ക്യാറ്റ് എംജിയു - എംഎഡ് പ്രവേശനത്തിനുള്ള റാങ്ക് ലിസ്റ്റും കൗണ്സലിംഗ് ഷെഡ്യൂളും പ്രസിദ്ധീകരിച്ചു
സ്കൂൾ ഓഫ് പെഡഗോഗിക്കൽ സയൻസസിലെ എംഎഡ് പ്രവേശനത്തിനുള്ള റാങ്ക് ലിസ്റ്റ് പ്രസിദ്ധീകരിച്ചു. റാങ്ക് ലിസ്റ്റിൽ ഉൾപ്പെട്ടവർക്കുള്ള കൗണ്സലിംഗ് സർവകലാശാലാ ആസ്ഥാനത്തുള്ള ക്യാപ് സെല്ലിൽ 13ന് നടത്തും. ഷെഡ്യൂളും നിർദ്ദേശങ്ങളും വെബ്സൈറ്റിൽ. ഫോൺ: 9495849770.
എൽഎൽബി പരീക്ഷാ പേപ്പറിൽ മാറ്റം
സെപ്റ്റംബർ അഞ്ചിനു നടത്താൻ നിശ്ചയിച്ചിരുന്ന പഞ്ചവത്സര ഇന്റഗ്രേറ്റഡ് ഡബിൾ ഡിഗ്രി ബിഎ എൽഎൽബി (ഓണേഴ്സ്) 2016 അഡ്മിഷൻ മുതൽ (റെഗുലർ, സപ്ലിമെന്ററി) പരീക്ഷയുടെ എഫ്എൽ 2 ലീഗൽ ആൻഡ് കോണ്സ്റ്റിറ്റ്യൂഷണൽ ഹിസ്റ്ററി ഓഫ് ഇന്ത്യ (ഓണേഴ്സ്) എന്ന പേപ്പറിന് പകരം എഫ്എൽ 2 ലീഗൽ ആൻഡ കോണ്സ്റ്റിറ്റ്യൂഷണൽ ഹിസ്റ്ററി ഓഫ് ഇന്ത്യ എന്ന പേപ്പറിന്റെ പരീക്ഷ നടക്കും.
പരീക്ഷാ തീയതി
ആറാം സെമസ്റ്റർ സിബിസിഎസ്എസ് (റീഅപ്പിയറൻസ് 2013ന് മുന്പുള്ള അഡ്മിഷൻ) ഓഗസ്റ്റ്, സെപ്റ്റംബർ 2018 (അഫിലിയേറ്റഡ് കോളജ് മാത്രം) പരീക്ഷകൾ ഓഗസ്റ്റ് 30 മുതൽ തുടങ്ങും. ടൈംടേബിൾ വെബ്സൈറ്റിൽ.
നാലാം സെമസ്റ്റർ സിബിസിഎസ്എസ് (റീ അപ്പിയറൻസ് 2013ന് മുന്പുള്ള അഡ്മിഷൻ, മേഴ്സി ചാൻസ്) (അഫിലിയേറ്റഡ് കോളജ് മാത്രം) പരീക്ഷ ഓഗസ്റ്റ് 31ന് ആരംഭിക്കും. ടൈംടേബിൾ വെബ്സൈറ്റിൽ.
പ്രാക്ടിക്കൽ
രണ്ടാം സെമസ്റ്റർ ഇന്റഗ്രേറ്റഡ് എംസിഎ (റെഗുലർ), ഡിഡിഎംസിഎ (സപ്ലിമെന്ററി) ജൂലൈ 2018 പരീക്ഷയുടെ പ്രാക്ടിക്കൽ ഓഗസ്റ്റ് ഒന്പതു മുതൽ 14 വരെ വിവിധ കേന്ദ്രങ്ങളിൽ നടക്കും. വിശദവിവരം വെബ്സൈറ്റിൽ.
അഞ്ചാം സെമസ്റ്റർ ബികോം (സിബിസിഎസ്എസ് 2013ന് മുന്പുള്ള അഡ്മിഷൻ) (സപ്ലിമെന്ററി, ഇംപ്രൂവ്മെന്റ്, മേഴ്സി ചാൻസ്) പരീക്ഷയുടെ പ്രാക്ടിക്കൽ് ഒന്പതിന് അതാത് കേന്ദ്രങ്ങളിൽ നടത്തും. ടൈംടേബിൾ വെബ്സൈറ്റിൽ.
സംവരണ സീറ്റൊഴിവ്
സ്കൂൾ ഓഫ് കെമിക്കൽ സയൻസസിൽ 2018 എംഎസ്സി കെമിസ്ട്രി പ്രവേശനത്തിന് പട്ടികജാതി വിഭാഗത്തിൽപ്പെട്ട മൂന്ന് സീറ്റുകൾ ഒഴിവുണ്ട്. 0481 2731036.
സ്കൂൾ ഓഫ് ബയോസയൻസസ് ഡിപ്പാർട്ട്മെന്റിൽ ബയോകെമിസ്ട്രി, മൈക്രോബയോളജി എന്നീ പ്രോഗ്രാമുകളിൽ പട്ടിക വർഗ (എസ്ടി) വിഭാഗത്തിൽ ഓരോ ഒഴിവു വീതമുണ്ട്. അസൽ സർട്ടിഫിക്കറ്റുകളുമായി ഒന്പതിന് 10നു സ്കൂൾ ഓഫ് ബയോസയൻസസിൽ ഹാജരാക്കണം.
സെക്രട്ടേറിയറ്റ് അസിസ്റ്റന്റ്
കേരള പബ്ലിക് സർവീസ് കമ്മീഷൻ നടത്തുന്ന സെക്രട്ടേറിയറ്റ് അസിസ്റ്റന്റ് മത്സര പരീക്ഷയ്ക്കുള്ള പരിശീലനം എംജി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ. 0481 2731025.
സെനറ്റ് യോഗം മാറ്റിവച്ചു
ഇന്നു രാവിലെ 10നു നടത്താൻ നിശ്ചയിച്ചിരുന്ന എംജി സെനറ്റിന്റെ പ്രത്യേക യോഗം മാറ്റിവച്ചു.
ഒാണാവധി
കോളജുകൾക്ക് 18 മുതൽ 27 വരെ ഓണാവധി ആയിരിക്കും. അയ്യൻകാളി ജയന്തി പ്രമാണിച്ച് 28ന് പൊതു അവധി.
29 മുതൽ കോളജുകൾ തുറക്കും.
ബിപിഎഡ്, ബിഎൽഐഎസ്സി: ട്രയൽ അലോട്ട്മെന്റ്
സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിലെ ഏകജാലകം വഴിയുള്ള ഒന്നാം വർഷ ബിപിഎഡ്, ബിഎൽഐസി കോഴ്സുകളിലേക്കുള്ള ട്രയൽ അലോട്മെന്റ്റ്റ് പ്രസിദ്ധീകരിച്ചു. ഓപ്ഷനുകൾ ഇന്നു വൈകുന്നേരം അഞ്ചു വരെ പുനഃക്രമികരിക്കാം.
പിജി ഏകജാലക പ്രവേശനം: പട്ടികജാതി, പട്ടിക വർഗ വിഭാഗത്തിൽപെട്ടവർക്കായുള്ള പ്രത്യേക അലോട്ട്മെന്റ്: എസ്സി എസ്ടി, സ്പെഷൽ അലോട്ട്മെന്റ്10നു പ്രസിദ്ധീകരിക്കും.