മുട്ടം പോളിടെക്നിക്കിൽ വീണ്ടും വിദ്യാർഥി സംഘർഷം : Deepika.com Kerala News |

Click here for detailed news of all items

മുട്ടം പോളിടെക്നിക്കിൽ വീണ്ടും വിദ്യാർഥി സംഘർഷം

Thursday, January 19, 2017 2:53 PM IST

തൊടുപുഴ: മുട്ടം ഗവ. പോളിടെക്നിക്കിൽ വീണ്ടും വിദ്യാർഥി സംഘർഷം. പോലീസ് വാഹനം വിദ്യാർഥികൾ അടിച്ചു തകർത്തു.

ആറു വിദ്യാർഥികൾക്കും രണ്ടു പോലീസുകാർക്കും പരിക്ക്. പോലീസ് ഡ്രൈവർ ദിപു, സിപിഒ സുമേഷ്, വിദ്യാർഥികളായ മാർത്താണ്ഡൻ, വിഷ്ണു, അനന്ദു, പ്രമോദ്, അരുണ്‍, ജയിസണ്‍, എന്നിവർക്കാണു പരിക്കേറ്റത്. ഇവരെ തൊടുപുഴ താലൂക്ക് ആശുപത്രിയിൽ പ്രവേശിപ്പിച്ചു. ഇന്നലെ ഉച്ചകഴിഞ്ഞു മൂന്നോടെയായിരുന്നു സംഭവം. ആർട്സ് ഫെസ്റ്റിന്‍റെ ഭാഗമായി ഇന്നലെ നടന്ന ഒപ്പന മത്സരത്തിനിടയിൽ താല്പര്യമുള്ള ടീമുകൾ വരുമ്പോൾ കൈയടിക്കുകയും മറ്റുള്ളവർ വരുമ്പോൾ ചീമുട്ട എറിഞ്ഞതുമാണ് സംഘർഷത്തിനു കാരണം.

വാക്കേറ്റത്തിൽ തുടങ്ങിയ സംഘർഷം കൈയാങ്കളിയിലെത്തുകയും ബഞ്ചുകൾ എടുത്ത് എറിയുകയും കസേരകളുമായി വിദ്യാർഥികൾ ഏറ്റുമുട്ടുകയും ചെയ്തു. തൊടുപുഴ ഡിവൈഎസ്പി എൻ.എൻ പ്രസാദിന്‍റെ നേതൃത്വത്തിൽ വൻ പോലീസ് സന്നാഹം എത്തിയാണു സ്ഥിതിഗതികൾ ശാന്തമാക്കിയത്. കഴിഞ്ഞ ആഴ്ചയും ഇവിടെ വിദ്യാർഥി സംഘർഷം നടന്നിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.