വിദ്യാർഥികളെ നന്മ ശീലിപ്പിക്കാൻ കഴിയുന്നത് അധ്യാപകർക്ക്: പി.ജെ. കുര്യൻ : Deepika.com Kerala News |

Click here for detailed news of all items

വിദ്യാർഥികളെ നന്മ ശീലിപ്പിക്കാൻ കഴിയുന്നത് അധ്യാപകർക്ക്: പി.ജെ. കുര്യൻ

Saturday, January 21, 2017 3:10 PM IST

റാന്നി: മനുഷ്യത്വവും നന്മയും വികസിപ്പിച്ചെടുക്കാൻ കഴിയുന്നതാകണം വിദ്യാഭ്യാസമെന്നു രാജ്യസഭാ ഉപാധ്യക്ഷൻ പ്രഫ.പി.ജെ. കുര്യൻ. സിറ്റാഡൽ റസിഡൻഷൽ സ്കൂൾ രജതജൂബിലി സമ്മേളനവും ജൂബിലി അഡ്മിനിസ്ട്രേറ്റീവ് ബ്ലോക്ക് ഉദ്ഘാടനവും നിർവഹിക്കുകയായിരുന്നു അദ്ദേഹം.

ഓരോ മനസിലും ദൈവികമായ നന്മയുടെ കണികയുണ്ടെന്നും അതു വളർത്തിയെടുക്കാൻ അധ്യാപകനിലൂടെ നല്കപ്പെടുന്ന പരിശീലനത്തിലൂടെ മാത്രമേ കഴിയുകയുള്ളൂ. - അദ്ദേഹം ചൂണ്ടിക്കാട്ടി.കാഞ്ഞിരപ്പള്ളി രൂപതാധ്യക്ഷൻ മാർ മാത്യു അറയ്ക്കലിന്‍റെ അധ്യക്ഷതയിൽ നടന്ന സമ്മേളനത്തിൽ ജൂബിലിയുടെ ഭാഗമായി നിർമിച്ചു നല്കിയ ചാരിറ്റി ഭവനങ്ങളുടെ താക്കോൽ കൈമാറ്റം ആന്‍റോ ആന്‍റണി എംപിയും ജൂബിലി
സുവനീർ പ്രകാശനം രാജു ഏബ്രഹാം എംഎൽഎയും നിർവഹിച്ചു.

സ്കൂൾ മാനേജിംഗ് ട്രസ്റ്റി ഫാ. ജസ്റ്റിൻ പഴേപറമ്പിൽ, പിടിഎ പ്രസിഡന്‍റ് ഷീബി ജോസഫ് എന്നിവർ പ്രസംഗിച്ചു. പ്രിൻസിപ്പൽ ഫാ. ജോഷി സെബാസ്റ്റ്യൻ റിപ്പോർട്ട് അവതരിപ്പിച്ചു. ഐഐടി കാണ്‍പൂർ - ദീപിക ടെക്‌കൃതി പരീക്ഷയിൽ നാലാം സ്ഥാനം ലഭിച്ച സിറ്റഡൽ സ്കൂൾ വിദ്യാർഥിനി ഹെലൻ എൽമ മാത്യുവിനും 32-ാം സ്ഥാനം ലഭിച്ച അതുല്യ സതീഷിനും രാജ്യസഭാ ഉപാധ്യക്ഷൻ പ്രഫ. പി.ജെ. കുര്യൻ ഉപഹാരം സമ്മാനിച്ചു. സ്കൂൾ മാനേജർ ഫാ. ബെന്നി കൊടിമരത്തുംമൂട്ടിൽ സ്വാഗതവും സ്റ്റാഫ് സെക്രട്ടറി കെ.വി. സുഭാഷ് നന്ദിയും പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.