റായ്ബറേലിയിലെ ജനങ്ങൾക്കു സോണിയ ഗാന്ധിയുടെ കത്ത് : Deepika.com National News |

Click here for detailed news of all items

റായ്ബറേലിയിലെ ജനങ്ങൾക്കു സോണിയ ഗാന്ധിയുടെ കത്ത്

Wednesday, February 22, 2017 2:41 PM IST

ന്യൂഡൽഹി: റായ്ബറേലിയിലെ ജനങ്ങൾക്ക് കോൺഗ്രസ് അധ്യക്ഷ സോണിയ ഗാന്ധിയുടെ കത്ത്. ആരോഗ്യകാരണങ്ങളാൽ തെരഞ്ഞെടുപ്പ് പ്രചാരണത്തിന് എത്താനാവില്ലെന്ന് ചൂണ്ടിക്കാട്ടിയാണ് അമേത്തിയിലേയും റായ്ബറേലിയിലേയും വോട്ടർമാർക്ക് സോണിയ കത്തെഴുതിയത്. പ്രധാനമന്ത്രി നരേന്ദ്ര മോദിക്കെതിരെ കത്തിൽ രൂക്ഷവിമർശമുന്നയിച്ച സോണിയ ബിജെപിക്ക് വോട്ട് ചെയ്യരുതെന്നും വോട്ടർമാരോട് അഭ്യർഥിച്ചു.

അമേത്തിയും റായ്ബറേലിയും തന്‍റെ ജീവിതത്തിന്‍റെ ഒഴിവാക്കാൻ കഴിയാത്ത ഭാഗമാണെന്നും മണ്ഡലത്തിലെ ജനങ്ങളെ പ്രതിനിധാനം ചെയ്യാൻ കഴിയുന്നത് അഭിമാനകരമാണെന്നും സോണിയ കത്തിൽ പറയുന്നു.

കേന്ദ്ര സർക്കാർ സംസ്ഥാനത്തെ വികസനത്തെ നശിപ്പിച്ചിരിക്കുകയാണ്. തങ്ങളുടെ ജനങ്ങളെ ഇല്ലാതാക്കാൻ ഏതെങ്കിലും സർക്കാർ പ്രവർത്തിക്കുന്നതായി ഇതിനുമുന്പ് കാണാൻ കഴിഞ്ഞിട്ടുണ്ടാവില്ല. എന്നാൽ മോദി സർക്കാർ ഇതാണ് ചെയ്തുകൊണ്ടിരിക്കുന്നത്. സന്പന്നരായ ഏതാനും ചില കോർപറേറ്റുകൾക്കായാണ് സർക്കാർ പ്രവർത്തിക്കുന്നത്. എന്നാൽ ഇതിന്‍റെ ഭാരം പാവങ്ങളുടെ മേലും അടിച്ചേൽപ്പിക്കുകയാണെന്നും സോണിയ പറയുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.