Kerala News
കുറവിലങ്ങാട് പള്ളിക്കു നവീനപ്രഭ, പുതിയ പദവി
കുറവിലങ്ങാട് പള്ളിക്കു നവീനപ്രഭ, പുതിയ പദവി
Monday, January 22, 2018 1:52 AM IST
കു​റ​വി​ല​ങ്ങാ​ട്: ഭാ​ര​ത ക്രൈ​സ്ത​വ സ​ഭ​യോ​ളം പ​ഴ​ക്ക​മു​ള്ള കു​റ​വി​ല​ങ്ങാ​ട് മ​ർ​ത്ത്മ​റി​യം ഫൊ​റോ​ന പ​ള്ളി​യെ മേ​ജ​ർ ആ​ർ​ക്കി എ​പ്പി​സ്കോ​പ്പ​ൽ മ​ർ​ത്ത്മ​റി​യം ആ​ർ​ച്ച് ഡീ​ക്ക​ൻ തീ​ർ​ഥാ​ട​ന ദേ​വാ​ല​യ​മാ​യി പ്ര​ഖ്യാ​പി​ച്ചു. ഇ​തു സം​ബ​ന്ധിച്ചു സീ​റോ മ​ല​ബാ​ർ സ​ഭ​യു​ടെ മെ​ത്രാ​ൻ സി​ന​ഡി​ന്‍റെ ഒൗ​ദ്യോ​ഗി​ക പ്ര​ഖ്യാ​പ​നം ന​വീ​ക​രി​ച്ച മ​ർ​ത്ത്മ​റി​യം ദേ​വാ​ല​യ​ത്തി​ന്‍റെ വെ​ഞ്ച​രി​പ്പി​നു ശേ​ഷം വി​ശു​ദ്ധ കു​ർ​ബാ​ന മ​ധ്യേ ന​ട​ത്തി​യ സ​ന്ദേ​ശ​ത്തി​ൽ സീ​റോ മ​ല​ബാ​ർ സ​ഭ മേ​ജ​ർ ആ​ർ​ച്ച്ബി​ഷ​പ് ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി ന​ട​ത്തി. സി​ന​ഡ് ഡി​ക്രി​യു​ടെ കോ​പ്പി മേ​ജ​ർ ആ​ർ​ച്ച്ബി​ഷ​പ് പാ​ലാ രൂ​പ​ത ബി​ഷ​പ് മാ​ർ ജോ​സ​ഫ് ക​ല്ല​റ​ങ്ങാ​ട്ടി​നു കൈ​മാ​റി. ഡി​ക്രി മാ​ർ ജോ​സ​ഫ് ക​ല്ല​റ​ങ്ങാ​ട്ട് വാ​യി​ച്ചു. ഡി​ക്രി​യു​ടെ മ​ല​യാ​ള പ​രി​ഭാ​ഷ പാ​ലാ രൂ​പ​ത ചാ​ൻ​സ​ല​ർ റ​വ.​ഡോ.​ജോ​സ് കാ​ക്ക​ല്ലി​ലും വാ​യി​ച്ചു.

പു​തി​യ പ​ദ​വി പ്ര​ഖ്യാ​പ​ന​ത്തി​നു പി​ന്നാ​ലെ മേ​ജ​ർ ആ​ർ​ച്ച്ബി​ഷപ്പിന്‍റെ സ്ഥാ​നി​ക ഇ​രി​പ്പി​ടം പ​ള്ളി​യു​ടെ ബേ​മ്മ​യി​ൽ പ്ര​തി​ഷ്ഠി​ച്ചു. സ​ഭാ മേ​ജ​ർ ആ​ർ​ച്ച്‌​ബി​ഷ​പ്പു​മാ​ർ​ക്കും പാ​ത്രി​യാ​ർ​ക്കീ​സി​നും മാ​ത്ര​മാ​യി​രി​ക്കും ഈ ​ഇ​രി​പ്പി​ട​ത്തി​ൽ സ്ഥാ​ന​മു​ണ്ടാ​കു​ക​യെ​ന്ന​താ​ണു പ്ര​ത്യേ​ക​ത. മേ​ജ​ർ ആ​ർ​ക്കി എ​പ്പി​സ്കോ​പ്പ​ൽ പ​ദ​വി​യി​ലേ​ക്ക് ഉ​യ​ർ​ത്ത​പ്പെ​ട്ട​തോ​ടെ മേ​ജ​ർ ആ​ർ​ച്ച്ബി​ഷ​പ് വ​ർ​ഷ​ത്തി​ലൊ​രി​ക്ക​ൽ ഒൗ​ദ്യോ​ഗി​ക സ​ന്ദ​ർ​ശ​നം ന​ട​ത്തും.

