ഫോര്‍മലിന്‍ കലര്‍ന്ന മത്സ്യം എത്തുന്നതു തടയും: വി.എസ്. ശിവകുമാര്‍
തിരുവനന്തപുരം: ഫോര്‍മലിന്‍ കലര്‍ന്ന മത്സ്യം എത്തുന്നതു തട യാന്‍ കര്‍ശന നടപടി സ്വീകരിക്കുമെന്നു മന്ത്രി വി.എസ്. ശിവകുമാര്‍ നിയമസഭയെ അറിയിച്ചു.

അന്യസംസ്ഥാനങ്ങളില്‍നിന്നു കൊണ്ടുവരുന്ന മത്സ്യത്തില്‍ ഫോര്‍മലിന്‍ കലര്‍ത്തുന്നതു ശ്രദ്ധയില്‍പെട്ടിട്ടുള്ളതായി എ.കെ ശശികുമാറിന്റെ ചോദ്യത്തിനു മന്ത്രി ഉത്തരം നല്‍കി.

സംസ്ഥാനത്ത് അരിവാള്‍ രോഗം ബാധിച്ച 709 പേരുണ്ട്. ഇവരില്‍ പട്ടികവര്‍ഗക്കാര്‍ക്കു മാസം 1000 രൂപ വീതം ധനസഹായം നല്‍കുന്ന പദ്ധതി നിലവിലുണ്ട്. ഈ ധനസ ഹായം ബാങ്കുകള്‍ വഴി വിതരണം ചെയ്യുമെന്നു മന്ത്രി പി.കെ. ജയലക്ഷ്മി അറിയിച്ചു. സി.പി. മുഹമ്മദ്, ഐ.സി. ബാലകൃഷ്ണന്‍, പാലോട് രവി, എം.പി. വിന്‍സെന്റ് എന്നിവരാണു ചോദ്യം ഉന്നയിച്ചത്. അരിവാള്‍ രോഗബാധിതരായി കഴിഞ്ഞ രണ്ടു മാസത്തിനകം വയനാട് ജില്ലയില്‍ ഏഴു പേര്‍ മരിച്ചതായും മന്ത്രി അറിയിച്ചു.

സംസ്ഥാനത്തെ എല്ലാ പ്രൈമറി ഹെല്‍ത്ത് സെന്ററുകളിലും ലാബ് സൌകര്യമൊരുക്കും. സ്വകാര്യ പങ്കാളിത്തത്തോടെ ലാബുകള്‍ സ്ഥാപിക്കാന്‍ സര്‍ക്കാര്‍ ആലോചിക്കുന്നില്ല. സ്വകാര്യ ലാബുകളുടെ ഗുണനിലവാരവും സാങ്കേതികവിദഗ്ധരുടെ യോഗ്യതയും ഉറപ്പുവരുത്താന്‍ അടുത്ത സമ്മേളനത്തില്‍ ക്ളിനിക്കല്‍ എസ്റാബ്ളിഷ്മെന്റ് ബില്‍ അവതരിപ്പിക്കും. സര്‍ക്കാര്‍ ആശുപത്രികളിലെ ലാബ് ഫീസ് വര്‍ധിപ്പിക്കില്ല. ജില്ലാ ആശുപത്രികളില്‍ സി ടി സ്കാന്‍ സംവിധാനം ഏര്‍പ്പെടുത്തും.

തിരുവനന്തപുരം മെഡിക്കല്‍ കോളജില്‍ ഒരു എംആര്‍ഐ സ്കാനര്‍കൂടി സ്ഥാപിക്കുമെന്നു കെ. കുഞ്ഞഹമ്മദ് മാസ്റര്‍, വി.ശിവന്‍കുട്ടി, എ.എം. ആരിഫ്, കെ.വി. അബ്ദുള്‍ ഖാദര്‍, കെ. മുരളീധരന്‍, വി.എസ്. സുനില്‍കുമാര്‍, തേറമ്പില്‍ രാമകൃഷ്ണന്‍, സണ്ണി ജോസഫ്, സി. ദിവാകരന്‍, അബ്ദുറഹിമാന്‍ രണ്ടത്താണി, കോവൂര്‍ കുഞ്ഞുമോന്‍, സി.എഫ്. തോമസ്, തോമസ് ചാണ്ടി തുടങ്ങിയവരുടെ ചോദ്യങ്ങള്‍ക്കു മറുപടി നല്‍കി.

കഴിഞ്ഞ സര്‍ക്കാര്‍ പല കമ്യൂണിറ്റി ഹെല്‍ത്ത് സെന്ററുകളെയും താലൂക്ക് ആശുപത്രികളായി ഉയര്‍ത്തി. എന്നാല്‍, ഇവിടെ അടിസ്ഥാന സൌകര്യമൊന്നും ഒരുക്കിയിരുന്നില്ല.

വര്‍ധിച്ചുവരുന്ന റോഡ് അപകടങ്ങളുടെ പശ്ചാത്തലത്തില്‍ പത്ത് ആശുപത്രികളില്‍ ട്രോമ കെയര്‍ യൂണിറ്റുകള്‍ സ്ഥാപിക്കാന്‍ കേന്ദ്രത്തിന്റെ അനുമതി തേടിയിട്ടുണ്ട്. ഡോക്ടമാരുടെ കുറവു പരിഗണിച്ച് 470 അസിസ്റന്റ് സര്‍ജന്‍മാരെ അടിയന്തരമായി നിയമിക്കും. കാന്‍സര്‍ രോഗികള്‍ക്കു തിരുവനന്തപുരം മെഡിക്കല്‍ കോളജില്‍ പെറ്റ് സ്കാന്‍ സൌകര്യം ഏര്‍പ്പെടുത്തും.


