ഒന്നാം സെമസ്റ്റർ മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ ഫലം പ്രസിദ്ധീകരിച്ചു
മാർച്ച് മാസത്തിൽ നടത്തിയ ഒന്നാം സെമസ്റ്റർ മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ (സപ്ലിമെന്ററി), മാസ്റ്റർ ഓഫ് പബ്ലിക് ഹെൽത്ത് (സപ്ലിമെന്ററി) പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്ക് ഓഗസ്റ്റ് രണ്ടു വരെ അപേക്ഷിക്കാം.
2017 ഏപ്രിൽ മാസത്തിൽ നടത്തിയ ഒന്നാം സെമസ്റ്റർ ബിഎൽഐഎസ്സി(2016 അഡ്മിഷൻ ഡിപ്പാർട്ട്മെന്റ് മാത്രം) പരീക്ഷയുടെ പുതുക്കിയ പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 31 വരെ അപേക്ഷിക്കാം.
2017 ഡിസംബർ മാസത്തിൽ നടത്തിയ മൂന്നാം സെമസ്റ്റർ എംകോം (പിജി സിഎസ്എസ് റെഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓഗസ്റ്റ് ഒന്നു വരെ അപേക്ഷിക്കാം.
പ്രാക്ടിക്കൽ
നാലാം സെമസ്റ്റർ എംഎസ്സി മൈക്രോബയോളജി (സിഎസ്എസ് 2016 അഡ്മിഷൻ റെഗുലർ/2013, 2014 ആൻഡ് 2015 അഡ്മിഷൻ സപ്ലിമെന്ററി/മേഴ്സി ചാൻസ്) മേയ്/ജൂണ് 2018 പരീക്ഷയുടെ പ്രാക്ടിക്കൽ/വൈവാവോസി/പ്രോജക്ട് 24 മുതൽ വിവിധ കേന്ദ്രങ്ങളിൽ നടത്തും. ടൈംടേബിൾ വെബ്സൈറ്റിൽ.
സംവരണ സീറ്റൊഴിവ്
സ്കൂൾ ഓഫ് കംപ്യൂട്ടർ സയൻസസിൽ എംഎസ്സി കന്പ്യൂട്ടർ സയൻസ് കോഴ്സിൽ എസ്സി/എസ്ടി സംവരണ വിഭാഗത്തിൽ സീറ്റുകൾ ഒഴിവുണ്ട്. എംജി സർവകലാശാല അംഗീകരിച്ചിട്ടുള്ള ബിഎസ്സി കന്പ്യൂട്ടർ സയൻസ്/കന്പ്യൂട്ടർ ആപ്ലിക്കേഷൻ, ബിസിഎ അല്ലെങ്കിൽ കന്പ്യൂട്ടർ സയൻസ് മുഖ്യവിഷയമായുള്ള ബിരുദമാണ് യോഗ്യത. 25ന് രാവിലെ 10ന് ഹാജരാകണം. ഫോണ്: 0481 2731037.
...