വെ​ഞ്ച​രി​പ്പി​നെ​ത്തു​ട​ർ​ന്ന് ക​ർ​ദി​നാ​ളി​ന്‍റെ മു​ഖ്യ​കാ​ർ​മി​ക​ത്വ​ത്തി​ൽ വി​ശു​ദ്ധ കു​ർ​ബാ​ന അ​ർ​പ്പി​ച്ചു. ബിഷപ് മാ​ർ ജോ​സ​ഫ് ക​ല്ല​റ​ങ്ങാ​ട്ട്, ഗ്രേറ്റ് ബ്രിട്ടൻ സീറോ മലബാർ രൂപത ബിഷപ് മാ​ർ ജോ​സ​ഫ് സ്രാ​ന്പി​ക്ക​ൽ, ബിഷപ് മാ​ർ ജോ​സ​ഫ് പ​ള്ളി​ക്കാ​പ​റ​ന്പി​ൽ, പാലാ രൂപത വി​കാ​രി ജ​ന​റാ​ൾ​മാ​രാ​യ മോ​ണ്‍. ജോ​സ​ഫ് കു​ഴി​ഞ്ഞാ​ലി​ൽ, മോ​ണ്‍. ഏ​ബ്ര​ഹാം കൊ​ല്ലി​ത്താ​ന​ത്തു​മ​ല​യി​ൽ, മോ​ണ്‍. ജോ​സ​ഫ് കൊ​ല്ലം​പ​റ​ന്പി​ൽ, മോ​ണ്‍. ജോ​സ​ഫ് മ​ലേപ്പറ​ന്പി​ൽ എന്നിവ രും ഫാ. ​ജോ​ർ​ജ് മു​ള​ങ്ങാ​ട്ടി​ൽ, ഫാ. ​ജോ​സ് കോ​ട്ട​യി​ൽ എ​ന്നി​വരും സ​ഹ​കാ​ർ​മി​ക​രാ​യി.

ദേ​വാ​ല​യ വെ​ഞ്ച​രി​പ്പി​നും വി​ശു​ദ്ധ കു​ർ​ബാ​ന​യ്ക്കും ശേ​ഷം ദൃ​ശ്യ​വ​ത്ക​രി​ച്ച അ​ദ്ഭു​ത ഉ​റ​വ​യു​ടെ വെ​ഞ്ച​രി​പ്പും കർദിനാൾ മാ​ർ ആ​ല​ഞ്ചേ​രി നി​ർ​വ​ഹി​ച്ചു. തു​ട​ർ​ന്നു മൂ​ന്നു നോ​ന്പു തി​രു​നാ​ളി​നു ക​ർ​ദി​നാ​ളി​ന്‍റെ​യും ബി​ഷ​പ്പു​മാ​രു​ടെ​യും സാ​ന്നി​ധ്യ​ത്തി​ൽ വി​കാ​രി റ​വ.​ ഡോ.​ ജോ​സ​ഫ് ത​ട​ത്തി​ൽ കൊ​ടി​യേ​റ്റി. പാ​രീ​ഷ് കൗ​ണ്‍സി​ൽ യോ​ഗ​ത്തി​ലും ക​ർ​ദി​നാ​ൾ പ​ങ്കെ​ടു​ത്തു. സീ​റോ മ​ല​ബാ​ർ സ​ഭ മേ​ജ​ർ ആ​ർ​ക്കി എ​പ്പി​സ്കോ​പ്പ​ൽ പ​ദ​വി​യി​ലേ​ക്ക് ഉ​യ​ർ​ത്ത​പ്പെ​ട്ട​തി​ന്‍റെ ര​ജ​ത​ജൂ​ബി​ലി വേ​ള​യി​ലാ​ണ് കു​റ​വി​ല​ങ്ങാ​ട് പള്ളിക്ക് ഈ ​പ​ദ​വി.


