സരിതയ്ക്കെതിരെ ആഞ്ഞടിച്ച് പോലീസ് അസോ. നേതാക്കള്‍ : Deepika.com Kerala News |

Click here for detailed news of all items

സരിതയ്ക്കെതിരെ ആഞ്ഞടിച്ച് പോലീസ് അസോ. നേതാക്കള്‍

Friday, February 12, 2016 12:02 AM IST

കോഴിക്കോട്: സോളാര്‍ കമ്മീഷനില്‍ ആരോപണം ഉന്നയിച്ച സരിതയ്ക്കെതിരേ ആഞ്ഞടിച്ചു കേരളാ പോലീസ് അസോസിയേഷന്‍ സംസ്ഥാന നേതാക്കള്‍. കോഴിക്കോട്ടു നടന്ന അസോസിയേഷന്‍ സിറ്റി കമ്മിറ്റിയുടെ ജില്ലാ സമ്മേളനത്തിലാണു സംസ്ഥാന പ്രസിഡന്റ് കെ.എസ്. ചന്ദ്രാനന്ദന്‍, സെക്രട്ടറി ജി.ആര്‍. അജിത്, ജോയിന്റ് സെക്രട്ടറി ബാബു തോമസ് എന്നിവരുടെ രോഷപ്രകടനം.

സരിത മാന്യന്മാരെ വിറപ്പിക്കുന്ന ഭൂതമാണെന്നു ചന്ദ്രാനന്ദന്‍ വിശേഷിപ്പിച്ചപ്പോള്‍, ബാബു തോമസ് അവരെ പേപ്പട്ടിയാക്കി. അസോസിയേഷന്റെ മുന്‍ സംസ്ഥാന നേതാക്കളായ രണ്ടുപേര്‍ക്കെതിരേയും കടുത്ത വിമര്‍ശനമുയര്‍ന്നു.

'കുറച്ചു കാലമായി പത്രമാധ്യമങ്ങളില്‍ ഒരു ഭൂതം നിറഞ്ഞാടുകയാണ്. ഇപ്പോള്‍ നമ്മുടെ അസോസിയേഷന്റെ മേല്‍ ആ ഭൂതം കയറിയിരിക്കുകയാണ്. സ്വന്തം ശരീരം സാമ്പത്തിക ലാഭങ്ങള്‍ക്കായി മാറ്റിവച്ച ആളാണ് ആ ഭൂതം. 20 ലക്ഷം രൂപ നമ്മുടെ സെക്രട്ടറിക്കു കൊടുത്തെന്നാണു പുതിയ ആരോപണം. 20 ലക്ഷം രൂപയുടെ വെട്ടിപ്പ് നടത്തിയ അസോസിയേഷന്റെ ചില മുന്‍ നേതാക്കളാണിപ്പോള്‍ ഭൂതത്തെ ഇളക്കി വിട്ടിരിക്കുന്നത്. ആ നേതാക്കള്‍ ജയിലില്‍ പോകുന്ന അവസ്ഥ വൈകാതെ കാണാമെന്നും ചന്ദ്രാനന്ദന്‍ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.