പാർട്ട് ഒന്ന്, രണ്ട് , മൂന്ന് ഡിഗ്രി പരീക്ഷാഫലം
കണ്ണൂർ സർവകലാശാലയുടെ പാർട്ട് ഒന്ന്, രണ്ട് , മൂന്ന് ഡിഗ്രി ബിഎ/ബിഎസ്സി/ബികോം/ബിബിഎ/ ബിബിഎം/ബിസിഎ/ബിഎസ്സി സബ്സിഡിയറീസ് മാർച്ച് 2017 (മേഴ്സി ചാൻസ്) റഗുലർ ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. മാർക്ക് ലിസ്റ്റ് വിതരണം, പുനഃപരിശോധന, സൂക്ഷ്മ പരിശോധന എന്നിവയ്ക്കുള്ള തീയതികൾ പിന്നീട് അറിയിക്കും.
എംഎസ്സി ഇലക്ട്രോണിക്സ് പ്രായോഗിക പരീക്ഷകൾ
രണ്ടും നാലും സെമസ്റ്റർ എംഎസ്സി ഇലക്ട്രോണിക്സ് (റഗുലർ/ സപ്ലിമെന്ററി മാർച്ച് 2018) ഡിഗ്രിയുടെ പ്രായോഗിക പരീക്ഷകൾ/പ്രോജക്ട് മൂല്യനിർണയം/വാചാപരീക്ഷ 25 മുതൽ വിവിധ കേന്ദ്രങ്ങളിൽ ആരംഭിക്കും. രജിസ്റ്റർ ചെയ്ത വിദ്യാർഥികൾ കോളജുമായി ബന്ധപ്പെടണം.
എംഎസ്സി മാത്തമാറ്റിക്സ് (പഠനവകുപ്പ്) പരീക്ഷാഫലം
ഒന്നാം സെമസ്റ്റർ എംഎസ്സി മാത്തമാറ്റിക്സ് (പഠനവകുപ്പ്സിസിഎസ്എസ്റഗുലർ/സപ്ലിമെന്ററിനവംബർ 2017) ഡിഗ്രി പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധന/സൂക്ഷ്മപരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി ഓഗസ്റ്റ് രണ്ട്.
എസ്സി/എസ്ടി സ്പോട്ട് അഡ്മിഷൻ ഇന്ന്
കണ്ണൂർ സർവകലാശാല ഡിഗ്രി പ്രവേശനത്തിനുള്ള എസ്സി/എസ്ടി സ്പോട്ട് അഡ്മിഷൻ ഇന്ന് സർവകലാശാലയുടെ താവക്കര കാന്പസിൽ നടക്കും. സ്പോട്ട് അഡ്മിഷനിൽ പങ്കെടുക്കാൻ താത്പര്യമുള്ള എസ്സി/എസ്ടി വിഭാഗത്തിൽപ്പെട്ട വിദ്യാർഥികൾ ഇന്നു രാവിലെ 11ന് മുന്പായി താവക്കര കാന്പസിൽ ആവശ്യമായ രേഖകൾ (യോഗ്യത തെളിയിക്കുന്ന സർട്ടിഫിക്കറ്റുകൾ, ജാതി തെളിയിക്കുന്ന സർട്ടിഫിക്കറ്റ്, നേറ്റിവിറ്റി സർട്ടിഫിക്കറ്റ്, എസ്എസ്എൽസി ബുക്ക് തുടങ്ങിയവയുടെ പകർപ്പുകൾ) സഹിതം ഹാജരാകണം. 11ന് ശേഷം ഹാജരാകുന്നവരെ ഒരുകാരണവശാലും സ്പോട്ട് അഡ്മിഷനിൽ പരിഗണിക്കുന്നതല്ല. ഓൺലൈനായി രജിസ്റ്റർ ചെയ്യാത്തവരും പങ്കെടുക്കേണ്ടതില്ല. ഇതിനുമുന്പ് പ്രവേശനം നേടിയവർക്കും സ്പോട്ട് അഡ്മിഷനിൽ പങ്കെടുക്കാം. സ്പോട്ട് അഡ്മിഷനിൽ സീറ്റ് ലഭിക്കുകയാണെങ്കിൽ ഇതിനുമുന്പ് പ്രവേശനം നേടിയ കോളജിൽനിന്ന് നിർബന്ധമായും ടിസി വാങ്ങി പുതിയ കോളജിൽ ചേരണം.