സീറോ മലബാർ സഭയിൽ ആദ്യം

സീ​റോ​മ​ല​ബാ​ർ സ​ഭ​യി​ൽ ആ​ദ്യ​മാ​യാ​ണ് ഒ​രു ഇ​ട​വ​ക ദേ​വാ​ല​യ​ത്തി​നു സി​ന​ഡ് ഒ​രു പ്ര​ത്യേ​ക പ​ദ​വി ന​ൽ​കു​ന്ന​ത്. കു​റ​വി​ല​ങ്ങാ​ട് മ​ർ​ത്ത്മ​റി​യം ഇ​ട​വ​ക​യു​ടെ ച​രി​ത്ര പ്രാ​ധാ​ന്യ​വും തീ​ർ​ഥാ​ട​ക പ്ര​വാ​ഹ​വു​ം കണക്കിലെടുത്താ ണ് പുതിയ പദവി.

ജ​നു​വ​രി എ​ട്ടു​മു​ത​ൽ 13 വ​രെ നടന്ന സിനഡിലാണ് തീരുമാനം. കു​റ​വി​ല​ങ്ങാ​ടി​ ന് അ​ർ​ഹ​മാ​യ അം​ഗീ​കാ​രം സ​ഭാ നേ​തൃ​ത്വ​ത്തി​ൽ​നി​ന്നു ന​ൽ​ക​ണ​മെ​ന്നാ​വ​ശ്യ​പ്പെ​ട്ടു വി​കാ​രി റ​വ.​ഡോ.​ജോ​സ​ഫ് ത​ട​ത്തി​ലി​ന്‍റെ നേ​തൃ​ത്വ​ത്തി​ൽ ഇ​ട​വ​ക പൊ​തു​യോ​ഗ​വും പ്ര​തി​നി​ധി​യോ​ഗ​വും പാ​ലാ രൂ​പ​താ​ധ്യ​ക്ഷ​ൻ മാ​ർ ജോ​സ​ഫ് ക​ല്ല​റ​ങ്ങാ​ട്ട് മു​ഖേ​ന സി​ന​ഡി​ന് അ​പേ​ക്ഷ ന​ൽ​കി​യി​രു​ന്നു.
പൗ​ര​സ്ത്യ​സ​ഭ​ക​ളി​ൽ ഒ​രു ദേ​വാ​ല​യ​ത്തി​നു ന​ൽ​കു​ന്ന ഏ​റ്റ​വും വ​ലി​യ പ​ദ​വി​യാ​ണ് കു​റ​വി​ല​ങ്ങാ​ട് പള്ളിക്കു ലഭിച്ചത്.

ആർച്ച്ഡീക്കൻ (അർക്കദിയാക്കോൻ)

നാ​ലാം നൂ​റ്റാ​ണ്ടു മു​ത​ൽ പ​തി​നാ​റാം നൂ​റ്റാ​ണ്ടു വ​രെ സ​ഭ​യെ ന​യി​ച്ചി​രു​ന്ന​വ​രാ​ണ് അ​ർ​ക്ക​ദി​യാ​ക്കോ​ന്മാ​ർ (ആ​ർ​ച്ച് ഡീ​ക്ക​ൻ​മാ​ർ). അ​വി​ഭ​ക്ത ന​സ്രാ​ണി സ​ഭ​യു​ടെ ധീ​ര​നേ​തൃ​ത്വ​മാ​യി​രു​ന്ന അ​ർ​ക്ക​ദി​യാ​ക്കോ​ന്മാ​ർ കു​റ​വി​ല​ങ്ങാ​ട് പ​ക​ലോ​മ​റ്റം കു​ടും​ബ​ത്തി​ൽ​നി​ന്നു​ള്ള​വ​രാ​യി​രു​ന്നു.
അ​ർ​ക്ക​ദി​യാ​ക്കോ​ന്മാരു​ടെ ക​ബ​റി​ട​ങ്ങ​ൾ സ്ഥി​തി ചെ​യ്യു​ന്ന പ​ക​ലോ​മ​റ്റം ത​റ​വാ​ടു പ​ള്ളി ക​ത്തോ​ലി​ക്ക, അ​ക​ത്തോ​ലി​ക്ക തീ​ർ​ഥാ​ട​ക​രു​ടെ പ്ര​ധാ​ന കേ​ന്ദ്ര​മാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.