യുപി മുഖ്യമന്ത്രിയുടെ ബംഗ്ലാവിൽ പൂജ; പ്രവേശനം വൈകും : Deepika.com National News |

Click here for detailed news of all items

യുപി മുഖ്യമന്ത്രിയുടെ ബംഗ്ലാവിൽ പൂജ; പ്രവേശനം വൈകും

Monday, March 20, 2017 1:03 PM IST

ലക്നോ: ഉത്തർപ്രദേശ് മുഖ്യമന്ത്രിയായി തെരഞ്ഞെടുക്കപ്പെട്ടെങ്കിലും മുഖ്യമന്ത്രിയുടെ ഔദ്യോഗിക വസതിയിലേക്കു യോഗി ആദിത്യനാഥ് ഉടൻ താമസം മാറില്ലെന്നു സൂചന. ആദിത്യനാഥിനുവേണ്ടി ബംഗ്ലാവിൽ പൂജകളും യജ്ഞങ്ങളും നടക്കുന്നതിനാലാണിത്.
ശുദ്ധീകരണ പ്രക്രിയ കഴിഞ്ഞു പ്രവേശിച്ചാൽ മതിയെന്നു തീരുമാനിച്ചതിനാൽ വിവിഐപി ഗസ്റ്റ് ഹൗസിലാണ് ആദിത്യനാഥ് ഇപ്പോൾ തങ്ങുന്നത്. ഗോരഖ്പുർ, അലാഹാബാദ് എന്നിവിടങ്ങളിൽനിന്നുള്ള ഏഴു പുരോഹിതന്മാരാണ് യജ്ഞഹോമാദികൾക്കു നേതൃത്വം നല്കുന്നത്. ആദിത്യനാഥ് പൂജകളിൽ പങ്കെടുക്കുന്നില്ല.

ആദിത്യനാഥ് യോഗി, മുഖ്യമന്ത്രി എന്നു ഹിന്ദിയിലെഴുതിയ ഫലകം കാളിദാസ് റോഡിലെ ഔദ്യോഗിക ബംഗ്ലാവിനു മുന്പിൽ പതിപ്പിച്ചിട്ടുണ്ട്. ഈ ഫലകത്തിനുമുന്പിൽ സ്വസ്തിക ചിഹ്നവും പതിച്ചിട്ടുണ്ട്.

ഗൃഹപ്രവേശന വേളയിൽ സ്വസ്തിക ചിഹ്നം പതിക്കുന്നതു ശുഭസൂചകമായി ഹൈന്ദവർ കരുതുന്നു. സമാജ്‌വാദി പാർട്ടി നേതാക്കളായ മുലായം സിംഗ് യാദവ്, അഖിലേഷ് യാദവ്, ബിഎസ്പി അധ്യക്ഷ മായാവതി എന്നിവരാണ് നേരത്തേ ഈ ബംഗ്ലാവിൽ താമസിച്ചിട്ടുള്ളത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.