ബ്ലാസ്റ്റേഴ്സിനു ജംഷഡ്പുരിനോടും ഗോൾരഹിത സമനില
Saturday, November 25, 2017 12:35 AM IST
കൊ​ച്ചി: കൊ​ടി​ക​യ​റി​യ ആ​വേ​ശ​ത്തി​നു ഇ​ത്ത​വ​ണ​യും വി​ജ​യം കൊ​ണ്ടു തി​ല​ക​ക്കു​റി കു​റി​ക്കാ​ന്‍ ബ്ലാ​സ്റ്റേ​ഴ്സി​നു ക​ഴി​ഞ്ഞി​ല്ല. മ​ഞ്ഞ​പ്പ​ട​യു​ടെ ഗോ​ള്‍ മേ​ളം കാ​ണാ​ന്‍ നി​റ​ഞ്ഞു ക​വി​ഞ്ഞ കൊ​ച്ചി​യെ നി​രാ​ശ​യി​ലാ​ഴ്ത്തി കേ​ര​ള ബ്ലാ​സ്റ്റേ​ഴ്സി​നു തു​ട​ര്‍ച്ച​യാ​യ ര​ണ്ടാം മ​ത്സ​ര​ത്തി​ലും ഗോ​ള്‍ര​ഹി​ത സ​മ​നി​ല. ക​ഴി​ഞ്ഞ ഐ​എ​സ്എ​ല്‍ സീ​സ​ണി​ല്‍ കൊ​ച്ചി​യെ പു​ള​കം കൊ​ള്ളി​ച്ച സ്റ്റീ​വ് കോ​പ്പ​ലി​ന്‍റെ ശി​ക്ഷ​ണ​ത്തി​ല്‍ വ​ന്ന ജം​ഷ​ഡ്പുര്‍ എ​ഫ്സി വി​ജ​യ​ത്തോ​ളം വ​രു​ന്ന സ​മ​നി​ല​യു​മാ​യി ബ്ലാ​സ്റ്റേ​ഴ്സി​നെ കു​രു​ക്കി​ലി​ട്ടു. സ്വ​ന്തം സ്റ്റേ​ഡി​യ​ത്തി​ന്‍റെ ആ​നു​കൂ​ല്യം മു​ത​ലാ​ക്കാ​ന്‍ ര​ണ്ടു വ​ട്ട​വും സാ​ധി​ക്കാ​തി​രു​ന്ന ബ്ലാ​സ്റ്റേ​ഴ്സി​നു സ്വ​ന്തം വി​ധി​യെ​ത്ത​ന്നെ പ​ഴി​ക്കാം.

എ​ടി​കെ​യോ​ടു നി​ഷ്പ്രഭ​മാ​യ ടീ​മി​ല്‍നി​ന്നു ഉ​യ​ര്‍ത്തെ​ഴു​ന്നേ​റ്റു മി​ക​ച്ച ഫു​ട്ബോ​ള്‍ ക​ളി​ക്ക​നാ​യെ​ങ്കി​ലും സ്‌​കോ​ര്‍ ഷീ​റ്റി​ല്‍ ഹ്യൂ​മി​നും സം​ഘ​ത്തി​നും ഗോ​ള്‍ മാ​ത്രം കു​റി​ക്കാ​നാ​യി​ല്ല. ദി​മി​ത​ര്‍ ബെ​ര്‍ബ​റ്റോ​വി​നെ മി​ഡ്ഫീ​ല്‍ഡി​ന്‍റെ ചു​മ​ത​ല​യേ​ല്‍പ്പി​ച്ച് ഇ​യാ​ന്‍ ഹ്യൂ​മി​നെ മു​ന്നേ​റ്റ നി​ര​യി​ല്‍ ഒ​റ്റ​യ്ക്കു നി​ര്‍ത്തി​യാ​ണു ബ്ലാ​സ്റ്റേ​ഴ്സി​ന്‍റെ പ​രി​ശീ​ല​ക​ന്‍ റെ​നി മ്യൂ​ല​ന്‍സ്റ്റി​ന്‍ ടീ​മി​നെ വി​ന്യ​സി​ച്ച​ത്. ബെ​ര്‍ഫേ​ര്‍ട്ട്, അ​സൂ​ക്ക ഇ​സു എ​ന്നീ ആ​ഫ്രി​ക്ക​ന്‍ താ​ര​ങ്ങ​ളെ ഇ​റ​ക്കി ആ​ക്ര​മ​ണമാ​ണു ല​ക്ഷ്യ​മെ​ന്നു സ്റ്റീ​വ് കോ​പ്പ​ലും ഉ​റ​പ്പി​ച്ചു.

