ന്യൂനപക്ഷ വിദ്യാഭ്യാസ വിരുദ്ധ നിലപാടിന് എതിരേ ടീച്ചേഴ്സ് ഗിൽഡ് സമരത്തിന് : Deepika.com Kerala News |

Click here for detailed news of all items

ന്യൂനപക്ഷ വിദ്യാഭ്യാസ വിരുദ്ധ നിലപാടിന് എതിരേ ടീച്ചേഴ്സ് ഗിൽഡ് സമരത്തിന്

Friday, January 20, 2017 3:33 PM IST

കൊച്ചി: സംസ്ഥാന സർക്കാരിന്‍റെ ന്യൂനപക്ഷ വിദ്യാഭ്യാസ അവകാശങ്ങൾക്കു വിരുദ്ധമായ നിലപാടുകൾക്കെതിരേ സമരപരിപാടികൾ ആരംഭിക്കാൻ കേരള കാത്തലിക്ക് ടീച്ചേഴ്സ് ഗിൽഡ് സംസ്ഥാന നേതൃയോഗം തീരുമാനിച്ചു. ന്യൂനപക്ഷ മാനേജ്മെന്‍റുകളെ വെല്ലുവിളിച്ചു കെഇആർ ഭേദഗതി വീണ്ടും നടപ്പാക്കാനുള്ള സംസ്ഥാന സർക്കാർ നടപടി പിൻവലിക്കണമെന്നു യോഗം ആവശ്യപ്പെട്ടു.

ഭേദഗതിയെ നിയമപരമായി നേരിടുന്നതടക്കമുള്ള കാര്യങ്ങൾ തീരുമാനിക്കും. അധ്യാപകരുടെ ബ്രോക്കണ്‍ സർവീസുകൾ പെൻഷൻ കണക്കാക്കാൻ പരിഗണിക്കേണ്ടതില്ലെന്ന സർക്കാർ ഉത്തരവ് പിൻവലിക്കണം. 2014 മുതൽ ഒരു വിഭാഗം ഹയർ സെക്കൻഡറി സ്കൂൾ അധ്യാപകർ വേതനമില്ലാതെ ജോലി ചെയ്യുന്നുണ്ട്.

ഇതിന് അടിയന്തര പരിഹാരമുണ്ടാക്കണം. ഫെബ്രുവരി 24 നു തൃശൂരിൽ നടത്തുന്ന സംസ്ഥാനസമ്മേളനത്തിൽ സമരപരിപാടികൾക്കു രൂപം നൽകും. രണ്ടു ദിവസങ്ങളിലായാണു സമ്മേളനം നടക്കുക. 23നു പ്രതിനിധി സമ്മേളനം നടക്കും. 24 നു നടക്കുന്ന സമരപ്രഖ്യാപന സമ്മേളനത്തിൽ സംസ്ഥാനത്തെ വിവിധ ജില്ലകളിൽനിന്നുള്ള അയ്യായിരത്തോളം അധ്യാപകർ പങ്കെടുക്കുമെന്നു ടീച്ചേഴ്സ് ഗിൽഡ് സംസ്ഥാന ഡയറക്ടർ ഫാ. ജേക്കബ് ജി.പാലയ്ക്കാപ്പിള്ളി അറിയിച്ചു.

പാലാരിവട്ടം പിഒസിയിൽ നടന്ന നേതൃയോഗത്തിൽ കെസിബിസി വിദ്യാഭ്യാസ കമ്മീഷൻ സെക്രട്ടറിയും ടീച്ചേഴ്സ് ഗിൽഡ് സംസ്ഥാന ഡയറക്ടറുമായ ഫാ. ജേക്കബ് ജി. പാലയ്ക്കാപ്പിള്ളി. പ്രസിഡന്‍റ് ജോഷി വടക്കൻ, ജനറൽ സെക്രട്ടറി സാലു പതാലിൽ, ട്രഷറർ എം.എൽ. സേവ്യർ എന്നിവർ പ്രസംഗിച്ചു. ടീച്ചേഴ്സ് ഗിൽഡ് സംസ്ഥാന ഭാരവാഹികൾ, എക്സിക്യൂട്ടീവ് അംഗങ്ങൾ, വിവിധ രൂപത പ്രസിഡന്‍റുമാർ തുടങ്ങിയവർ പങ്കെടുത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.