കതിരൂര്‍ വധം: മൂന്നാം പ്രതിയെ സിബിഐ കസ്റഡിയില്‍ വിട്ടു
Tuesday, November 25, 2014 1:28 AM IST
കൊച്ചി: കണ്ണൂരിലെ കതിരൂരില്‍ ആര്‍എസ്എസ് നേതാവ് മനോജിനെ കൊലപ്പെടുത്തിയ കേസിലെ മൂന്നാം പ്രതി കിഴക്കെ കതിരൂര്‍ ബ്രാഹ്മമുക്ക് ചന്ത്രോത്ത് സി. പ്രകാശിനെ എറണാകുളം ചീഫ് ജുഡീഷല്‍ മജിസ്ട്രേറ്റ് കോടതി അഞ്ചു ദിവസത്തേക്കു സിബിഐ കസ്റഡിയില്‍ വിട്ടു. മുഖ്യപ്രതി വിക്രമന് ഒളിവില്‍ താമസിക്കാന്‍ അവസരമൊരുക്കുകയും മറ്റു പ്രതികളുമായി നിരന്തരം ബന്ധപ്പെടുകയും ചെയ്തിരുന്ന ആള്‍ എന്ന നിലയില്‍ പ്രകാശിനെ കൂടുതല്‍ ചോദ്യം ചെയ്യേണ്ടതുണ്െടന്നു സിബിഐ കോടതിയില്‍ ബോധിപ്പിച്ചിരുന്നു.


ഇതിനിടെ, കണ്ണൂര്‍ ജയിലിലായിരുന്ന കിഴക്കെ കതിരൂര്‍ കട്യല്‍ മിത്തല്‍ വിക്രമന്‍ (43), പാട്യം കുനിയില്‍ വീട്ടില്‍ ജിതേഷ് (വിജേഷ്), ശിവപുരം കുന്നുമ്മേല്‍ വീട്ടില്‍ ടി.പ്രഭാകരന്‍, കതിരൂര്‍ കോട്ടയംപോയില്‍ ചുളവില്‍ സുജിത്, കതിരൂര്‍ നന്ദിയത്ത് വീട്ടില്‍ വിനോദ് (വിനു), കൂത്തുപറമ്പ് നരവൂര്‍ വാഴയില്‍ വീട്ടില്‍ സിറാജ് (കുറുക്കന്‍ സിറാജ്) എന്നിവരെ കോടതി ഡിസംബര്‍ 19 വരെ റിമാന്‍ഡ് ചെയ്ത് എറണാകുളം ജില്ലാ ജയിലിലേക്ക് അയച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.