യുജി സ്പോട്ട് അഡ്മിഷന് റാങ്ക് ലിസ്റ്റ് പ്രസിദ്ധീകരിച്ചു
കഴിഞ്ഞ 24ന് കോളജുകളിൽ സ്പോട്ട് അഡ്മിഷന് പങ്കെടുത്ത വിദ്യാർഥികളുടെ റാങ്ക് ലിസ്റ്റ് വെബ് സൈറ്റിൽ പ്രസിദ്ധീകരിച്ചിട്ടുണ്ട്. പ്രസ്തുത റാങ്ക് ലിസ്റ്റ് പരിശോധിച്ച് വിദ്യാർഥികള്‍ തങ്ങള്‍ക്ക് പ്രവേശനം കിട്ടാൻ സാധ്യതയുള്ള കോളജുകളിൽ ഇന്ന് ഉച്ചയ്ക്ക് ഒന്നിന് മുന്പായി കോളജുകളിൽ ഹാജരാകണം. ആവശ്യമെങ്കില്‍ പ്രതിനിധിയെ അയയ്ക്കാവുന്നതാണ്.
പിജി പ്രവേശനം
അധ്യയനവർഷത്തെ പിജി പ്രവേശനത്തിന് ഓണ്‍ലൈൻ രജിസ്റ്റർ ചെയ്തവരുടെ റാങ്ക് ലിസ്റ്റ് താഴെ കൊടുത്തിരിക്കുന്ന പ്രകാരം വെബ്സൈറ്റിൽ പ്രസിദ്ധീകരിക്കും.
എംഎസ്‌സി ഇന്നു വൈകുന്നേരം അഞ്ചിന്
എംഎ ഇന്നു വൈകുന്നേരം അഞ്ചിന്
എംകോം ഇന്നു വൈകുന്നേരം അഞ്ചിന്
എംഎസ്‌സി പ്രോഗ്രാമിന്‍റെ അഡ്മിഷൻ 28നും എംഎ പ്രോഗ്രാമിന്‍റെ അഡ്മിഷൻ 30നും എംകോം പ്രോഗ്രാമിന്‍റെ അഡ്മിഷൻ 31നും കോളജുകളില്‍ നടത്തും. റാങ്ക് ലിസ്റ്റിൽ ഉള്‍പ്പെട്ട വിദ്യാർഥികൾ (അല്ലെങ്കില്‍ പകരം നിയോഗിക്കുന്നവർ) രാവിലെ 11 ന് മുന്പ് കോളജിൽ ഹാജരാകണം.
ബിഎ എൽഎൽബി പരീക്ഷാഫലം
കണ്ണൂർ സർവകലാശാലയുടെ മൂന്നാം സെമസ്റ്റർ ബിഎ എൽഎൽബി (റഗുലർ/സപ്ലിമെന്‍ററി), നവംബർ 2016 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനഃപരിശോധനയ്ക്കും സൂക്ഷ്മ പരിശോധനയ്ക്കുമുള്ള അപേക്ഷകൾ ഓഗസ്റ്റ് ആറിന് വരെ സ്വീകരിക്കും.
നാലാം സെമസ്റ്റർ ബിഎഡ് പരീക്ഷാഫലം
കണ്ണൂർ സർവകലാശാലയുടെ 2018 എപ്രിൽ മാസത്തിൽ നടത്തിയ നാലാം സെമസ്റ്റർ ബിഎഡ് (റഗുലർ/സപ്ലിമെന്‍ററി/ഇംപ്രൂവ്മെന്‍റ്) പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർ മൂല്യനിർണയ അപേക്ഷ സർവകലാശാലയിൽ സ്വീകരിക്കുന്ന അവസാന തീയതി ഓഗസ്റ്റ് ആറാണ്.
തുറന്ന സംവാദം 28ന്
കന്നഡയിൽ ഗവേഷണം നടത്തുന്ന ബി.എം. ബാലകൃഷ്ണ എന്ന വിദ്യാർഥി തന്‍റെ പിഎച്ച്ഡി ബിരുദത്തിനായി സമർപ്പിച്ച പ്രബന്ധത്തിൻമേലുള്ള തുറന്ന സംവാദം (ഓപ്പണ്‍ ഡിഫൻസ്) 28ന് രാവിലെ 11 ന് കാസർഗോഡ് ഗവ:കോളജിലെ പിജി സ്റ്റഡീസ് ആൻഡ് റിസർച്ച് ഇൻ കന്നഡ വിഭാഗത്തിൽ നടക്കും. പ്രസ്തുത പ്രബന്ധം സെമിനാറിന് മൂന്നു ദിവസം മുന്പു മുതൽ പിജി സ്റ്റഡീസ് ആൻഡ് റിസർച്ച് ഇൻ കന്നഡ വിഭാഗം ലൈബ്രറിയിൽ പരിശോധനയ്ക്ക് ലഭ്യമായിരിക്കും.