തിരുവനന്തപുരം - കോഴിക്കോട് പ്രതിദിന വിമാന സർവീസ് തുടങ്ങി : Deepika.com Kerala News |

Click here for detailed news of all items

തിരുവനന്തപുരം - കോഴിക്കോട് പ്രതിദിന വിമാന സർവീസ് തുടങ്ങി

Monday, January 16, 2017 12:29 PM IST

തിരുവനന്തപുരം: എയർ ഇന്ത്യാ എക്സ്പ്രസിന്‍റെ തിരുവനന്തപുരം - കോഴിക്കോട് പ്രതിദിന സർവീസ് ആരംഭിച്ചു.തിരുവനന്തപുരം അന്താരാഷ്‌ട്രാ വിമാനത്താവളത്തിൽ രാവിലെ നടന്ന ചടങ്ങിൽ എയർ ഇന്ത്യ എക്സ്പ്രസ് സിഇഒ കെ.ശ്യാം സുന്ദർ കോഴിക്കോട്ടേക്കുളള ആദ്യ സർവീസ് ഉദ്ഘാടനം ചെയ്തു. ആദ്യ ദിനത്തിൽ 53 യാത്രക്കാരുമായി ഐ.എക്സ് 373 രാവിലെ എഴു മണിക്കു തിരുവനന്തപുരത്തുനിന്നു പറന്നുയർന്നു. കോഴിക്കോട് നിന്ന് വിമാനം തുടർന്നു ദോഹയിലേക്ക് പറക്കും.

കോഴിക്കോട് നിന്ന് തിരുവനന്തപുരത്തേക്കുളള വിമാനം ഐ.എക്സ് 374 രാത്രി 10.50 ന് പുറപ്പെടും. 11.45 ന് തിരുവനന്തപുരത്തെത്തും. തുടക്കത്തിൽ ഏറ്റവും കുറഞ്ഞ ടിക്കറ്റ് നിരക്ക് 2400 രൂപയാണ്. 189 പേർക്ക് യാത്ര ചെയ്യാവുന്ന ബോയിംഗ് 737,800 വിമാനങ്ങളാണ് ഈ സെക്ടറിൽ സർവീസ് നടത്തുന്നത്.
ആഭ്യന്തര വിമാനയാത്രികർക്കു പുറമെ പ്രവാസികൾക്കും സൗകര്യപ്രദമായ സർവീസ് ആണിത്. തെക്കൻ കേരളത്തിൽ നിന്നുള്ള പ്രവാസികളെ കോഴിക്കോട് വഴി ദോഹ, ബഹ്റിൻ, കുവൈത്ത്, റിയാദ്, അൽ എയ്ൻ, റാസ് അൽ ഖെയ്മ, ഷാർജ മുതലായ ഗൾഫ് നാടുകളുമായി പുതിയ വിമാന സർവീസ് ബന്ധിപ്പിക്കുന്നു.

ക്രെഡിറ്റ് / ഡെബിറ്റ് കാർഡുകൾ മുഖാന്തരമുള്ള ബുക്കിംഗുകൾക്കു പുറമെ നെറ്റ്ബാങ്കിംഗ് മുഖേനയും ഓണ്‍ലൈനായി ടിക്കറ്റുകൾ ബുക്ക് ചെയ്യാൻ എയർ ഇന്ത്യ എക്സ്പ്രസ് സൗകര്യമൊരുക്കുന്നു. വിമാനത്തിനുള്ളിൽ ലഭിക്കുന്ന സൗജന്യഭക്ഷണത്തിനു പുറമെ യാത്രക്കാർക്ക് ഇഷ്ടമുള്ള ഭക്ഷണം ഓണ്‍ലൈനായി വാങ്ങിക്കുന്നതിനുള്ള അവസരവും എയർ ഇന്ത്യ എക്സ്പ്രസ് ഒരുക്കിയിട്ടുണ്ട്.
https://www.facebook.com/AirIndiaExpressOfficial എന്ന ഫേസ് ബുക്ക് പേജിലൂടെ യാത്രക്കാർക്ക് പരാതിയും നിർദേശങ്ങളും അറിയിക്കുന്നതിനുള്ള സൗകര്യം എയർ എക്സ്പ്രസ് ഏർപ്പെടുത്തിയിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.