ബെ​ര്‍ബ​യു​ടെ ഉ​ദ​യം ബ്ലാ​സ്റ്റേ​ഴ്സി​ന്‍റെ​യും

ക​ഴി​ഞ്ഞ ക​ളി​യി​ല്‍നി​ന്നു പാ​ഠ​ങ്ങ​ള്‍ ഉ​ള്‍ക്കൊ​ണ്ടാ​ണു ക​ളി​ക്കി​റ​ങ്ങി​യ​തെ​ന്നു ആ​ദ്യ നി​മി​ഷ​ങ്ങ​ളി​ല്‍ത്ത​ന്നെ നാ​യ​ക​ന്‍ സ​ന്ദേ​ശ് ജി​ങ്ക​നും സം​ഘ​വും തെ​ളി​യി​ച്ചു. ര​ണ്ടാം മി​നി​റ്റി​ല്‍ ക​റേ​ജ് പെ​ക്കൂ​സ​ണെ വീ​ഴ്ത്തി​യ​തി​നു ല​ഭി​ച്ച ഫ്രീ​കി​ക്കോ​ടെ ബ്ലാ​സ്റ്റേ​ഴ്സാ​ണു ക​ളി​ക്കു ചൂ​ടു പി​ടി​പ്പി​ച്ച​ത്. ക​ഴി​ഞ്ഞ ക​ളി മ​ന​സി​ലു​ണ്ടാ​യ​തു കൊ​ണ്ടാ​വ​ണം അ​ത്ര ആ​ര​വ​മു​യ​ര്‍ത്താ​ന്‍ ആ​ദ്യ മി​നി​റ്റു​ക​ളി​ല്‍ കാ​ണി​ക​ള്‍ ത​യാ​റാ​യി​ല്ല. പ​ക്ഷേ, പ​ത്താം മി​നി​റ്റി​ല്‍ മ​ഞ്ഞ​പ്പ​ട സീ​സ​ണി​ലെ ആ​ദ്യ മി​ക​ച്ച നീ​ക്ക​മെ​ന്നു വി​ശേ​ഷി​പ്പി​ക്കാ​വു​ന്ന ഗോ​ള്‍ ശ്ര​മം ജം​ഷ​ഡ്പൂ​ര്‍ ഗോ​ള്‍ മു​ഖ​ത്തു ന​ട​ത്തി. റി​നോ ആ​ന്‍റോ​യി​ല്‍നി​ന്നു വ​ല​തു വിം​ഗി​ല്‍ ല​ഭി​ച്ച പാ​സി​ല്‍ ഇ​യാ​ന്‍ ഹ്യൂം ​സി.​കെ. വി​നീ​തി​ന്‍റെ ത​ല​പ്പാ​ക​ത്തി​നു​ള്ള ക്രോ​സ് പെ​നാ​ല്‍റ്റി ബോ​ക്സി​നു​ള്ളി​ലേ​ക്കു ന​ല്‍കി. ഓ​ടി​യെ​ത്തി​യ മ​ല​യാ​ളി താ​രം ത​ലവ​ച്ചെ​ങ്കി​ലും ക്രോ​സ് ബാ​റി​നു മു​ക​ളി​ലൂ​ടെ പ​ന്തു പ​റ​ന്നു പോ​യി. ഇ​തോ​ടെ ശ​ങ്കി​ച്ചു​നി​ന്ന മ​ഞ്ഞ​പ്പ​ട​യു​ടെ ആ​രാ​ധ​ക​ര്‍ ബ്ലാ​സ്റ്റേ​ഴ്സ് വി​ളി​ക​ളാ​ല്‍ ക​ലൂ​ര്‍ ജ​വ​ഹ​ര്‍ലാ​ല്‍ നെ​ഹ്റു സ്റ്റേ​ഡി​യ​ത്തി​ല്‍ ഇ​ടി​മു​ഴ​ക്കം തീ​ര്‍ത്തു.


