ബിഎസ്സി സൈക്കോളജി പ്രായോഗിക പരീക്ഷകൾ
കണ്ണൂർ സർവകലാശാലയുടെ നാല്, രണ്ട് സെമസ്റ്റർ ബിഎസ്സി സൈക്കോളജി (സിബിസിഎസ്എസ് റഗുലർ/സപ്ലിമെന്ററി, സിസിഎസ്എസ് സപ്ലിമെന്ററി മേയ് 2018) ഡിഗ്രി പ്രായോഗിക പരീക്ഷകൾ23 മുതൽ വിവിധ കേന്ദ്രങ്ങളിൽ ആരംഭിക്കും. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.
നാല്, രണ്ട് സെമസ്റ്റർ ബിഎസ്സി ഹോം സയൻസ് (സിബിസിഎസ്എസ് റഗുലർ/സപ്ലിമെന്ററി, സിസിഎസ്എസ്സപ്ലിമെന്ററി മേയ്2018) ഡിഗ്രി പ്രായോഗിക പരീക്ഷകൾ യഥാക്രമം 23, 25 തീയതികളിൽ കൂത്തുപറന്പ് നിർമലഗിരി കോളജിൽ നടക്കും. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം.
ഒന്നാം സെമസ്റ്റർ എംഎ മ്യൂസിക് പരീക്ഷാഫലം
പഠനവകുപ്പുകളിലെ ഒന്നാം സെമസ്റ്റർ എംഎ മ്യൂസിക് (റഗുലർ/സപ്ലിമെന്ററിനവംബർ 2017) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/ സൂക്ഷ്മ പരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി ഈമാസം 30 ആണ്.
തുറന്ന സംവാദം 25ന്
ഫിസിക്കൽ എഡ്യൂക്കേഷനിൽ ഗവേഷണം നടത്തുന്ന എൻ.സി. ജെസി എന്ന വിദ്യാർഥിനി പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിന്മേലുള്ള തുറന്ന സംവാദം (ഓപ്പണ് ഡിഫൻസ്) 25 ന് രാവിലെ 11 ന് തലശേരി ബ്രണ്ണൻ ടീച്ചർ എഡ്യുക്കേഷൻ സെന്ററിൽ നടത്തും. പ്രസ്തുത പ്രബന്ധം സെമിനാറിന് മൂന്നു ദിവസം മുന്പുമുതൽ തലശേരി ബ്രണ്ണൻ ടീച്ചർ എഡ്യുക്കേഷൻ സെന്ററിന്റെ ലൈബ്രറിയിൽ പരിശോധനയ്ക്ക് ലഭ്യമായിരിക്കും.
എസ് സി/ എസ്ടി സ്പോട്ട് അഡ്മിഷൻ 21 ലേക്ക് മാറ്റി
കണ്ണൂർ സർവകലാശാലയിൽ 20ന് നടത്താൻ നിശ്ചയിച്ചിരുന്ന എസ്സി/എസ്ടി സ്പോട്ട് അഡ്മിഷൻ 21ലേക്ക് മാറ്റി. സ്പോട്ട് അഡ്മിഷനിൽ പങ്കെടുക്കാൻ താത്പര്യമുള്ള എസ്സി/എസ്ടി വിഭാഗത്തില്പ്പെട്ട വിദ്യാർഥികൾ 21ന് രാവിലെ 11 ന് മുമ്പായി കണ്ണൂർ സർവകലാശാലയുടെ താവക്കര കാമ്പസിൽ ആവശ്യമായ രേഖകൾ (യോഗ്യത തെളിയിക്കുന്ന സർട്ടിഫിക്കറ്റുകൾ, ജാതി തെളിയിക്കുന്ന സർട്ടിഫിക്കറ്റ്, നേറ്റിവിറ്റി സർട്ടിഫിക്കറ്റ്, എസ്എസ്എൽസി ബുക്ക് തുടങ്ങിയവയുടെ പകർപ്പുകൾ) സഹിതം ഹാജരാകണം. 11 ന് ശേഷം ഹാജരാകുന്നവരെ ഒരുകാരണവശാലും സ്പോട്ട് അഡ്മിഷനിൽ പരിഗണിക്കുന്നതല്ല. ഇതുവരെ ഓണ്ലൈൻ രജിസ്റ്റർ ചെയ്യാത്തവർക്ക് 20 വരെ ഓണ്ലൈനായി രജിസ്റ്റർ ചെയ്യാം. ഓണ്ലൈനായി രജിസ്റ്റർ ചെയ്യാത്തവരെ ഒരുകാരണവശാലും സ്പോട്ട് അഡ്മിഷനിൽ പങ്കെടുപ്പിക്കുന്നതല്ല. ഇതിനുമുന്പ് പ്രവേശനം നേടിയവർക്കും സ്പോട്ട് അഡ്മിഷനിൽ പങ്കെടുക്കാം. സ്പോട്ട് അഡ്മിഷനിൽ സീറ്റ് ലഭിക്കുകയാണെങ്കിൽ ഇതിനുമുന്പ് പ്രവേശനം നേടിയ കോളജിൽനിന്ന് നിർബന്ധമായും ടിസി വാങ്ങി പുതിയ കോളജിൽ ചേരണം.
പിജി സയൻസ് ട്രയൽ റാങ്ക് ലിസ്റ്റ്
201819 അധ്യയനവർഷത്തെ ബിരുദ ബിരുദാനന്തര പ്രോഗ്രാമുകളിലേക്കുള്ള സയന്സ് വിഷയങ്ങളുടെ ട്രയൽ റാങ്ക് ലിസ്റ്റ് പ്രസിദ്ധീകരിച്ചു. ഫിസിക്സ്, സുവോളജി, കെമിസ്ട്രി, സ്റ്റാറ്റിസ്റ്റിക്സ്, മാത്തമാറ്റിക്സ്, മൈക്രോ ബയോളജി, ബയോടെക്നോളജി, ബോട്ടണി, കംപ്യൂട്ടർ സയന്സ്, ഇലക്ട്രോണിക്സ്, ജ്യോഗ്രഫി എന്നീ വിഷയങ്ങളുടെ റാങ്ക് ലിസ്റ്റാണ് പ്രസിദ്ധീകരിച്ചിട്ടുള്ളത്. ട്രയൽ റാങ്ക് ലിസ്റ്റ് പരിശോധിച്ചു. ആക്ഷേപമുള്ളവർ 20ന് വൈകുന്നേരം അഞ്ചിന് മുന്പായി സർവകലാശാലയുമായി ബന്ധപ്പെടണം.