ഒന്നാം വർഷ ബിരുദ പ്രവേശനത്തിനുള്ള നാലാം ഘട്ട അലോട്ട്മെന്റ് പ്രസിദ്ധപ്പെടുത്തി
201819 അധ്യയന വർഷത്തെ ഒന്നാം വർഷ ബിരുദ പ്രവേശനത്തിനുള്ള നാലാം ഘട്ട അലോട്ട്മെന്റ് പ്രസിദ്ധപ്പെടുത്തി. ഇന്നു മുതൽ ഏഴുവരെ വിദ്യാർഥികൾക്ക് കോളജിൽ പ്രവേശനം നേടാം. യോഗ്യത തെളിയിക്കുന്ന സർട്ടിഫിക്കറ്റുകൾ (അസൽ) സഹിതം അലോട്ട്മെന്റ് മെമ്മോയിൽ പറഞ്ഞിരിക്കുന്ന ദിവസം കോളജിൽ ഹാജരായി പ്രവേശനം നേടണം. അലോട്ട്മെന്റ് മെമ്മോയിൽ പറഞ്ഞിരിക്കുന്ന സമയത്ത് അതത് കോളജുകളിൽ അഡ്മിഷൻ എടുക്കാത്ത വിദ്യാർഥികളുടെ അലോട്ട്മെന്റ് റദ്ദാകും. അവരെ യാതൊരു കാരണവശാലും തുടർന്നുള്ള അലോട്ട്മെന്റുകളിലേയ്ക്ക് പരിഗണിക്കുന്നതുമല്ല.
ബിടെക് പരീക്ഷ ടൈംടേബിൾ
2018 ജൂലൈ/ഓഗസ്റ്റ് മാസത്തിൽ നടക്കുന്ന ആറാം സെമസ്റ്റർ റെഗുലർ ബിടെക് (2008 സ്കീം), പാർട്ട് ടൈം റീസ്ട്രക്ച്ചേർഡ് (2008 സ്കീം) ആറാം സെമസ്റ്റർ പരീക്ഷയുടേയും നാലാം സെമസ്റ്റർ പരീക്ഷയുടേയും ടൈംടേബിൾ വെബ്സൈറ്റിൽ.
ബിപിഎഡ് പരീക്ഷാഫലം
ഏപ്രിൽ 2018 ൽ നടത്തിയ ബാച്ചിലർ ഓഫ് ഫിസിക്കൽ എഡ്യൂക്കേഷൻ (ബിപിഎഡ്) സെമസ്റ്റർ രണ്ട് നാല്, മേയ് 2018ൽ നടത്തിയ സെമസ്റ്റർ ഏഴ് എന്നീ പരീക്ഷകളുടെ ഫലം വെബ്സൈറ്റിൽ.
2018 ജനുവരിയിൽ നടത്തിയ അഞ്ചാം സെമസ്റ്റർ ബിഎ എസ്എൽപി (സിബിസിഎസ് സ്ട്രീം), 2018 മാർച്ചിൽ നടത്തിയ അഞ്ചാം സെമസ്റ്റർ ബിഎ എസ്എൽപി (ഓൾഡ് സ്കീം) പരീക്ഷാഫലങ്ങൾ വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 17 വരെ അപേക്ഷിക്കാം.
