ഡിഗ്രി സ്പോട്ട് അഡ്മിഷന് നാളെ
കണ്ണൂർ സർവകലാശാലയുടെ കീഴിലുള്ള ഗവ./എയ്ഡഡ് കോളജുകളില് താഴെ പറയുന്ന ഡിഗ്രി കോഴ്സുകളില് നിലവിൽ ഒഴിവുള്ള സീറ്റുകളിലേക്ക് നാളെ താവക്കരയിലെ സർവകലാശാലാ കാമ്പസില് സ്പോട്ട് അഡ്മിഷൻ നടത്തും. കഴിഞ്ഞ 24ന് പ്രസിദ്ധീകരിച്ച സ്പോട്ട് അഡ്മിഷൻ റാങ്ക് ലിസ്റ്റിൽ ഉൾപ്പെട്ട നിലവിൽ മറ്റു കോളജുകളിൽ പ്രവേശനം ലഭിക്കാത്ത വിദ്യാർഥികളെ മാത്രമേ സ്പോട്ട് അഡ്മിഷനിൽ പരിഗണിക്കുകയുള്ളൂ. ഓണ്ലൈൻ രജിസ്റ്റർ ചെയ്തവരുടെ അഭാവത്തിൽ രജിസ്റ്റർ ചെയ്യാത്തവരെയും പരിഗണിക്കും. കോളജ്/കോഴ്സ് മാറ്റം സ്പോട്ട് അഡ്മിഷനിലൂടെ ലഭ്യമല്ല. താത്പര്യമുള്ളവർ ഓണ്ലൈൻ അപേക്ഷയുടെ പ്രിന്റ് ഔട്ട്, യോഗ്യതയും സംവരണവും തെളിയിക്കുന്നതിനുള്ള രേഖകൾ, ടിസി എന്നിവയുടെ അസല് സർട്ടിഫിക്കറ്റുകൾ സഹിതം താവക്കര കാമ്പസിലെ ചെറുശേരി ഓഡിറ്റോറിയത്തിൽ നാളെ രാവിലെ 11 നകം എത്തണം. 11 ന് ശേഷം വരുന്നവരെ ഒരുകാരണവശാലും പരിഗണിക്കുന്നതല്ല. ഒഴിവുകള് ഗവ.ബ്രണ്ണന് കോളജ് തലശേരി (ChemistryOBH1,Ezhava1; EconomicsULM1; MathematicsSC2,ST2,Others1, Mathematics(Hons)SC4,ST1,Others3;BotanyGen1;BBAULM1 Gen 1), ഗവ.കോളജ് തലശേരി ( BCA2 BA History 1); ഗവ.കോളജ് മാനന്തവാടി (B.A. English2); ബജ മോഡൽ കോളജ് (എയ്ഡഡ്)(B.Com18, BA English4; BA Economics15); എസ്ഇഎസ് കോളജ്(ChemistrySC1,MathsSC1); മേരി മാതാ കോളജ്, മാനന്തവാടി (Computer Science1)സർ സയ്യിദ് കോളജ് (Functional EnglishSC1) പയ്യന്നൂർ കോളജ് (Chemistry 1) നിർമലഗിരി കോളജ് (English1, Chemistry 1 , BComFinance 1). മേല്പ്പറഞ്ഞ കോളജുകളിൽ അർഹരായവർക്കു ഫീസ് ആനുകൂല്യം ലഭിക്കുന്നതാണ്. പടന്ന ഷറഫ് ആർട്സ് ആൻഡ് സയന്സ് കോളജിൽ ഒഴിവുള്ള ബിരുദ സീറ്റുകളിൽ പ്രവേശനം ലഭിക്കേണ്ടവർ ഈ സ്പോട്ട് അഡ്മിഷനിൽ പങ്കെടുക്കണം. സ്വാശ്രയ കോളജുകളിലും ഐഎച്ച്ആർഡി കോളജുകളിലും ഒഴിവുള്ള സീറ്റുകളിലേക്ക് എട്ടുവരെ അതത് കോളജുകളിൽ പ്രവേശനം ലഭ്യമാണ്.
പിജി ക്ലാസുകൾ നാളെമുതൽ
കണ്ണൂർ സർവകലാശാലയുടെ കീഴിലുള്ള ആർട്സ് ആൻഡ് സയൻസ് കോളജുകളിലേക്കുള്ള 201819 അധ്യയനവർഷത്തെ ബിരുദാനന്തര ബിരുദ ക്ലാസുകൾ നാളെ ആരംഭിക്കും.
പ്രായോഗിക പരീക്ഷ/വൈവ വോസി
കണ്ണൂർ സർവകലാശാലയുടെ പാർട്ട് രണ്ട് നാലാം സെമസ്റ്റർ എംഎസ്സി മെഡിക്കൽ ബയോകെമിസ്ട്രി/മൈക്രോബയോളജി ഡിഗ്രി (റെഗുലർ/സപ്ലിമെന്ററി സെപ്റ്റംബർ 2017) യുടെ പ്രായോഗിക പരീക്ഷകൾ/വൈവ വോസി 8, 9, 10, 13 തീയതികളിൽ പാലയാട് സ്കൂൾ ഓഫ് ഹെൽത്ത് സയൻസസിൽ നടക്കും. രജിസ്റ്റർ ചെയ്ത വിദ്യാർഥികൾ ഡിപ്പാർട്ട്മെന്റുമായി ബന്ധപ്പെടണം.
പ്രായോഗിക പരീക്ഷ
രണ്ടാം സെമസ്റ്റർ എംഎസ്സി ഫിസിക്സ് ഡിഗ്രി (സിസിഎസ്എസ് റഗുലർ/സപ്ലിമെന്ററി), മേയ് 2018, പ്രായോഗിക പരീക്ഷ 6, 7 തീയതികളിൽ ഡിപ്പാർട്ട്മെന്റ് ഓഫ് ഫിസിക്സ്, പയ്യന്നൂർ കാന്പസിൽ നടക്കും. രജിസ്റ്റർ ചെയ്ത വിദ്യാർഥികൾ പഠനവകുപ്പുമായി ബന്ധപ്പെടണം.