National News
കഞ്ചിക്കോട് കോച്ച് ഫാക്ടറി വീണ്ടും പാളം തെറ്റി
കഞ്ചിക്കോട് കോച്ച് ഫാക്ടറി വീണ്ടും പാളം തെറ്റി
Thursday, July 19, 2018 2:02 AM IST
ന്യൂ​ഡ​ൽ​ഹി: ക​ഞ്ചി​ക്കോ​ട് കോ​ച്ച് ഫാ​ക്ട​റി​യു​ടെ കാ​ര്യ​ത്തി​ൽ കേ​ര​ള​ത്തെ ആ​ശ​യ​ക്കു​ഴ​പ്പ​ത്തി​ലാ​ക്കി കേ​ന്ദ്രസ​ർ​ക്കാ​ർ. പു​തി​യ കോ​ച്ച് ഫാ​ക്ട​റി സ്ഥാ​പി​ക്കു​ന്നതിൽ ക​ഞ്ചി​ക്കോ​ടി​നെ പൂ​ർ​ണ​മാ​യി ഉ​പേ​ക്ഷി​ച്ചി​ട്ടി​ല്ലെ​ന്ന് കോ​ണ്‍ഗ്ര​സ് എം​പി ആ​ന്‍റോ ആ​ന്‍റ​ണി​ക്കു മ​റു​പ​ടി ന​ൽ​കി​യ​പ്പോ​ൾ സ​മീ​പ ഭാ​വി​യി​ലൊ​ന്നും​ത​ന്നെ പു​തി​യ കോ​ച്ച് ഫാ​ക്ട​റി​ക​ൾ സ്ഥാ​പി​ക്കു​ന്ന കാ​ര്യം പ​രി​ഗ​ണ​ന​യി​ൽ പോ​ലും ഇ​ല്ലെ​ന്നാ​ണ് എം.​ബി. രാ​ജേ​ഷി​നും എ. ​സ​ന്പ​ത്തി​നും ന​ൽ​കി​യ മ​റു​പ​ടി​യി​ൽ റെ​യി​ൽ​വേ സ​ഹ​മ​ന്ത്രി രാ​ജ​ൻ ഗോ​ഹൈ​ൻ പ​റ​ഞ്ഞി​രി​ക്കു​ന്ന​ത്.

ആ​ന്‍റോ ആ​ന്‍റ​ണി​ക്കു ന​ൽ​കി​യ മ​റു​പ​ടി​യി​ൽ ക​ഞ്ചി​ക്കോ​ട് കോ​ച്ച് ഫാ​ക്ട​റി 2012-2013 ബ​ജ​റ്റി​ൽ പ്ര​ഖ്യാ​പി​ച്ച​താ​ണെ​ന്നും പൊ​തു​സ്വ​കാ​ര്യ പ​ങ്കാ​ളി​ത്ത​ത്തോ​ടെ​യു​ള്ള പ​ദ്ധ​തി​യാ​യി​രു​ന്നെ​ന്നും ഉ​പേ​ക്ഷി​ച്ചി​ട്ടി​ല്ലെ​ന്നും പ​റ​യു​ന്നു.

ക​ഞ്ചി​ക്കോ​ട് കോ​ച്ച് ഫാ​ക്ട​റി​യു​ടെ പേ​രെ​ടു​ത്തു പ​റ​ഞ്ഞു പ​ദ്ധ​തി ഉ​പേ​ക്ഷി​ച്ചോ എ​ന്നാ​യി​രു​ന്നു ആന്‍റോ ആ​ന്‍റ​ണി​യു​ടെ ചോ​ദ്യം. പു​തി​യ കോ​ച്ച് ഫാ​ക്ട​റി​ക​ൾ സ്ഥാ​പി​ക്കാ​ൻ പ​ദ്ധ​തി​യു​ണ്ടോ എ​ന്നാ​യി​രു​ന്നു ഇ​ട​ത് എം​പി​മാ​രു​ടെ ചോ​ദ്യം. പു​തി​യൊ​രു കോ​ച്ച് ഫാ​ക്ട​റി സ​ർ​ക്കാ​രി​ന്‍റെ പ​രി​ഗ​ണ​ന​യി​ൽ പോ​ലും ഇ​ല്ലെ​ന്നാ​ണ് ഇ​വ​ർ​ക്കു ന​ൽ​കി​യ മ​റു​പ​ടി​. കോ​ച്ച് നി​ർ​മാ​ണ​ത്തി​നാ​യി പു​തി​യ ഫാ​ക്ട​റി​ക​ൾ നി​ർ​മി​ക്കാ​നോ മു​ട​ങ്ങി​ക്കി​ട​ക്കു​ന്ന പ​ദ്ധ​തി​ക​ൾ പു​ന​രാ​രം​ഭി​ക്കു​ന്ന​തി​നോ സ​മീ​പ ഭാ​വി​യി​ൽ ആ​ലോ​ചി​ക്കു​ന്നേ​യി​ല്ലെ​ന്നാ​ണ് കേ​ന്ദ്ര റെ​യി​ൽ​വേ മ​ന്ത്രാ​ല​യം വ്യ​ക്ത​മാ​ക്കി​യി​രി​ക്കു​ന്ന​ത്. ക​ഞ്ചി​ക്കോ​ട് കോ​ച്ച് ഫാ​ക്‌​ട​റി​യെ ചു​റ്റി​പ്പ​റ്റി​യു​ള്ള പ്ര​തീ​ക്ഷ​ക​ളാ​ണ് ഇ​തോ​ടെ മ​ങ്ങു​ന്ന​ത്.


