36.5 കോടി കുടിശിക; ഫൈവ് സ്റ്റാർ ഹോട്ടൽ ജപ്തിചെയ്തു : Deepika.com Kerala News |

Click here for detailed news of all items

36.5 കോടി കുടിശിക; ഫൈവ് സ്റ്റാർ ഹോട്ടൽ ജപ്തിചെയ്തു

Wednesday, January 18, 2017 3:03 PM IST

കുമളി: വായ്പാ കുടിശികയെത്തുടർന്നു കുമളിയിൽ ഫൈവ് സ്റ്റാർ ഹോട്ടൽ ബാങ്ക് അധികൃതർ ജപ്തിചെയ്തു. എലിഫന്‍റ് കോർട്ട് ഹോട്ടലാണ് ഇന്നലെ ഫെഡറൽ ബാങ്ക് ജപ്തിചെയ്തത്. ഈ ഹോട്ടലിന്‍റെ അനുബന്ധ സ്ഥാപനമായ പെപ്പർ വൈനും ജപ്തിയുടെ വക്കിലാണ്. ഹൈക്കോടതിയിൽനിന്നു ജപ്തിക്കെതിരെ സ്റ്റേ ഓർഡർ പെപ്പർ വൈനു ലഭിച്ചിട്ടുണ്ട്. ജനുവരി 31 വരെയാണു സ്റ്റേ ഉള്ളത്.

ഫെഡറൽ ബാങ്കിന്‍റെ എറണാകുളം വൈറ്റില ബ്രാഞ്ചിൽനിന്നു പെപ്പർ വൈന് 7.30 കോടി രൂപ വായ്പയും കുടിശികയുംചേർത്ത് 11 കോടിയും എലിഫന്‍റ് കോർട്ടിന് 17 കോടി വായ്പയ്ക്കു കുടിശികയുംചേർത്ത് 25 കോടിയും അടയ്ക്കാനുണ്ട്. ആകെ 36.5 കോടിയാണു തിരികെ അടയ്ക്കേണ്ടത്.

എലിഫന്‍റ് കോർട്ട് ഹോട്ടലിന് 62 മുറികളുണ്ട്. സ്വിമ്മിംഗ് പൂൾ ഉൾപ്പെടുന്ന മുറികളും ഹോട്ടലിനുണ്ട്. 24,000 മുതൽ 40,000 വരെയായിരുന്നു മുറികൾക്കു വാടക ഈടാക്കിയിരുന്നത്. 150 ജീവനക്കാരുമുണ്ട്.
ഹോട്ടൽ പൂട്ടിയതോടെ ജീവനക്കാരും പെരുവഴിയിലായി. ജോലി നഷ്ടപ്പെട്ട ജീവനക്കാർ അവരുടെ പ്രാരാബ്ദങ്ങൾ മറ്റുള്ളവരോടു പങ്കുവയ്ക്കുന്നുണ്ടായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.