പ​തി​നേ​ഴാം മി​നി​റ്റി​ല്‍ അ​ല​സ​നാ​യ മാ​ന്ത്രി​ക​ന്‍റെ ഊ​ഴ​മാ​യി​രു​ന്നു. ഇ​ട​തു​വിം​ഗി​ല്‍ ലാ​ല്‍റു​ത്താ​ര​യു​ടെ ക്രോ​സി​ല്‍ ശ​രീ​രം അ​ല്‍പം വ​ള​ച്ചു ഉ​യ​ര്‍ന്നു പൊ​ങ്ങി ബെ​ര്‍ബ​റ്റോ​വ് അ​ത്യൂ​ഗ്ര​ന്‍ ഷോ​ട്ടു പാ​യി​ച്ചെ​ങ്കി​ലും ഒ​രു​വി​ധം ജം​ഷ​ഡ്പൂ​ര്‍ ഗോ​ള്‍ കീ​പ്പ​ര്‍ സൂ​ബ്ര​തോ പാ​ല്‍ പി​ടി​ച്ചു​നി​ന്നു. മാ​ഞ്ച​സ്റ്റ​റി​ന്‍റെ ജ​ഴ്സി​യി​ല്‍ ക​ണ്ട അ​തേ ബെ​ര്‍ബ​യെ ഒ​രു​നി​മി​ഷം കൊ​ച്ചി​യി​ല്‍ കാ​ണാ​നാ​യി. ഇ​തോ​ടെ ബ്ലാ​സ്റ്റേ​ഴ്സ് ഫു​ള്‍ ഫോ​മി​ലാ​യി. ക​റേ​ജ് പെ​ക്കൂ​സ​ണെ കേ​ന്ദ്രീ​ക​രി​ച്ചു​ള്ള മു​ന്നേ​റ്റ​ങ്ങ​ള്‍ നി​ര​വ​ധി പി​റ​ന്നു.

എ​ന്നാ​ല്‍, കോ​പ്പ​ലാ​ശാ​ന്‍റെ കു​ട്ടി​ക​ളും വെ​റു​തെ​യി​രു​ന്നി​ല്ല. മു​പ്പ​താം മി​നി​റ്റി​ല്‍ ബെ​ല്‍ഫോ​ര്‍ട്ടി​നെ സ​ന്ദേ​ശ് ജി​ങ്ക​ന്‍ വീ​ഴ്ത്തി​യ​തി​നു ല​ഭി​ച്ച ഫ്രീ​കി​ക്ക്
എ​മേ​ഴ്സ​ണ്‍ മൗ​റ ഗോ​ള്‍ പോ​സ്റ്റി​ലേ​ക്കു തൊ​ടു​ത്തെ​ങ്കി​ലും ബ്ലാ​സ്റ്റേ​ഴ്സ് ഗോ​ള്‍ കീ​പ്പ​ര്‍ പോ​ള്‍ റെ​ചു​ബ്കാ ത​ട്ടി​യ​ക​റ്റി. റീ​ബൗ​ണ്ട് ചെ​യ്തു​വ​ന്ന പ​ന്തി​ല്‍ വി​മിം​ഗ്താം​ഗ​യും ഗോ​ള്‍ ശ്ര​മം ന​ട​ത്തി​യെ​ങ്കി​ലും അ​വി​ശ്വ​നീ​യ​മാ​യി റെ​ചു​ബ്ക​യു​ടെ അ​ത്ഭു​ത സേ​വ് മ​ഞ്ഞ​പ്പ​ട​യെ ര​ക്ഷി​ച്ചു.

ഗോ​ള്‍ ക്ഷാ​മ​ത്തി​ന് അ​റു​തി​യി​ല്ല

ഗോ​ള്‍ പി​റ​ക്കു​ന്നി​ല്ലെ​ങ്കി​ലും ഓ​രോ നി​മി​ഷ​വും മ​ഞ്ഞ​പ്പ​ട​യു​ടെ ച​ടു​ല​മാ​യ മു​ന്നേ​ങ്ങ​ളാ​ണു ര​ണ്ടാം പ​കു​തി​യു​ടെ തു​ട​ക്ക​ത്തി​ലും ക​ണ്ട​ത്. എ​ന്നാ​ല്‍ പ​തി​യെ വി​ര​സ​ത​യി​ലേ​ക്കു ക​ളി നീ​ങ്ങി. മെ​ഹ്താ​ബ് ഹു​സൈ​നും ബെ​ര്‍ബ​റ്റോ​വും ത​മ്മി​ല്‍ ഇ​ട​യ്ക്കി​​ടെ​യു​ണ്ടാ​യ ഏ​റ്റ​മു​ട്ട​ല്‍ മു​ന്‍ ബ്ലാ​സ്റ്റേ​ഴ്സ് താ​ര​ത്തി​ന്‍റെ മ​ഞ്ഞ​ക്കാ​ര്‍ഡി​ലാ​ണ് അ​വ​സാ​നി​ച്ച​ത്.


ബി​ബി​ന്‍ ബാ​ബു