ഐസിവൈഎം ദേശീയ യുവജന കണ്‍വൻഷൻ ആരംഭിച്ചു : Deepika.com Kerala News |

Click here for detailed news of all items

ഐസിവൈഎം ദേശീയ യുവജന കണ്‍വൻഷൻ ആരംഭിച്ചു

Friday, January 20, 2017 3:20 PM IST

കൊച്ചി: പത്താമത് ഇന്ത്യൻ കാത്തലിക് യൂത്ത് മൂവ്മെന്‍റ് (ഐസിവൈഎം) ദേശീയ യുവജന കണ്‍വൻഷൻ മംഗലാപുരം സെന്‍റ് ജോസഫ്സ് എൻജിനിയറിംഗ് കോളജിൽ ആരംഭിച്ചു. 18ന് ആരംഭിച്ച കണ്‍വൻഷൻ നാളെ സമാപിക്കും. ഇന്നലെ രാവിലെ ഏഴിനു നടന്ന വിശുദ്ധ കുർബാനയ്ക്കു സീറോ മലബാർ സഭ മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി മുഖ്യകാർമികനായി.

ബിഷപ്പുമാരായ മാർ ലോറൻസ് മൂക്കുഴി, മാർ ജോസഫ് പണ്ടാരശേരിൽ, മാർ ജോസഫ് അരുമച്ചാടത്ത്, വിൻസെന്‍റ് മാർ പൗലോസ്, മാർ റാഫേൽ തട്ടിൽ, ഡോ. ഹെൻട്രി ഡിസൂസ എന്നിവരും നൂറോളം വൈദികരും പങ്കാളികളായി.

സിബിസിഐ പ്രസിഡന്‍റ് കർദിനാൾ മാർ ബസേലിയോസ് ക്ലീമീസ് കാതോലിക്കാ ബാവ, കർദിനാൾ ഡോ. ഓസ്വാൾഡ് ഗ്രേഷ്യസ്, മന്ത്രിമാർ, രാഷ്‌ട്രീയപ്രമുഖർ, സാമുദായിക പ്രമുഖർ എന്നിവർ ക്ലാസുകൾ നയിക്കും. നാളെ 25000 പേർ പങ്കെടുക്കുന്ന സമാധാന റാലിയോടെ കണ്‍വൻഷൻ സമാപിക്കുമെന്ന് ഐസിവൈഎം ദേശീയ പ്രസിഡന്‍റ് സിജോ അമ്പാട്ട് അറിയിച്ചു. ഇന്ത്യയിലെ 172 രൂപതകളിൽനിന്നുള്ള മൂവായിരത്തോളം പ്രതിനിധികൾ സംഗമത്തിൽ പങ്കെുടക്കുന്നുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.