നെടുമ്പാശേരിയിൽ റെയിൽവേ സ്റ്റേഷനും മെട്രോ റെയിലും വേണം : Deepika.com Letters

നെടുമ്പാശേരിയിൽ റെയിൽവേ സ്റ്റേഷനും മെട്രോ റെയിലും വേണം

Thursday, September 21, 2017 11:22 AM IST

2016 17 കാലയളവിൽ കൊച്ചി നെടുമ്പാശേരി വിമാനത്താവളത്തിലൂടെയുള്ള മൊത്തം യാത്രക്കാരുടെ എണ്ണം 89.4 ലക്ഷം കവിഞ്ഞു. ഇതിൽ ഇന്‍റർനാഷണൽ സെക്ടറിൽ 49.98 ലക്ഷവും ഡൊമസ്റ്റിക് സെക്ടറിൽ 39.43 ലക്ഷവും യാത്രക്കാർ പെടുന്നു. സിയാൽ പ്രസിദ്ധീകരിച്ച വാർഷിക റിപ്പോർട്ടിൻ പ്രകാരം മുൻ വർഷത്തെ അപേക്ഷിച്ചു 11.71 ലക്ഷം യാത്രക്കാരുടെ വർധനവാണ് (15.06%) രേഖപ്പെടുത്തിയിട്ടുള്ളത്. വരുംകാലയളവിൽ ഈ സംഖ്യ കൂടാനേ സാധ്യതയുള്ളൂ.

നടപ്പു സാമ്പത്തിക വർഷം പൂർത്തിയാ കുമ്പോൾ യാത്രക്കാരുടെ സംഖ്യ ഒരു കോടി കവിയുമെന്നു സാരം. അതിനനുസൃതമായി നെടുമ്പാശേരി വിമാനത്താവളത്തിലേക്കുള്ള യാത്രാ സൗകര്യങ്ങൾ വർധിപ്പിക്കേണ്ടത് അത്യന്താപേക്ഷിതമാണ്.

വിമാനത്താവളത്തിന് ഏതാണ്ട് 500 മീറ്റർ സമീപത്തു കൂടി ഡബിൾലൈൻ റെയിൽവേ ട്രാക്കുണ്ട്. പുതിയ റെയിൽവേ സ്റ്റേഷൻ നെടുമ്പാശേരിയിൽ നിർമിക്കാനാവും. റെയിൽവേ ബോർഡ് മാർച്ച് 2014ൽ ഇതിനുള്ള തീരുമാനം അംഗീകരിച്ചതുമാണ്. ദക്ഷിണ റെയിൽവേ ചീഫ് കൊമേർഷ്യൽ മാനേജരുടെ ഓഫീസിൽ നിന്നും ആയതിനു അറിയിപ്പും ലഭിച്ചതാണ്. പിന്നീട് മേൽനടപടികളൊന്നും ഉണ്ടായിട്ടില്ലായെന്നതു ഖേദകരമാണ്. ഈ മേഖലയിലെ റോഡ് ഗതാഗതക്കുരുക്ക് കുറയ്ക്കാനും വളരെയേറെ ഉപകരിക്കുന്ന പദ്ധതിയാണിത്.
സിംഗപ്പൂരിൽ ഷാങ്ഹാ ഇന്‍റർനാഷണൽ എയർപോർട്ടിൽ 1, 2, 3 ടെർമിനലുകളെ ബന്ധിപ്പിച്ചു സർക്കുലർ മെട്രോ റെയിൽ ഫ്രീ സർവീസായി ഓപ്പറേറ്റ് ചെയ്യുന്നുണ്ട്. അതേ മാതിരി, നെടുമ്പാശേരി എയർപോർട്ടും 500 മീറ്റർ സമീപത്തു പുതുതായി നിർമിക്കുന്ന റെയിൽവേ സ്റ്റേഷനുമായി സർക്കുലർ മെട്രോ റെയിൽ മുഖാന്തിരം ബന്ധിപ്പിക്കാവുന്നതാണ്. ഭാരിച്ച ലഗേജുകളുമായി വരുന്ന വിമാന യാത്രക്കാർക്ക് മറ്റു യാതൊരു വാഹനങ്ങളേയും ആശ്രയിക്കാതെ സർക്കുലർ മെട്രോ റെയിലിൽ കയറിപ്പറ്റാം.

വിമാന യാത്രക്കാർക്കും അവരെ അനുഗമിക്കുന്നവർക്കും ഏറെ അനുഗ്രഹപ്രദമാകുന്ന പദ്ധതികളാണ് ഇവ രണ്ടും.

ഡോ. തോമസ് ബേബി, പുതുപ്പള്ളി

എണ്ണയിൽ ഓടുന്ന സർക്കാർ

202324 വർഷത്തിൽ എണ്ണക്കന്പനികൾ ഉണ്ടാക്കിയ ലാഭം 90,000 കോടി രൂപ. എണ്ണക്കന്പനികളുടെ മേലാളന്മാർ ക

ബസുകളിലെ ഡോറുകൾ

ഏതെങ്കിലും അപകടമോ ദുരന്തമോ ഉണ്ടാകുന്പോൾ ഉടൻ അതുമായി ബന്ധപ്പെട്ട വകുപ്പുകൾ ഉണരുകയും വ്യാപക പരിശോധന നടത്തുകയും ച

കുഴികൾ എന്നു മൂടും?

ജൽജീവൻ പദ്ധതിയുടെ ഭാഗമായി പലേടത്തും റോഡുകൾ വെട്ടിപ്പൊളിച്ചത് മൂടാതെ കിടക്കുകയാണ്. ഇതുമൂലം പല റോഡുകളും കുണ്ടും കു

വക്കീൽമാർ മാത്രം കോട്ടൂരിയാൽ മതിയോ?

കനത്ത വേനൽച്ചൂടിനെത്തുടർന്ന് അഭിഭാഷകർക്ക് മേയ് 31 വരെ കോട്ട് ഒഴിവാക്കാൻ ഹൈക്കോടതി അനുവാദം നൽകിയ വാർത്ത വായിച്ചു. ഉ

മുഖപ്രസംഗം കാലോചിതം

ഉദ്യോഗസ്ഥരുടെയും മറ്റും അനാസ്ഥ മൂലം റോഡിലുണ്ടാകുന്ന അപകടങ്ങളെക്കുറിച്ചു ദീപിക കഴിഞ്ഞ ദിവസം എഴുതിയ മുഖപ്രസംഗം എന്ത

വിദ്യാർഥികൾക്കും തപാൽ വോട്ട് വേണം

തെരഞ്ഞെടുപ്പുമായി ബന്ധപ്പെട്ട ചുമതലകളുള്ള എല്ലാ ഉദ്യോഗസ്ഥർക്കും പോലീസുകാർക്കും തപാൽ വോട്ടിന് സൗകര്യമുണ്ട്. കൂടാ