ഓഗസ്റ്റ് 10ന് മാറ്റിവച്ച പരീക്ഷകൾ 31ന്
ഓഗസ്റ്റ് 10ന് നടത്താതെ മാറ്റിവച്ച നാലാം സെമസ്റ്റർ എംബിഎ പേപ്പർ: എംബിഎ 4ഇ16 മെർജെർസ്, അക്വിസിഷൻ ആൻഡ് കോർപറേറ്റ് റെസ്റ്ററക്ടിംഗ്, ഒന്നാം വർഷ എംഎസ്സി മാത്തമാറ്റിക്സ് (വിദൂരവിദ്യാഭ്യാസം) പേപ്പർ2: ഓൾജിബ്ര2, ഒന്നാംവർഷ എംകോം (വിദൂരവിദ്യാഭ്യാസം) പേപ്പർ2: ക്വാണ്ടിറ്റീവ് ടെക്നിക്സ്, ഒന്നും രണ്ടും സെമസ്റ്റർ (കന്പയിൻഡ്) ബിടെക് (സപ്ലിമെന്ററി) പേപ്പർ: പിടി 2കെ6/2കെ6ഇഎൻ 107ബേസിക് മെക്കാനിക്കൽ എൻജിനിയറിംഗ് എന്നീ പരീക്ഷകൾ ഈമാസം 31ന് നടത്തുന്ന രീതിയിൽ പുനഃക്രമീകരിച്ചു.
പുതുക്കിയ പരീക്ഷാ തീയതികള്
ഏഴിന് നടത്താതെ മാറ്റിവച്ച ഒന്നാം വര്ഷ എംഎ വിദൂര വിദ്യാഭ്യാസം പരീക്ഷകള്, രണ്ടാം സെമസ്റ്റര് എംബിഎ(കോളജുകള്/സെന്റർ) പരീക്ഷകള് 29 നും ഒൻപതിന് നടത്താതെ മാറ്റിവച്ച ഒന്നാം വര്ഷ എംഎ വിദൂരവിദ്യാഭ്യാസം, രണ്ടാം സെമസ്റ്റര് എംബിഎ (കോളജുകള്/സെന്റര്) പരീക്ഷകള് 30 നും നടത്തുന്ന രീതിയില് പുനഃക്രമീകരിച്ചു. പരീക്ഷാസമയത്തില് മാറ്റമില്ല.
എംബിഎ ഡിഗ്രി പ്രോജക്ട് മൂല്യനിര്ണയം/വാചാ പരീക്ഷ
നാലാം സെമസ്റ്റര് എംബിഎ ഡിഗ്രി (റഗുലര് ജൂലൈ 2018) യുടെ പ്രോജക്ട് മൂല്യനിര്ണയം/വാചാ പരീക്ഷ സെപ്റ്റംബര് മൂന്നു മുതല് മാങ്ങാട്ടുപറമ്പ് സര്വകലാശാല കാമ്പസില് നടത്തും. വിശദമായ ടൈംടേബിള് യൂണിവേഴ്സിറ്റി വെബ്സൈറ്റില് ലഭ്യമാണ്.
നാലാം സെമസ്റ്റര് ബിഎസ്സി/ബിസിഎ പരീക്ഷാഫലം
കണ്ണൂര് സര്വകലാശാലയുടെ നാലാം സെമസ്റ്റര് ബിഎസ്സി/ ബിസിഎ റഗുലര്/സപ്ലിമെന്ററി/ഇംപ്രൂവ്മെന്റ് (സിബിഎസ്എസ്/സിസിഎസ്എസ്) പരീക്ഷാഫലം പ്രസിദ്ധീകരിച്ചു. മാനന്തവാടി മേരിമാതാ കോളജിലെ ഫിസിക്സ്, സുവോളജി വിഷയങ്ങളുടെയും ഏവിയേഷന് ആൻഡ് ഹോസ്പിറ്റാലിറ്റി എന്നിവയുടെയും ഫലം പിന്നീട് പ്രസിദ്ധീകരിക്കും. ഫലം സര്വകലാശാല വെബ്സൈറ്റില് ലഭ്യമാണ്. പുനഃപരിശോധന, ഫോട്ടോകോപ്പി എന്നിവയ്ക്കുള്ള ഓണ്ലൈന് അപേക്ഷകള് വെബ്സൈറ്റില്നിന്ന് ഡൗണ്ലോഡ് ചെയ്തു ഗ്രേഡ് കാര്ഡിന്റെ സ്വയം സാക്ഷ്യപ്പെടുത്തിയ പകര്പ്പിനോടൊപ്പം 29 വരെ സ്വീകരിക്കും.