കേ​ന്ദ്ര നി​ല​പാ​ട് അ​ങ്ങേ​യ​റ്റം പ്ര​തി​ഷേ​ധാ​ർ​ഹ​മാ​ണെ​ന്ന് എ. ​സ​ന്പ​ത്ത് പ​റ​ഞ്ഞു. ഇ​ന്ത്യ​ൻ റെ​യി​ൽ​വേ​യു​ടെ പു​റ​ന്പോ​ക്കി​ലാ​ണ് കേ​ര​ളം എ​ന്ന​തി​ന്‍റെ ഏ​റ്റ​വും ഒ​ടു​വി​ല​ത്തെ തെ​ളി​വാ​ണിതെന്നും അദ്ദേഹം പറഞ്ഞു.

കോ​ച്ച് ഫാ​ക്ട​റി സ്ഥാ​പി​ക്കു​ന്ന​തു​മാ​യി ബ​ന്ധ​പ്പെ​ട്ട് മു​ൻ​പ് എം.​ബി. രാ​ജേ​ഷി​ന്‍റെ ചോ​ദ്യ​ത്തി​നുള്ള മ​റു​പ​ടി​യി​ൽ,പീ​യൂ​ഷ് ഗോ​യ​ൽ ത​ന്നെ ഇ​ക്കാ​ര്യം പ​രി​ഗ​ണ​ന​യി​ൽ ഇ​ല്ലെ​ന്നു വ്യ​ക്ത​മാ​ക്കി​യി​രു​ന്നു. തു​ട​ർ​ന്ന് ഇ​ട​ത് എം​പി​മാ​ർ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ നേ​തൃ​ത്വ​ത്തി​ൽ കേ​ന്ദ്ര റെ​യി​ൽ​വേ മ​ന്ത്രാ​ല​യ​ത്തി​ന് മു​ന്നി​ൽ പ്ര​തി​ഷേ​ധ ധ​ർ​ണ ന​ട​ത്തി. പി​ന്നാ​ലെ ഡ​ൽ​ഹി​യി​ലെ​ത്തി വി.​എ​സ്. അ​ച്യു​താ​ന​ന്ദ​ൻ കൂ​ടി​ക്കാ​ഴ്ച ന​ട​ത്തി​യ​പ്പോ​ൾ ആ​ദ്യ മ​റു​പ​ടി​യി​ൽ നി​ന്നു മ​ല​ക്കം മ​റി​ഞ്ഞ് കോ​ച്ച് ഫാ​ക്ട​റി ഉ​പേ​ക്ഷി​ക്കു​ക​യേ ഇ​ല്ലെ​ന്നാ​ണ് പീ​യൂ​ഷ് ഗോ​യാ​ൽ വാ​ക്കാ​ലും പി​ന്നീ​ട് രേ​ഖാ മൂ​ല​വും മ​റു​പ​ടി ന​ൽ​കി​യ​ത്. ക​ഞ്ചി​ക്കോ​ട്ട് കോ​ച്ച് ഫാ​ക്ട​റി സ്ഥാ​പി​ക്കാ​ൻ സാ​ങ്കേ​തി​ക ത​ട​സ​ങ്ങ​ൾ മാ​ത്ര​മേ ഉ​ള്ളൂ എ​ന്നും വ്യ​ക്തി​പ​ര​മാ​യി ഇ​ട​പെ​ട്ട് ഇ​തു പ​രി​ഹ​രി​ക്കു​മെ​ന്നും പീ​യൂ​ഷ് ഗോ​യ​ൽ വി​.എ​സി​ന് ഉ​റ​പ്പു ന​ൽ​കി​യി​രു​ന്നു.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.