ടൂറിസം വ്യവസായ രംഗത്ത് 1000 കോടിയില്‍പ്പരം രൂപയുടെ നിക്ഷേപം നടന്നതായി മന്ത്രി എ.പി. അനില്‍കുമാര്‍ അറിയിച്ചു. ഇതുവഴി 14 ലക്ഷം പേര്‍ക്കു തൊഴില്‍ ലഭിച്ചുവെന്നു ജെയിംസ് മാത്യു, എം. ചന്ദ്രന്‍ തുടങ്ങിയവരെ മന്ത്രി അറിയിച്ചു. കഴിഞ്ഞ പത്തുവര്‍ഷത്തിനിടെ സംസ്ഥാനത്തു വാഹനങ്ങളുടെ എണ്ണത്തില്‍ 188 ശതമാനം വര്‍ധന ഉണ്ടായെന്നു മന്ത്രി ആര്യാടന്‍ മുഹമ്മദ് അറിയിച്ചു.

2000-2001-ല്‍ 21.11 ലക്ഷം വാഹ നങ്ങള്‍ ഉണ്ടായിരുന്നു. 2010-11-ല്‍ ഇത് 60.72 ലക്ഷമായി വര്‍ധിച്ചുവെന്നു കെ.വി. അബ്ദുള്‍ ഖാദറിനു മന്ത്രി മറുപടി നല്‍കി. എറണാകുളും-തൃശൂര്‍ മെമു ട്രെയില്‍ ഉടന്‍ ആരംഭിക്കും.

റെയില്‍വേ സമയപട്ടിക അനുസരിച്ചുള്ള പുനഃക്രമീകരണം നട ത്തിയ ശേഷമായിരിക്കും മെമു സര്‍വീസ് ആരംഭിക്കുക. ജമീലാ പ്രകാശം, മാത്യു ടി. തോമസ്, സി.കെ. നാണു, ജോസ് തെറ്റയില്‍ തുടങ്ങിയവരാണ് ചോദ്യം ഉന്നയിച്ചത്്.

കേരളത്തിലെ ജയിലുകളില്‍ അന്യരാജ്യക്കാരായ 93 തടവുകാരുണ്െടന്നു ഇ.പി ജയരാജനെ മന്ത്രി തിരുവഞ്ചൂര്‍ രാധാകൃഷ്ണന്‍ അറിയിച്ചു. ബംഗ്ളാദേശ്-59, പാക്കിസ്ഥാന്‍-14, നൈജീരിയ-6, ഇറാന്‍-5, മ്യാന്‍മാര്‍ ഇക്വഡോര്‍, യമന്‍, സൌദി -1 , നേപ്പാള്‍ -3, ശ്രീലങ്ക -2. പൂജപ്പുര സെന്‍ട്രല്‍ ജയിലില്‍ 17 ബംഗ്ളാദേശികള്‍ ഉണ്ട്.

സംസ്ഥാനത്തെ ജയിലുകളില്‍ തടവുകാര്‍ ഒട്ടിച്ച 1087 ചിത്രങ്ങള്‍ എടുത്തുമാറ്റി. സിനിമാതാരങ്ങളു ടെ 396, കായിക താരങ്ങളുടെ 153, രാഷ്ട്രീയ നേതാക്കളുടെ 73, മ തപരമായ ചിത്രങ്ങള്‍ 454 എന്നിങ്ങനെയാണ് എടുത്തമാറ്റിയതെ ന്നു പി.ടി.എ. റഹീമിനെ മന്ത്രി അറിയിച്ചു.

സംസ്ഥാനത്ത് അഞ്ചിടങ്ങളില്‍ പുതിയ ജയിലുകള്‍ സ്ഥാപിക്കുമെന്ന് എം.എ. വാഹിദ്, ഹൈബി ഈഡന്‍, കെ.ശിവദാസന്‍ നായര്‍, വി.പി. സജീന്ദ്രന്‍ എന്നിവരെ മന്ത്രി അറിയിച്ചു. തവനൂര്‍ സെന്‍ട്രല്‍ ജയില്‍, തൊടുപുഴ ജില്ലാ ജയില്‍, ഇരിങ്ങാലക്കുട സബ് ജയില്‍, വിയ്യൂര്‍ അതീവ സുരക്ഷ ജയില്‍, ജില്ലാ ജയില്‍ എന്നിവയാണു സ്ഥാപിക്കുന്നത്. പാലക്കാട് സ്പെഷല്‍ സബ് ജയില്‍ മാറ്റിസ്ഥാപിക്കും. സ്ഥലം ലഭിക്കുന്ന മുറയ്ക്കു ശേഷിക്കുന്ന ഒമ്പതു ജില്ലകളിലും ജില്ലാ ജയിലുകളും കൂടുതല്‍ സബ് ജയിലുകളും സ്ഥാപിക്കും.

സ്കൂള്‍ കായിക മത്സരങ്ങളില്‍ പെണ്‍കുട്ടികളുടെ ഫുട്ബോള്‍ കൂടി ഉള്‍പ്പെടുത്തുന്നതു പരിഗണിക്കുമെന്നു മന്ത്രി അറിയിച്ചു.