പരീക്ഷാകലണ്ടർ; യോഗം 14 ന്
കണ്ണൂര് സര്വകലാശാലാ വൈസ് ചാന്സലറും കണ്ണൂര് സര്വകലാശാലാ ഭരണസമിതിയുടെ ഉപസമിതിയായ പരീക്ഷാ മേല്നോട്ട സമിതിയും അഫിലിയേറ്റഡ് കോളജുകളിലെ (ആര്ട്സ് ആൻഡ് സയന്സ്, എംസിഎ, എംബിഎ, ബിഎഡ് എന്നീ കോഴ്സുകള്) പ്രിന്സിപ്പല്മാര്, ഓഫീസ് സൂപ്രണ്ടുമാര് എന്നിവരുമായി 201819 അക്കാദമിക് വര്ഷത്തെ പരീക്ഷകളെക്കുറിച്ച് പൊതുവിലും പരീക്ഷാകലണ്ടറിനെക്കുറിച്ച് പ്രത്യേകിച്ചും ആശയവിനിമയം നടത്താന് ആഗ്രഹിക്കുന്നു. ഇതിനായി 14 ന് കഴിഞ്ഞ് രണ്ടിന് കണ്ണൂര് സര്വകലാശാലാ താവക്കര കാമ്പസിലെ ചെറുശേരി ഓഡിറ്റോറിയത്തില് യോഗം ചേരും. യോഗത്തിന് എല്ലാ പ്രിന്സിപ്പൽമാരും ഓഫീസ് സൂപ്രണ്ടുമാരും കൃത്യസമയത്ത് എത്തിച്ചേരണമെന്ന് പരീക്ഷാ കണ്ട്രോളര് അറിയിച്ചു.
പരീക്ഷാഫലം
കണ്ണൂർ സർവകലാശാല നീലേശ്വരം കാന്പസിലെ ഒന്നാം സെമസ്റ്റർ എംഎസ്സി മോളിക്യുലാർ ബയോളജി (റഗുലർ/സപ്ലി) നവംബർ 2017 പരീക്ഷാഫലം പ്രസിദ്ധീകരിച്ചു. പരീക്ഷാഫലം സർവകലാശാല വെബ്സൈറ്റിൽ ലഭിക്കും. പുനഃപരിശോധനാ സൂക്ഷ്മ പരിശോധന/ഫോട്ടോ കോപ്പി എന്നിവയ്ക്ക് അപേക്ഷിക്കേണ്ട അവസാന തീയതി ഈമാസം 23 ആണ്.
അപേക്ഷ ക്ഷണിച്ചു
കണ്ണൂർ സർവകലാശാലയുടെ കീഴിലുള്ള ചെറുപുഴ നവജ്യോതി കോളജിൽ എംകോം മാർക്കറ്റിംഗ്, എംഎ ഇംഗ്ലീഷ് എന്നീ പ്രോഗ്രാമുകളിലേക്കും ഷറഫ് ആർട്സ് ആൻഡ് സയന്സ് കോളജിലെ എംകോം പ്രോഗ്രാമിലേക്കും പ്രവേശനത്തിന് അപേക്ഷ ക്ഷണിച്ചു. ഓൺലൈനായാണ് അപേക്ഷ സമർപ്പിക്കേണ്ടത്. http://cap.kannuruniversity.ac.in വെബ്സൈറ്റിലൂടെ 13,14 തീയതികളിൽ ഓണ്ലൈൻ രജിസ്റ്റർ ചെയ്യാം.