വിമൽജ്യോതി കോളജ് അക്രമം: സ്വകാര്യ മാനേജ്മെന്‍റിനെ വരുതിയിലാക്കാനുള്ള അജൻഡ -കെ.സി. ജോസഫ് : Deepika.com Kerala News |

Click here for detailed news of all items

വിമൽജ്യോതി കോളജ് അക്രമം: സ്വകാര്യ മാനേജ്മെന്‍റിനെ വരുതിയിലാക്കാനുള്ള അജൻഡ -കെ.സി. ജോസഫ്

Wednesday, January 18, 2017 3:03 PM IST

കണ്ണൂർ: ന്യൂനപക്ഷ മാനേജ്മെന്‍റുകൾ അഴിമതിക്കാരാണെന്ന മുഖ്യമന്ത്രിയുടെ പ്രസ്താവനയും ചെമ്പേരി വിമൽജ്യോതി കോളജിൽ യാതൊരു പ്രകോപനവുമില്ലാതെ എസ്എഫ്ഐയും ഡിവൈഎഫ്ഐയും നടത്തിയ അഴിഞ്ഞാട്ടവും സ്വകാര്യ മാനേജ്മെന്‍റുകളെ വരുതിയിൽ നിർത്താനുള്ള അജണ്ടയുടെ ഭാഗമാണെന്നു കെ.സി. ജോസഫ് എംഎൽഎ.

വിമൽജ്യോതി കോളജിലെ പരാതികൾ സംബന്ധിച്ച് എംഎസ്എഫ്, കെ എസ് യു, എസ്എഫ്ഐ തുടങ്ങിയ വിദ്യാർഥി സംഘടനകളുമായി മാനേജ്മെന്‍റ് ചർച്ചകൾ നടത്തി രമ്യമായ പരിഹാരം ഉണ്ടാക്കിയശേഷമാണ് യാതൊരു പ്രകോപനവുമില്ലാതെ കോളജിന്‍റെ വസ്തുവകകൾ എസ്എഫ്ഐയും ഡിവൈഎഫ്ഐയും അടിച്ചുതകർത്തത്.

മാനേജ്മെന്‍റ് നൽകിയ വിട്ടുവീഴ്ചകൾ തങ്ങളുടെ സമരംകൊണ്ടു നേടിയതാണെന്നു വരുത്താനുള്ള എസ്എഫ്ഐയുടെ വിലകുറഞ്ഞ തന്ത്രത്തിന്‍റെ ഭാഗമാണു വിമൽജ്യോതിയിലെ അക്രമസംഭവങ്ങൾ. ആസൂത്രിതമായ ഇത്തരം അക്രമങ്ങളിൽ സിപിഎം നേതൃത്വത്തിന്‍റെ നിലപാട് എന്തെന്നു വ്യക്തമാക്കണമെന്നും കെ.സി. ജോസഫ് ആവശ്യപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.