National News
അജ്മീർ ദർഗ സ്ഫോടനം: വിധി മാർച്ച് എട്ടിന്
Saturday, February 25, 2017 2:47 PM IST
ന്യൂ​ഡ​ൽ​ഹി: അ​ജ്മീ​ർ ദ​ർ​ഗ സ്ഫോ​ട​ന​ക്കേ​സി​ലെ വി​ധി അ​ടു​ത്ത​മാ​സം എ​ട്ടി​നു പു​റ​പ്പെ​ടു​വി​ക്കും. ജ​യ്പൂ​രി​ലെ പ്ര​ത്യേ​ക എ​ൻ​ഐ​എ കോ​ട​തി​യി​ൽവാ​ദം പൂ​ർ​ത്തി​യാ​യി. ദേ​ശീ​യ​ത​ല​ത്തി​ൽ ശ്ര​ദ്ധി​ക്ക​പ്പെ​ട്ട കേ​സാ​യ​തി​നാ​ൽ പ്രോ​സി​ക്യൂ​ഷ​ൻ ഹാ​ജ​രാ​ക്കി​യ തെ​ളി​വു​ക​ൾ സൂ​ക്ഷ്മ​മാ​യി പ​രി​ശോ​ധി​ക്കേ​ണ്ട​തു​ണ്ടെ​ന്നു കോടതി ചൂ​ണ്ടി​ക്കാ​ട്ടി.

ഉ​ന്ന​ത സം​ഘ​പ​രി​വാ​ർ നേ​താ​ക്ക​ളു​മാ​യി ബ​ന്ധ​മു​ള്ള സ്വാ​മി അ​സീ​മാ​ന​ന്ദ ഉ​ൾ​പ്പെ​ടെ​യു​ള്ള​വ​രാ​ണ് പ്ര​തി​ക​ൾ. 2011ലാ​ണ് കേ​സ് എ​ൻ​ഐ​എ​ക്കു കൈ​മാ​റി​യ​ത്. അ​സീ​മാ​ന​ന്ദ​യെ മു​ഖ്യ ആ​സൂ​ത്ര​ക​നാ​യി വി​ശേ​ഷി​പ്പി​ക്കു​ന്ന കു​റ്റ​പ​ത്ര​ത്തി​ൽ ദേ​വേ​ന്ദ്ര ഗു​പ്ത, ച​ന്ദ്ര​ശേ​ഖ​ർ ലെ​വെ, മു​കേ​ഷ് വാ​ണി, ഭ​ര​ത് മോ​ഹ​ൻ ര​തേ​ശ്വ​ർ, ലോ​കോ​ഷ് ശ​ർ​മ, ഹ​ർ​ഷ​ദ് സോ​ള​ങ്കി എ​ന്നി​വ​രു​ടെ പേ​രു​ക​ളും ഉ​ണ്ട്. സ്ഫോ​ട​ന​ത്തി​ന്‍റെ മു​ഖ്യ ആ​സൂ​ത്ര​ക​നും പ്ര​ധാ​ന​പ്ര​തി​യു​മാ​യ ആ​ർ​എ​സ്എ​സ് പ്ര​ചാ​ര​ക​ൻ സു​നി​ൽ​ജോ​ഷി ദു​രൂ​ഹ​സാ​ഹ​ച​ര്യ​ത്തി​ൽ കൊ​ല്ല​പ്പെ​ട്ടി​രു​ന്നു. മ​റ്റു​മൂ​ന്നു പ്ര​തി​ക​ൾ ഒ​ളി​വി​ൽ ക​ഴി​യു​ക​യാ​ണെ​ന്നാ​ണ് പോ​ലീ​സ് പ​റ​യു​ന്ന​ത്.


സൂ​ഫീ നേ​താ​വ് അ​ജ്മീ​രി​ലെ ഖാ​ജാ മു​ഈ​നു​ദ്ദീ​ൻ ചി​ഷ്്തി അ​ന്ത്യ വി​ശ്ര​മം​കൊ​ള്ളു​ന്ന ദ​ർ​ഗാ ഷ​രീ​ഫി​നു സ​മീ​പം 2007 ഒ​ക്ടോ​ബ​ർ 11നു​ണ്ടാ​യ സ്ഫോ​ട​ന​ത്തി​ൽ മൂ​ന്നു പേ​രാ​ണ് മ​രി​ച്ച​ത്. സ്ഫോ​ട​ന​ങ്ങ​ൾ​ക്കു പി​ന്നി​ൽ സി​മി​യും ഇ​ന്ത്യ​ൻ മു​ജാ​ഹി​ദീ​നു​മാ​ണെ​ന്ന് ലോ​ക്ക​ൽ പോ​ലീ​സ് ആ​രോ​പി​ച്ച കേ​സ് എ​ൻ​ഐ​എ ഏ​റ്റെ​ടു​ത്ത​തോ​ടെ​യാ​ണ് സം​ഭ​വ​ത്തി​നു​പി​ന്നി​ലെ സം​ഘ​പ​രി​വാ​ർ ബ​ന്ധം പു​റ​ത്തു​വ​ന്ന​ത്. ഹൈന്ദവ സം​ഘ​ട​ന അ​ഭി​ന​വ് ഭാ​ര​ത് ആ​ണ് സ്ഫോ​ട​ന​ത്തി​നു പി​ന്നി​ലെ​ന്നും ആ​ർ​എ​സ്എ​സ് ഇ​വ​ർ​ക്കു നാ​ഗ്പൂ​രി​ൽ വ​ച്ച് പ​രി​ശീ​ല​നം ന​ൽ​കി​യ​താ​യും എ​ൻ​ഐ​എ കു​റ്റ​പ​ത്ര​ത്തി​ൽ ആ​രോ​പി​ച്ചി​രു​ന്നു. ഹൈ​ദ​രാ​ബാ​ദി​ലെ മ​ക്കാ മ​സ്ജി​ദ്, മ​ലേ​ഗാ​വ്, മൊ​ദാ​സ, സം​ജോ​ത എ​ക്സ്പ്ര​സ് എ​ന്നി​വി​ട​ങ്ങ​ളി​ലു​ണ്ടാ​യ സ്ഫോ​ട​ന​ക്കേ​സു​ക​ളി​ലും ഈ ​സം​ഘ​ത്തി​നു പ​ങ്കു​ള്ള​താ​യും എ​ൻ​ഐ​എ ക​ണ്ടെ​ത്തി​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.