വിലയ്ക്കു വാങ്ങാനാവില്ല: രാഹുൽ : Deepika.com National News |

Click here for detailed news of all items

വിലയ്ക്കു വാങ്ങാനാവില്ല: രാഹുൽ

Monday, October 23, 2017 12:48 PM IST

ഗാന്ധിനഗർ: ഗുജറാത്തിലെ യുവാക്കളുടെ ശബ്ദം അടിച്ചമർത്താനോ വിലയ്ക്കു വാങ്ങാനോ സാധിക്കില്ലെന്നു കോൺഗ്രസ് അധ്യക്ഷൻ രാഹുൽ ഗാന്ധി. ഒബിസി നേതാവായ അൽപേഷ് ഠാക്കൂർ കോൺഗ്രസിൽ ചേരുന്നതിന്‍റെ ഭാഗമായി സംഘടിപ്പിച്ച വന്‍‌ റാലിയെ അഭിസംബോധന ചെയ്തു സംസാരിക്കുകയായിരുന്നു കോൺഗ്രസ് ഉപാധ്യക്ഷൻ. നാനാജാതി മതസ്ഥരായ ഗുജറാത്തിലെ യുവാക്കൾ നിശബ്ദരായിരിക്കില്ല. അവരുടെ വാക്കുകൾ വിലയ്ക്കു വാങ്ങാനാവില്ല.

ബിജെപിയിൽ ചേർന്നാൽ ഒരു കോടി രൂപ നല്കാമെന്ന് വാഗ്ദാനം ലഭിച്ചതായ വെളിപ്പെടു ത്തലിനു പിന്നാലെയാണ് രാഹുൽ ശക്തമായ ആക്രമണവുമായെത്തിയത്. ഗുജറാത്തിന്‍റെ സ്വരം വേറിട്ടതാണ്. അതിനായി നിങ്ങൾക്ക് ഒരു കോടിയോ പത്തു കോടിയോ അന്പതു കോടിയോ ആയിരം കോടിയോ ഇന്ത്യയുടെ ബജറ്റ് മൊത്തമായോ അതുമല്ലെങ്കിൽ ലോകത്തെ മുഴുവൻ സന്പത്തോ വാഗ്ദാനം ചെയ്യാം. എന്നാൽ, അതു വാങ്ങുക അസാധ്യമാണ്- രാഹുൽ പറഞ്ഞു.

ബ്രിട്ടീഷുകാർ ഗാന്ധിജിയുടെ സ്വരം അമർച്ചചെയ്യാൻ ശ്രമിച്ചു. എന്നാൽ, ഗുജറാത്തിൽനിന്ന് ഉദ്ഭവിച്ച ആ സ്വരമാണ് ഇന്ത്യയുടെ സൂപ്പർപവറായി മാറിയത്: രാഹുൽ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.