന്ന ഒന്നാം സെമസ്റ്റർ ബിടെക് പാർട്ട്ടൈം റീസ്ട്രക്ചേർഡ് (2008 സ്കീം), 2017 ഓഗസ്റ്റിൽ നടത്തിയ രണ്ടാം സെമസ്റ്റർ എംഎസ്സി മാത്തമാറ്റിക്സ്, 2017 ഓഗസ്റ്റിൽ നടന്ന രണ്ടാം സെമസ്റ്റർ എംഎ ഇക്കണോമിക്സ് എന്നിവയുടെ പരീക്ഷാഫലം വെബ്സൈറ്റിൽ.
2018 ഏപ്രിലിൽ നടത്തിയ സിഎസ്എസ് 20162018 ബാച്ച് പരീക്ഷകളുടെ ഫലങ്ങൾ
എംഎസ്സി ബയോടെക്നോളജി ഒന്നാം റാങ്ക് സ്മൃതി സനിൽ (രജി.നം.81416602010). എംഎസ്സി എൻവയോണ്മെന്റൽ സയൻസസ് ഒന്നാം റാങ്ക് ആർ.ലക്ഷ്മി (രജി.നം.82616610006). എംഎസ്സി സ്റ്റാറ്റിസ്റ്റിക്സ് ഒന്നാം റാങ്ക് അഞ്ജന ബെൻസ് (രജി.നം.84716615004). എംഎഡ് ഒന്നാം റാങ്ക് ഗീതു ദിനേശ് (രജി.നം.82516636007). എംഎൽഐസി ഒന്നാം റാങ്ക് എസ്.ബി. ഷിബിൻ (രജി.നം.83416638013). വിശദവിവരങ്ങൾ വെബ്സൈറ്റിൽ.
എംഎ എസ്എൽപി പരീക്ഷ
ഓഗസ്റ്റ് ഒന്നിന് ആരംഭിക്കുന്ന നാലാം സെമസ്റ്റർ എംഎ എസ്എൽപി (സിബിസിഎസ്എസ് സ്ട്രീം) ഡിഗ്രി പരീക്ഷയ്ക്ക് 11 വരെയും 50 രൂപ പിഴയോട് കൂടി 13 വരെയും 125 രൂപ പിഴയോടു കൂടി 16 വരെയും അപേക്ഷിക്കാം.
2018 ജൂലൈ മാസം വിദൂര വിദ്യാഭ്യാസ കേന്ദ്രം നടത്തുന്ന ഒന്നും രണ്ടും സെമസ്റ്റർ ബികോം ഡിഗ്രി, ബിഎ ഒന്നും രണ്ടും സെമസ്റ്റർ പരീക്ഷകൾക്ക് 10 വരെയും, 50 രൂപ പിഴയോടെ 13 വരെയും, 125 രൂപ പിഴയോടെ 17 വരെയും ഓണ്ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ബിടെക് 2008 സ്കീം ടൈംടേബിൾ
12ന് ആരംഭിക്കുന്ന ആറാം സെമസ്റ്റർ ബിടെക് 2008 സ്കീം ജൂലൈ/ഓഗസ്റ്റ് 2018 പരീക്ഷാ ടൈംടേബിൾ വെബ്സൈറ്റിൽ.
ഹാൾ ടിക്കറ്റ്
കാട്ടാക്കട, കണ്ടല പങ്കജകസ്തൂരി കോളജ് സെന്ററായി ആറ്, ഏഴ് സെമസ്റ്റർ 2008 സ്കീം ബിടെക് സപ്ലിമെന്ററി ജൂലൈ 2018 പരീക്ഷകൾ എഴുതേണ്ട വിദ്യാർഥികൾ നരുവാമൂട് ട്രിനിറ്റി എൻജിനിയറിംഗ് കോളജിൽ നിന്നും ഹാൾ ടിക്കറ്റ് കൈപ്പറ്റി അവിടെ തന്നെ പരീക്ഷ എഴുതണം.