സയൻസ് ഒഴികെയുള്ള വിഷയങ്ങളുടെ പിജി പ്രവേശനം നാളെ
സയൻസ് ഒഴികെയുള്ള വിഷയങ്ങളുടെ പ്രവേശനം നാളെ അതത് കോളജിൽ വച്ച് നടത്തും. റാങ്ക് ലിസ്റ്റിൽ ഉൾപ്പെട്ടവർ നാളെ രാവിലെ 11 നകം അതത് കോളജിൽ ആവശ്യമായ രേഖകൾ സഹിതം ഹാജരാകണം. ആവശ്യമെങ്കിൽ പ്രതിനിധിയെ അയയ്ക്കാം. രാവിലെ 11 നകം ഹാജരാകാത്തവരെ റാങ്ക് ലിസ്റ്റിൽ നിന്ന് നീക്കം ചെയ്യുന്നതാണ്.
പരീക്ഷാഫലം
കണ്ണൂർ സർവകലാശാലയുടെ, ഒന്നാം സെമസ്റ്റർ എംഎസ്സി മാത്തമാറ്റിക്സ്, ഫിസിക്സ്, കെമിസ്ട്രി, സുവോളജി, ബോട്ടണി, സ്റ്റാറ്റിസ്റ്റിക്സ്, മൈക്രോബയോളജി, ബയോടെക്നോളജി, കംപ്യൂട്ടർ സയൻസ്, ഇലക്ട്രോണിക്സ്, ജിയോളജി, കൗണ്സിലിംഗ് സൈക്കോളജി (റഗുലർ/സപ്ലിമെന്ററി/ഇം പ്രൂവ്മെന്റ്) ഒക്ടോബർ 2017 പരീക്ഷാഫലം പ്രസിദ്ധീകരിച്ചു. ഫലം സർവകലാശാല വെബ്സൈറ്റിൽ ലഭ്യമാണ്. പുനർമൂല്യനിർണയം/ സൂക്ഷ്മപരിശോധന/ ഫോട്ടോകോപ്പി എന്നിവയ്ക്കുള്ള അപേക്ഷകൾ 10 വരെ സ്വീകരിക്കും. ഗ്രേഡ്കാർഡുകൾ അതത് കോളജുകൾ മുഖാന്തിരം പിന്നീട് വിതരണം ചെയ്യും.
സിറ്റിംഗ് നാളെ
കണ്ണൂർ: കണ്ണൂർ സർവകലാശാലയിലെ ഗവേഷകർ നേരിടുന്ന പ്രശ്നങ്ങൾ പഠിക്കുന്നതിനായി കേരള സ്റ്റേറ്റ് ഹയർ എഡ്യുക്കേഷൻ കൗണ്സിൽ നിയമിച്ച കമ്മിറ്റിയുടെ സിറ്റിംഗ് നാളെ രാവിലെ 10 മുതൽ ഒന്നു വരെ മാങ്ങാട്ടുപറന്പ് കാന്പസിലെ സെമിനാർ ഹാളിൽ നടക്കും. 10 മുതൽ 11.30 വരെ ഗവേഷകരുമായും 11.30 മുതൽ ഒന്നു വരെ സൂപ്പർവൈസിംഗ് ടീച്ചേഴ്സുമായും ഗൈഡ്മാരുമായിട്ടായിരിക്കും കമ്മിറ്റി കൂടിക്കാഴ്ച നടത്തുക.