ഇന്‍റർ ചർച്ച് കൗണ്‍സിൽ യോഗം കൊച്ചിയിൽ ഇന്ന് : Deepika.com Kerala News |

Click here for detailed news of all items

ഇന്‍റർ ചർച്ച് കൗണ്‍സിൽ യോഗം കൊച്ചിയിൽ ഇന്ന്

Monday, January 16, 2017 11:51 AM IST

കൊച്ചി: ഇന്‍റർ ചർച്ച് കൗണ്‍സിലിന്‍റെ നേതൃത്വത്തിൽ കേരളത്തിലെ വിവിധ ക്രൈസ്തവസഭകളുടെ മേലധ്യക്ഷൻമാരുടെ സമ്മേളനം ഇന്നു പാലാരിവട്ടം പിഒസിയിൽ നടക്കുമെന്നു പ്രസിഡന്‍റും സീറോ മലബാർ സഭ മേജർ ആർച്ച്ബിഷപ്പുമായ കർദിനാൾ മാർ ജോർജ് ആലഞ്ചേരി അറിയിച്ചു. വിവിധ സഭകളെ പ്രതിനിധീകരിച്ച് 25 മെത്രാപ്പോലീത്തമാരും മെത്രാൻമാരും പങ്കെടുക്കും.

മാർത്തോമാ സഭാധ്യക്ഷൻ ജോസഫ് മാർത്തോമ മെത്രാപ്പോലീത്തയുടെ അധ്യക്ഷതയിലാണു യോഗം. സിബിസിഐ പ്രസിഡന്‍റും സീറോ മലങ്കര സഭ മേജർ ആർച്ച്ബിഷപ്പുമായ കർദിനാൾ മാർ ബസേലിയോസ് ക്ലീമിസ് കാതോലിക്കാബാവ, കർദിനാൾ മാർ ജോർജ് ആലഞ്ചേരി തുടങ്ങിയവർ സംസാരിക്കും. ക്രിസ്തീയകുടുംബങ്ങൾ: വെല്ലുവിളികളും ഉത്തരവാദിത്വങ്ങളും എന്ന വിഷയത്തിൽ യോഗത്തിൽ ചർച്ചകളുണ്ടാകും. കേരളത്തിലെ ക്രൈസ്തവസഭകളുമായി ബന്ധപ്പെട്ട പൊതുവിഷയങ്ങൾക്കു പുറമേ, സമകാലിക സാമൂഹ്യ, രാഷ്ട്രീയ സാഹചര്യങ്ങളെയും ഇന്‍റർ ചർച്ച് കൗണ്‍സിൽ യോഗം അവലോകനം ചെയ്യും. വിവിധ ക്രൈസ്തവസഭകളിൽ നിന്നു വൈദിക, അല്മായ പ്രതിനിധികളും പങ്കെടുക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.