പാർപ്പിട പദ്ധതിക്കു മലബാർ ഗ്രൂപ്പ് സഹായം : Deepika.com Business News |

Click here for detailed news of all items

പാർപ്പിട പദ്ധതിക്കു മലബാർ ഗ്രൂപ്പ് സഹായം

Wednesday, February 22, 2017 1:35 PM IST

കോഴിക്കോട് : സംസ്ഥാന സർക്കാരിന്‍റെ ലൈഫ് മിഷൻ സമ്പൂർണ പാർപ്പിട പദ്ധതിയെയും കേന്ദ്ര സർക്കാർ നടപ്പിലാക്കുന്ന പ്രധാൻമന്ത്രി ആവാസ് യോജന പദ്ധതിയേയും പിന്തുണച്ചു പാവപ്പെട്ടവർക്കും സമൂഹത്തിൽ താഴേക്കിടയിലുള്ളവർക്കും പാർപ്പിടം നിർമിക്കുന്നതിന് മലബാർ ഗ്രൂപ്പ് സഹായം നൽകും.

മലബാർ ഗോൾഡ് ആൻഡ് ഡയമണ്ട്സും മലബാർ ഡെവലപ്പേഴ്സും ചേർന്ന് മലബാർ ഹൗസിംഗ് ചാരിറ്റബിൾ ട്രസ്റ്റ് വഴിയാണു ഭവനനിർമാണത്തിനുള്ള ധനസഹായം നൽകുന്നത്. ഇതിനകം 10,310 കുടുംബങ്ങൾക്ക് ധനസഹായംനൽകിയിട്ടുണ്ട്.

മലബാർ ഗ്രൂപ്പിന്‍റെ ലാഭ വിഹിതത്തിൽ അഞ്ചു ശതമാനം സാമൂഹിക ക്ഷേമത്തിനും സാമ്പത്തികമായി പിന്നാേക്കം നിൽക്കുന്നവരെ സഹായിക്കുന്നതിനുമായി നീക്കിവച്ചിട്ടുണ്ടെന്നു മലബാർ ഗ്രൂപ്പ് ചെയർമാൻ എം.പി. അഹമ്മദ് പറഞ്ഞു.

വിധവകൾക്കും അംഗപരിമിതർക്കും പ്രത്യേക പരിഗണന ലഭിക്കും. സ്വന്തം പേരിൽ നാല് സെന്‍റിൽ കുറഞ്ഞ ഭൂമി ഉള്ളവർക്കും അറുനൂറ് ചതുരശ്ര അടിയിൽ താഴെ വിസ്തീർണത്തിൽ വീടുകൾ നിർമിക്കുന്നവർക്കുമാണു ധനസഹായം ലഭിക്കുക.

ഈ പദ്ധതി പ്രയോജനപ്പെടുത്താൻ ആഗ്രഹിക്കുന്നവർ, ഭൂമിയുടെ ഉടമസ്ഥാവകാശ രേഖയുടെ പകർപ്പും വീടിന്‍റെ പ്ലാനും ഫോട്ടോ പതിച്ച ഏതെങ്കിലുമൊരു തിരിച്ചറിയൽ രേഖയുടെ പകർപ്പും സഹിതം മാർച്ച് 10നകം ഏറ്റവും അടുത്തുള്ള മലബാർ ഗോൾഡ് ആൻഡ് ഡയമണ്ട്സ് സ്റ്റോറിലോ മലബാർ ഡെവലപ്പേഴ്സിന്‍റെ ഓഫീസിലോ മലബാർ ഹൗസിംഗ് ചാരിറ്റബിൾ ട്രസ്റ്റിന്‍റെ ഓഫീസിലോ അപേക്ഷ നൽകണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.