സെമിനാര്‍ 26ന്
Wednesday, April 23, 2014 12:38 AM IST
കൊച്ചി: ജോണ്‍ ഇരുപത്തിമൂന്നാമന്‍ മാര്‍പാപ്പയും ജോണ്‍ പോള്‍ രണ്ടാമന്‍ മാര്‍പാപ്പയും വിശുദ്ധപദവിയിലേക്ക് ഉയര്‍ത്തപ്പെടുന്നതിന്റെ ഭാഗമായി കേരള കാത്തലിക്സ് ബിഷപ്സ് കൌണ്‍സിലിന്റെ ഡയലോഗ് ആന്‍ഡ് എക്യുമെനിസം കമ്മീഷന്‍ 26-ന് പിഒസിയില്‍ സെമിനാര്‍ സംഘടിപ്പിക്കും. സെമിനാര്‍ രാവിലെ 10-ന് എറണാകുളം-അങ്കമാലി അതിരൂപത സഹായ മെത്രാന്‍ മാര്‍ ജോസ് പുത്തന്‍വീട്ടില്‍ ഉദ്ഘാടനം ചെയ്യും. പിഒസി ഡയറക്ടര്‍ റവ. ഡോ. സ്റീഫന്‍ ആലത്തറ അധ്യക്ഷത വഹിക്കും. പിഎസ്സി ചെയര്‍മാന്‍ ഡോ.കെ.എസ്.രാധാകൃഷ്ണന്‍, പ്രഫ.എം.കെ.സാനു എന്നിവര്‍ മുഖ്യപ്രഭാഷണം നടത്തും. റവ.ഡോ.പോള്‍ തേലക്കാട്ട്, റവ.ഡോ.സക്കറിയാസ് പറനിലം എന്നിവര്‍ ചര്‍ച്ചകള്‍ നയിക്കും. കേരളത്തിലെ എല്ലാ രൂപതകളില്‍ നിന്നുമുള്ള പ്രതിനിധികള്‍ സെമിനാറില്‍ പങ്കെടുക്കുമെന്ന് ചെയര്‍മാന്‍ ആര്‍ച്ച്ബിഷപ് മാര്‍ മാത്യു മൂലക്കാട്ട്, സെക്രട്ടറി ഫാ. റോബി കണ്ണന്‍ചിറ എന്നിവര്‍ അറിയിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.