ലൈബ്രറി ആൻഡ് ഇൻഫർമേഷൻ സയൻസ്
തുടർ വിദ്യാഭ്യാസ വ്യാപനകേന്ദ്രം പെരിങ്ങമ്മല ഇക്ബാൽ കോളജിൽ നടത്തുന്ന സർട്ടിഫിക്കറ്റ് ഇൻ ലൈബ്രറി ആൻഡ് ഇൻഫർമേഷൻ സയൻസ് കോഴ്സിന് അപേക്ഷ ക്ഷണിച്ചു. കോഴ്സ് കാലാവധി ആറുമാസം. യോഗ്യത: പ്ലസ്ടു/പ്രീഡ്രിഗ്രി, കോഴ്സ് ഫീസ് 7500/ രൂപ, അപേക്ഷാ ഫീസ് 110/ രൂപ. അപേക്ഷാ ഫോറം കോളജിലെ തുടർവിദ്യാഭ്യാസ യൂണിറ്റിൽ നിന്നും ലഭിക്കും. ഫോണ്: 9447582746, 04722845537
സന്പർക്ക ക്ലാസ്
വിദൂര വിദ്യാഭ്യാസ കേന്ദ്രത്തിലെ (തിരുവനന്തപുരം, കൊല്ലം) എംഎ, എംഎസ്സി, എംകോം സന്പർക്ക ക്ലാസുകൾ ഈ മാസം ഏഴ് , എട്ട് തീയതികളിൽ ഉണ്ടായിരിക്കില്ല.
അസൈൻമെന്‍റ് /കേസ് സ്റ്റഡി
വിദൂര വിദ്യാഭ്യാസ വിഭാഗം ബിഎ, ബിഎസ്‌സി, ബികോം രണ്ടാം സെമസ്റ്റർ അസൈൻമെന്‍റ്, കേസ് സ്റ്റഡി എന്നിവ സമർപ്പിക്കാൻ സാധിക്കാത്തവർ ഒന്പതിന് എസ്ഡിഇയിൽ എത്തിക്കണം. എംഎ, എംഎസ്സി, എംകോം ഒന്നും രണ്ടും സെമസ്റ്റർ അസൈൻമെന്‍റ്, കേസ് സ്റ്റഡി എന്നിവ ഓഗസ്റ്റ് 16, 17 തീയതികളിൽ എസ്ഡിഇയിൽ സമർപ്പിക്കണം.
സൂക്ഷ്മപരിശോധന
2017 ജൂലൈയിൽ നടന്ന രണ്ടാം സെമസ്റ്റർ ബികോം, സിബിസിഎസ്എസ് പരീക്ഷയുടെ സൂക്ഷ്മപരിശോധനയ്ക്കായി അപേക്ഷിച്ചിട്ടുളളവർ ഹാൾടിക്കറ്റും ഐഡി കാർഡുമായി നാളെ മുതൽ 18 വരെയുളള പ്രവൃത്തി ദിവസങ്ങളിൽ ഇജെ2 സെക്‌ഷനിൽ ഹാജരാകണം.
2018 മാർച്ചിൽ നടത്തിയ ഒൻപതാം സെമസ്റ്റർ ബിഎ, ബികോം, ബിബിഎ, എൽഎൽബി പരീക്ഷകളുടെ സൂക്ഷ്മപരിശോധനയ്ക്ക് അപേക്ഷിച്ചവർ തിരിച്ചറിയൽ രേഖയും ഹാൾടിക്കറ്റുമായി ഏഴുമുതൽ 16 വരെയുളള പ്രവർത്തി ദിവസങ്ങളിൽ ഇജെഒന്ന് സെക്‌ഷനിൽ എത്തിച്ചേരണം.
പ്രാക്ടിക്കൽ പരീക്ഷ
മാർച്ച് 2018ൽ നടന്ന മൂന്നാം സെമസ്റ്റർ എംഎസ്സി ബയോടെക്നോളജി യുടെ പ്രാക്ടിക്കൽ പരീക്ഷകൾ 17, 18, 19 തീയതികളിൽ അതതു കോളജുകളിൽ നടത്തും. വിശദവിവരങ്ങൾ വെബ്സൈറ്റിൽ.
പുനർമൂല്യനിർണയം
2017 ജൂലൈ മാസം പ്രസിദ്ധീകരിച്ച കരിയർ റിലേറ്റഡ് രണ്ടാം സെമസ്റ്റർ ഡിഗ്രി പരീക്ഷകളുടെ പുനർമൂല്യനിർണയത്തിനായി അപേക്ഷകൾ സമർപ്പിക്കേണ്ട തീയതി ഈ മാസം ആറിൽ നിന്നും ഓഗസ്റ്റ് ആറിലേക്ക് നീട്ടി.