നിശാഗന്ധി പുരസ്കാരം ഭാരതി ശിവജിക്ക് : Deepika.com Kerala News |

Click here for detailed news of all items

നിശാഗന്ധി പുരസ്കാരം ഭാരതി ശിവജിക്ക്

Thursday, January 19, 2017 3:04 PM IST

തിരുവനന്തപുരം: ഈ വർഷത്തെ നിശാഗന്ധി പുരസ്കാരം സുപ്രസിദ്ധ മോഹിനിയാട്ടം നർത്തകി ഭാരതി ശിവജിക്ക് നൽകുമെന്ന് ടൂറിസം മന്ത്രി കടകംപള്ളി സുരേന്ദ്രൻ അറിയിച്ചു. 1,50,000 രൂപയും പ്രശസ്തി പത്രവും ശിൽപ്പവുമടങ്ങുന്ന പുരസ്കാരം 20നു വൈകുന്നേരം 6.30നു കനകക്കുന്നിൽ നടക്കുന്ന നിശാഗന്ധി ഫെസ്റ്റിവൽ ഉദ്ഘാടന ചടങ്ങിൽ ഗവർണർ ജസ്റ്റീസ് പി. സദാശിവം സമ്മാനിക്കും.

നാലു പതിറ്റാണ്ടായി മോഹിനിയാട്ടം ഉപാസകയായ ഭാരതി ശിവജി രംഗകല എന്ന നിലയിലും നൃത്ത രൂപത്തിന്‍റെ സൂക്ഷ്മതകളിലും നിരവധി സംഭാവനകളും നവീകരണ ശ്രമങ്ങളും നടത്തിയിട്ടുള്ള കലാകാരിയാണ്. മോഹിനിയാട്ടം എന്ന നൃത്തരൂപത്തിൽ ആകൃഷ്ടയായി 1970കളിലാണ് ഭാരതി ശിവജി കേരളത്തിലെത്തുന്നത്. സെന്‍റർ ഫോർ മോഹിനിയാട്ടം സ്ഥാപകയായ ഭാരതി ശിവജി 1986ൽ പ്രസിദ്ധീകരിച്ച ആർട്ട് ഓഫ് മോഹിനിയാട്ടം എന്ന പഠനഗ്രന്ഥത്തിന്‍റെ സഹ രചയിതാവ് കൂടിയാണ്. 2003ൽ മകളും മോഹിനിയാട്ടം നർത്തകിയുമായ വിജയലക്ഷ്മിക്കൊപ്പം മോഹിനിയാട്ടം എന്ന പേരിൽ മറ്റൊരു പുസ്തകം കൂടി രചിച്ചു. സംഗീത നാടക അക്കാഡമി പുരസ്കാര ജേതാവു കൂടിയായ ഭാരതി ശിവജിയെ 2004ൽ പത്മശ്രീ പുരസ്കാരം നൽകി ഭാരത സർക്കാർ ആദരിച്ചിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.